III. Parterre

Le sçauant Architecte ou le Maçon expérimenté, lorsqu’il veut esleuer un bastiment à sa perfection, prend soigneusement garde de bien aligner son fondement, et à le poser sur vne terre ferme, et apporte tout le soin qu’il peut à choisir de bons matériaux pour y employer, afin qu’il puisse auoir vn iour le profit et le contentement de voir son oüurage paruenir à son entière perfection.

Aussi quiconque veut entreprendre quelque chose que ce soit, en ce monde-cy, doit premièrement considérer quels fondemens il doit bailler à ses desseins et entreprises.

Les vrays et asseurez alignemens de toute la vie humaine, les plus roides pilotis, et le meilleur ciment que nous pouuons employer au fondement de toutes nos actions, pensées et désirs, pour les conduire et esleuer à vne bonne fin, c’est premièrement l’Amour de Dieu^ :

I. L’original porte en marge des manchettes que nous reproduisons ici en note. En regard de ce passage, on lit : La première chose requise.

secondement à celuy du prochain. Ce sont les deux principales pierres fondamentales que l’entrepreneur doit choisir, pour en faire les premières assises de sô batimët. Ce sont ces deux commandemens que Dieu nous a expressément ordonnez en ceste vie desquels despendent toute la Loy et les Prophètes. Ils sont le sommaire et l’abregé du deuoir que nous deuons, tant enuers Dieu qu’enuers les hommes : c’est vne liaison et concaténation tellement inséparable, que nous ne pouuons bien subsister en la société humaine sans ce chaisnon.

Car quiconque ayme Dieu de tout son cœur, il ayme ou doit aymer son prochain comme soy-mesme, et quiconque n’ayme son prochain, il ne peut bien aymer Dieu comme il appartient, et par conséquent ne peut receuoir aucune grâce ny faneur du Tout-Puissant; de sorte que nous ne voyons iamais les desseins et actions d’vn tel homme paruenir à vne bonne fin : Nisi Dominus œdificauerit domum^ in vanum laborauerunt qui œdificant eam. Car c’est le commencement, le milieu et la fin où doiuent tendre toutes nos pensées, désirs et toutes nos actions ; c’est luy qui nous donne et le vouloir et le parfaire selon son bon plaisir : et l’homme seroit bien outrecuide et despourueu de sens commun, qui croiroit pouuoir seulement former vne bonne parole, ny s’imaginer vne bonne pensée, sans l’assistance diuine : Vani autem (disoit la Sapience) sunt omnes homines, in quitus non subest scientia Dei, et de his quæ videntur bona, non potuerunt intelligere eum qui est, neque operibus attendentes agnouerunt quis esset artifex.

C’est donc à celuy qui veut entreprendre quelque chose, d’auoir recours à la grâce celeste, affin de rien effectuer qui ne soit à l’honneur du Sauueur et Créa-

teur de l’vniuers, recognoissant que toute bonne donation vient du pere des lumières, comme dit le Poëte.

Omne bonum munus quod ab omni parte beatum A parte luminîs est desuper adueniens

Ergo opus quisquis orditur, etc., etc.

Inuocat hic primum numinis auxilium.

La seconde piece fondamentale et autant necessaire à ceste entreprise, c’est la charité et amour du prochain, sans laquelle charité, comme dit ce grand Docteur de l’Eglise Sainct Paul, nos œuures sont mortes et de nul effect enuers Dieu.

Celuy donc qui entreprend d’establir ceste manufacture ' , il y doit premièrement procéder avec la crainte de Dieu, et ne rien executer qui ne soit a son honneur et gloire : secondement, qu’il ne soit au profit de la république, et postposer touiours ses interests particuliers au deuoir qu’il doit, premièrement à Dieu, secondement à ses prochains, attendu qu’il a à instruire vne quantité de ieunesse, mal morigenée, lourde, et grossière, de laquelle il conuient supporter les foi blesses, imbecilitez, corruptions et malices ordinaires : c’est pourquoy il seroit de besoin qu’il eust quelque doctrine, affin de pouuoir remonstrer fraternellement, et non par iniures à telle ieunesse, et en cecy la patience y est extrêmement requise, comme aussi d’estre bon Catholique et de bonne vie et moeurs, affin d’estre vn exemple de piete et de vertu à ces enfans.

La seconde chose requise^ pour ledit establissement, c’est vn lieu grand et spacieux pour dresser les mestiers, loger les enfans, seruiteurs^ semantes et autres officiers,