Itrvovpyia : tisserandie. (Note des Éditeurs

la cognoissance plus grande, soit au choix des estoffes, ou teindre et adapter les coüleurs, ou à proportionner le tout auec plus de symmetrie, ont apporté auec les temps vne telle perfection à cest art, qu’on le peut dire estre monté à son comble , et qu’il n’y a plus qu’à empescher qu’il n’en puisse décheoir, ce qui despend de la faueur publique, pour faire que le courage ne manque aux ouuriers ; estant vn grand esguillon à quiconque met quelque inuention au iour,

Si quem fauor œquus

Prouehit, et pulchro reddit sua dona labori :

De ces anciens Hebreux, les Égyptiens et toutes les nations estrangeres ont puisé la science des arts mécaniques, et spécialement de nostre Stromatourgie, qui n’estoit, ce semble, que pour l’vsage des Roys et grands Princes, ainsi que les vers de Catulle le monstrent, quand il descri t les nopces de Pelee et Thetis ;

Tota domus gaudet regali splendida ga^a, Puluinar vero Diuæ géniale locatur Sedibus in mediis, indo quod dente politum Tincta tegit roseo conchy lis purpura fuco.

Puis de siecle en siecle les Milesiens s’estans annoblis par cest art, tirent espandre par tout le monde, Milesia Stromata.

A Pergame aussi cest art' y a esté fort estimé, et auons encore les tapisseries de Pergame qui sont paruenuës iusques en Italie, desquelles on fait vn grand trafic, comme pareillement les Princes barbares, qui ont imité les autres nations,

lam tibi Barbaricæ vestes, Meliba que fulget

Purpura Thessalico concarum tincta colore.

Du depuis ils commencèrent à y représenter quelques animaux, dont est venu l’appellation, Belluata Stro-

mata. Et à mesure que les années ont pris leur cours, les esprits s’estans formez a vne plus grande perfection, on a commencé à y former des personnages, comme le susdit Catulle l’affirme,

Hœc vestis prisais hominum variata Jiguris Heroum mira virtutes indicat arte.

Quinte-Curce recite qu’Alexandre le Grand ayant subiugué le Monarque Darius, retint pour son vsage ses superbes tapisseries, desquelles il se seruoit pour ouyr derrière icelles toutes les affaires de son estât, et entendre les dépositions des criminels.

Plutarque en la vie d’Agesilaus, raconte qu’iceluy voulant communiquer d’affaires auec Pharnabase, prince Persan en vn lieu destiné par eux, que ledit Agesilaus y estant arriué le premier, se coucha sur l’herbe pour l’attendre : et que Pharnabase y arriuant fit estendre vn tapis pour se coucher dessus, lequel il fit retirer peu apres pour se mettre sur l’herbe comme Agesilaus.

Du depuis à la longue nous voyons comme l’vsage s’en est espandu par tout, et auroit décoré iadis les premières Eglises et Palais de nos Roys. Sainct Hierosme en son Epistre seconde d’Epiphanius à lean Euesque de Hierusalem dit ces paroles ; Prœterea quod audiui qtiosdam murmurare contra me., quia quando simul pergebamus ad sanctum locum qui vocatur Betel, ut ibi collectam tecum ex more ecclesiastico facerem, ut venissem ad villam quæ dicitur Anablata, vidissemque ibi lucernam ardentem, et interrogassem quis locus esset, didicissemque esse Ecclessiam, et intrassem ut orarem : inueni ibi vélum pendens in foribus eiusdem Ecclesiæ tinctum atque depictum, et habens imaginem quasi Christi aut Sàncti cuiusdam, etc.

Sainct Grégoire de Tours descriuant les magnificences

et l’appareil du baptesme de Clouis, dit ces paroles, Velîs depictis adumbrabantur plateæ Ecclesiœ. Les François industrieux à suiure les inuëtions qui leur viennent de dehors, et à les augmenter et enrichir n’ont pas esté des derniers à imiter les autres Princes, pour chérir chez eux telles manufactures : virent bien tost leurs maisons parees de tels tapis : car ce mesme Auth.eur, 1. 3, c. 7, descriuant comme Thierry ayant délibéré de faire finir la vie de son frère Clotaire, Expanso in parte domus illius tentorio de vno pariete in alterum, fit cacher des gens arméz derrière : mais le tapis s’estant trouué trop court, fit que leurs pieds furent apperceus par ledit Clotaire, qui s’en alla mal contât dudit Thierry. Monsieur le President Fauchet racôte la mesme chose en son 1. 3, chap. 4.

Eginard sur la fin de son histoire faisant mention du testament de Charlemagne, qui veut que ses meubles soient vendus, et l’argent donné aux pauures nécessiteux, récite entre autres, Cortine Stragula Tapeies^ etc.

Le Roy Charles le Chauue avec plusieurs Prélats de France assemblez à Pontignon pour ouyr les Légats du Pape, porteurs d’une Bulle d’iceluy, déclarant l’Archeuesque de Sens Primat des Gaules, dans vne grande sale en laquelle il est dict que tout estoit orné de tapis : Domo ac subselliis, pallis et tapetibus protensis.

