LA LÉPREUSE
si tost com vos savroiz la vérité de ceste chose, que vos vos acorderez a ce que la damoisele face ce que nos li requérons. » - — « Seignor, fet la damoisele, alez i, puis qu'il vos en prie. » Et il s'i acordent maintenant. Lors douent trives li un as autres, si entrent tuit ensemble ou s chastel. Si ne fu onques si grant joie fête come cil de laienz firent as trois compaignons. Si les firent descendre et desarmer. Et quant il orent mengié, si demandèrent de la costume dou chastel et coment ele estoit establie et porquoi. Et li uns de laienz dist tantost : « Ce vos dirons lo nos bien.
« Voirs est, fet il, qu'il a ceienz une damoisele a qui nos somes et tuit cil de cest païs, et cist chastiax est suens et maint autre. Si avint or a deus anz que ele chaï en une maladie par la volenté Nostre Seignor. Et quant ele ot 15 grant pièce langui, nos resgardames quel maladie ele avoit. Si veismes que ele ert pleine del mal que len apele meselerie. Lors mandâmes toz les mires loign et près, mes il n'i ot nus qui de sa maladie nos seust enseignier. Au derreain nos dist uns bons sages que se nos poions 2a avoir pleine escuele dou sanc a une pucele qui fust virge en volenté et en oevre, por quoi ele fust fille de roi et de reine et suer Perceval le vierge, si en oinsist len la dame, et ele garroit erranment. Quant nos oïsmes ceste chose, si establismes que ja mes ne passeroit damoi- 25 sele par ci devant, por qu'elc fust pucele, que nos n'eussons pleine escuele de son sanc. Si meismes gardes as portes de cest chastel por arester toutes celés qui i passeroient. Or avez 01, fet cil, coment la costume de cest chastel fu establie tel come vos l'avez trovee. Si en ferez ce 30 que vos plera. »
Lor apele la damoisele les trois compaignons et lor dist : « Seignor, vos veez que ceste damoisele est malade, et je la
puis garir se je voil, et se je voil ele n'en puet eschaper. Or me dites que j'en feré. » — « A non Dieu, fet Galaad, se vos le fêtes, a ce que vos estes juene et tendre, vos n'en poez eschaper sanz mort. » — « Par foi, fet ele, se je moroie por ceste garison, ce seroit honors a moi et a tôt s mon parenté. Et je le doi bien fere, partie por vos et partie por ax. Car se vos assemblez demain ausi corne vos avez hui fet, il ne puet estre qu'il n'i ait greignor perte que de ma mort. Et por ce vos di je que je ferai a lor volenté ; si remaindra cest estrif. Si vos pri por Dieu '^ que vos le m'otroiez. » Et il si font molt dolent.
Lors apela la damoisele cels de laienz, si lor dist : <( Soiez, fet ele, liez et joianz. Car vostre bataille de demain est remese : si vos créant que je demain m'aquiterai €n tel manière corne damoiseles s'aquitent.. » Quant cil 15 de laienz oient ce, si l'en mercient molt durement. Si comence par laienz la joie et la feste assez graindre qu'il n'avoient fet devant. Si servent les compaignons de tout lor pooir et les couchent au plus richement qu'il pueent. Celé nuit furent bien servi li troi compaignon, et mielz 20 le fussent encore s'il vousissent recevoir tôt ce que len lor offroit.
A l'endemain, quant il orent oie messe, vint la damoisele ou paies et comanda que len li amenast la dame qui ert malade, qui par son sanc devoit avoir garison. Et il 25 distrent que si feroient il volentiers. Lors l'alerent quierre en une chambre ou ele estoit. Et quant li compaignon la virent, si se merveillierent molt : car ele avoit le viaire si deffet et broçoné et si mesaeisié de la meselerie, que ce estoit merveille coment ele pooit vivre a tel dolor. 3o Et quant il la Virent venir, si se levèrent contre li et la firent seoir o ax. Et ele dist maintenant a la pucele que €le li rendist ce que ele li avoit promis. Et celé dist que
