CHAPITRE Ill

Eusèbe orateur et historiographe treséloquent racompte que au temps du tiers aage du mon-| 1528 v°|de Tros roy de Dardanie située en Asie fonda la grande cité de Troye, et que en icelle cité régna Tros par quelque temps, et après luy Laomédon [1531 v°] son filz. Laomédon avoit engendré Priam et Exionne ; toutesfois iceluy Laomédon n’avojt esté heureux en son règne : car de son temps fut la cité de Trove destruicte par les Grecz, et par eulx Exionne prinse et ravie. Et est à toutes gens lettrez notoire que pour venger celle destruction et ravissement Paris filz de Priam roy de Troye ravit la belle Hélaine dont les Grecz par vindication avec grant exercite de rechief assiégèrent Troye, et finablement fut par eulx destruicte du tout. Et fait cy à noter que les Troyens estoient estimez en tout le monde le plus noble sang. Et sur toutes villes estoit Troye florissante, tant pour sa noblesse que ung million d’autres choses quitrop longues seroient à racompter. Toutesfois Troye ne fut de longue durée : car depuis sa construction faicte par Tros jusques à sa finalle destruction les hystoriographes ne comptent que cent et quatre vingtz ans seullement. Ouquel temps comme l’on treuve par hystoire les enfans de Israel estoient en Éffrain gouvernez par Abdou Tecnites. Et en continuant nostre propos des Troyens après la destruction de Troye eulx qui de trèsnoble rang estoient issuz plains de cueur et de courage, à tout le moins ce qui peut reschapper passèrent les mers cherchans leurs adventures. Et entre autres Eneas gendre de Priam lequel avec son filz nommé Ascanius parvint en Italie. Ascanius filz de Énée eut ung filz nommé Silvius qui espousa une niepce de la belle royne Lavinia, desquelz yssit Brutus dont la Bretaigne a prins nom comme l'on pourra veoir cy après en la déduction de la présente hystoire. Brutus (comme avez ouy) donna le nom à la Bretaigne, mais si fault il veoir quel homme ce fut, comme il parvint en Bretaigne, et ce qu'il fist en son temps, pour après luy déduire au long et large les merveilleuses choses advenues en Bretaigne jusques à l’hystoire noble et anticque de Perceforest contenant choses merveilleuses et dignes de estre leues, ouyes, entendues et retenues de tous courtisans et gens de sçavoir.

Doncques avant que passer oultre est assavoir que la mère de Brutus niepce de Lavinia estant sur le point d’enfanter, Silvius son mary voulut sçavoir par les devinateurs et magiciens si s’estoit filz ou fille. Et pour responce luy fut dit que seroit ung filz qui tueroit son père et sa mère, et après seroit grant seigneur terrien. Ce qui advint : car, à l’enfanter, la mère mourut. Et Brutus estant de l’aage de quinze ans, comme il fust à la chasse d’ung sanglier cuydant occire sa proye tua Silvius son père. Et à cause de ce fut Brutus en grande hayne de tous ses parens et contrainct vuyder et habandonner son pays d'Ytalie et s'enfuyr en Grèce où il trouva grant nombre de Troyens prisonniers et captifz restans de la deffaicte de Troÿye qui estoyent en la subgection du roy Pandrasus. Pandrasus roy tenoit alors plusieurs Troyens captifz et prisonniers quant Brutus arriva en Grèce, lequel Brutus congnoissant estre yssu du sang Troyen délibéra subvenir aux siens, et fisttant qu'ilacquist la grâce et bégnivolence de chascun, tant pour ses haulx faitz d'armes que autres gentillesses dont il estoit plain. Et de ce advertiz les Troyens captifz et sachans Brutus avoir trèsgrant désir à leur délivrance le prièrent leur estre secourable, ce que luy mesmes désiroit, et facillement leur octroya, prinse premier l'aliance de Pandrasus, avec l’acointance d'ung Grec nommé Assaracus riche et puissant homme qui tint le party des Troyens à cause qu'il estoit filz d'une Troyenne. Si alla la besongne si avant que Brutus fut fait duc des Troyens qui povoient estre en nombre de sept à huyt mil tant hommes que femmes, ausquelz il fist promesse les délivrer de celle captivité où 11z estoient. Et pour venir à chef de celle entreprinse apposa et mist garnisons ès lieux tenans son party qui appartenoient à Assaracus. Semblablement fist tenir grande quantité de Troyens qui n'estoient prisonniers par embusches ès boys et forestz circonvoisins. Ce fait, escripvit au roy Pandrasus estre son plaisir entendre à la délivrance des Troyens, et que miséricordieusement les laissast aller en leur liberté et franchise.

Comment Brutus fist querre contre Pandrasus.