Le sieur de loinuille faict mention que sainct Louys enuoya à l’Empereur des Sarrasins quelques tapis d’escarlatte fine, esquels il fit représenter en broderie les Mystères de la religion Chrestienne, Qui nous donne a cognoistre qu’il n’y auoit encore en France nulle inuention des tapisseries de Haute- Lisse : et ne peut-on aucunement dire, ny en quel temps, ny par qui, telles tapisseries ont été introduites en France, non plus que

les tapis veloutez : sinon par vne sentence insérée ès vieux registres du Chastellet de Paris, esquels sont enregistrées les ordonnances de tous les mestiers de Paris, entre lesquelles ordonnances sont celles des tapissiers Sarazinois, en Pan 1295.

Il est à présumer qu’après l’entiere ruine des Sarazins par Charles Martel, en l’an 726, quelques vns d’iceux, quiscauoient faire de ces tapis, fugitifs etvagabons, ou possible reschapez de la deffaite, s’habituèrent en France pour gaigner leur vie, et commencèrent à faire et establir ceste manufacture de tapis Sarazinois. De sçauoir de quelle fabrique ny de quelle metode ou estoffe étoient faicts lesdits tapis, on n’en peut que iuger, sinon que l’on void par ladite sentence, que ces Tapissiers Sarazinois sont instituéz beaucoup devant les Tapissiers de haute lisse, comme on se le descouure facilement par ladite sentence, que i’ay voulu icy mettre de mot à mot.

a Après ce descort entre les Tapissiers Sarazinois <f deuant dicts d’vnepart, et vne manière de Tapissiers, « que l’en appelle en haute lisse d’autre-part : Sur ce « que les Maistres Tapissiers Sarazinois disoient et « maintenoient contre les Tapissiers de haute lisse, « qu’ils ne pouuoient et ne deuoient ouurer en la ville a de Paris, iusques à ce qu’ils fussent iurez et asser- « mentez, comme ils sont, de tenir et garder tous les « poincts de l’ordonnance, etc. Pource que c’est aussi « un semblable mestier, etc. De la volenté et de l’as- « sensemët Renaud le Tapissier, Simon le Breton, a etc., pour eux et pour le commun des Tapissiers a Sarrazinois voulurent, louèrent et approuuerent , a etc. Ce adiousté par nous de leur commun accord , « qu’iceux maistres ouuriers en haute lisse, pourront

« prendre et auoir aprentis, etc., pourront ouurer en la « haute lisse tant comme ils pourront veoir de lueur « de iour, et pourront trauailler dans la ville, etc. Et « pour les choses dessusdites faire tenir et garder seront « establis, à sçauoir vn maistre du mestier des Tapis « Sarazinois, et vn maistre du métier de haute lisse. »

D’où Ton peut remarquer que lesdits Tapissiers Sarazinois estoient en possession dès long-temps, mais sur leur déclin : et que lesdits Tapissiers de haute lisse com.mençoient à naistre, pour enseuelir et mettre hors lesdits Sarazinois, comme ils ont faict.

Tant il y a que ceste manufacture, si c’est la mesme, estant manquée en ces pays, soit qu’elle soit demeurée entre les Turcs, soit qu’elle ait esté perdue depuis ce temps, nous la voyons néantmoins estre releuée et restablie auec plus de perfection qu’elle n’a iamais esté, et qu’elle n’est en Turquie, et faut auoüer auec autant de vérité, que loin de iactance et présomption, que toutes ces antiques tapisseries, si on les approche avec ces nouuelles qui se font auiourd’huy, elles paroistront beaucoup moins que la pourpre de Rome auprès de celle enuoyée par le Roy de Perse à Aurelian : eique comparata Romana purpura quasi cinis decoloratus apparuit, dit Lampride, encore qu’elles ayent esté fabriquées (comme il est à présumer) par les meilleurs ouuriers de ce temps là,

... his sancta vetustas

Artificum manibus^ non umquam claruit ullo Gloria texturce seclo.

Or l’entrepreneur de ces nouuelles manufactures en France, qui despuis trente années a incessamment trauaillé pour les Roys et Reines esdits ouurages, età l’establissement d’icelle manufacture^ en a fait voir de si

beaux traicts, qu’il laisse à iuger, si c’est plustost par iuste confiance de son industrie, que par ostentation qu’il ose dire, que ce seroit perdre le temps, que d’en rechercher de plus excellens.

Outre le grand profit qu’il estime auoir procuré au public, d’auoir estably vn séminaire de ieunesse auparauant inutile, de sorte que là où on voyoit autresfois la fainéantise, mère de tout vice, là on contemplera vne fourmilière de petits enfans, despourueus de parens et d’assistance, pressez de pauureté, estans en charge et incommodité au public, demener les bras et les mains à vn trauail sans peine, soubs vne douce éducation apprendre à gaigner leur vie, en profitant au public : Ingenii redeunt fructus, aliique labores Et vitæ pars nulla périt.

Œuvre très-agreable, tant enuers Dieu qu’enuers les hommes, de n’auoir voulu cacher ce talent, ains l’auoir departy au public, qui a induit le mauuais naturel de quelques-vns à faire triompher leur ingratitude, au preiudice de l’honneur et du profit que meritoit iustement le soin, la diligence, et le labeur de l’Inuenteur, lequel s’il eut voulu retenir son industrie pour luy et pour ses enfans, il n’eust esprouué maintenant une telle disgrâce en sa vieillesse, ny de tels desplaisirs, et néantmoins il ne laissera de se résoudre en ses ennuis, quand il sçaura que les personnes de qualité et d’honneur cognoistront sa candeur et sa franchise, dont il a vsé enuers ceux, que la discrétion luy defend de nommer.

Qvelles choses sont necessaires povr bien et deuëment establir ceste Stromatourgie et la maintenir.