CHAPITRE IIII
Quant Pandrasus entendit ces nouvelles, moult fut indigné en son courage de l’entreprinse faicte par Brutus et les Troyens. Si mist ses gens en armes, et premièrement se adressa à ceulx qui dedans
les boys et forestz estoient embuschez, et conséquentement à ceulx des garnisons. Mais Brutus acompaigné de trois mil hommes en armes luy alla au devant, et luy donna la bataille tellement que Pandrasus avec ses Grecz fut deffait, et Brutus et les Troyens obtindrent la victoire. Car Brutus adverty de l’entreprinse de Pandrasus s’estoit mis en la ville en armes lui et ses [1528,5] gens. Et au regard des gens de Pandrasus, bien sçavoit qu'ilz estoient despourveuz d'armeures et sans ordre, si avoit ce pensé affin de les desrompre au despourveu. Et lorsqu'il sceut les Grecz estre partiz les poursuyvit aigrement, et commença à tuer [1531, 5] et occire tout ce qu'il rencontroit. Et ce voyant les Grecz s'enfuyrent de toutes pars leur roy fuyant devant, et se hastèrent de passer le fleuve de Alrlon qui près de là couroit, mais en passant furent tous périz et noyez ou occis fuyans sur le bort et rive d’icelluy fleuve. De laquelle desconfiture comme Antigonus frère du roy Pandrasus fust adverty fut dolent oultre mesure. Alors se mist en voye avec tant de Grecz qu'il peut amasser, desquelz fist une assemblée sur ung mont, et hastivement alla à l'encontre des Troyens qui estoient encores tous eschauffez et en leur fureur. Et comme celluy qui mieulx aymoit mourir vaillamment que estre noyé en fuyant ès caves terreuses et plaines de boue, il enhorte ses compaignons par bonne manière à le suyvir et se fourre parmy les Troyens, et ses gens après luy gectans dardz envenymez pour leurs ennemys mettre à malle fin ; mais ce peu leur prouffita, car les Troyens estoient bien garniz d’armeures, et les Grecz désarmez, parquoy d'eulx fut faicte par les Troyens merveilleuse occision, lesquelz ne cessèrent jJusques à tant qu'ilz les eussent presque tous tuez. Si prindrent Antigonus et Anacletus son compaignon. Alors Brutus voyant avoir obtenu victoire contre ses ennemys garnit la ville de six cens chevaliers, puis s'en alla vers les foretz où les Troyens attendoient son secours. Et Pandrasus, d'autre part, celle nuytse mist en son effort de faire amatz de son peuple grégoys pour seureté de sa personne, retournant en la ville non adverty de la garnison faicte par Brutus lequel il cuydoit estre aux champs avec ses prisonniers. Et quant il approcha les murs, si voit le chastel estre assiégé, dont commence à ordonner son ost en trois parties : aux ungs par bandes garder les murs, les autres retourner sur la rivière etgarder les passages, et autres avec angins appellez moutons souvent hurtans, et autres manières d'engins pour assiéger et plus cruellement grever ses ennemys. Et survenant la nuyt 1l esleut des plus hardiz pour soustenir la peine et travail affin de deffendre
les tentes et trefz, et ceulx qui dedans estoient de la incursion et dangier de ses ennemys. Les Troyens et ceulx tenans leur party estans sur le hault des murs, sur les Grecz gectent engins, dardz, et espars plains de souffre, entendans tous d’ung accord à leur deffence, tellement qu'ilz contraignirent ceulx qui des murailles estoyent approchez eulx retirer arrière pour la grande habondance d’eaue chaulde bouillante et feu grégoys que les Troyens gectoient sur les Grecz.
Comment Pandrasus fut desconfit par Brutus.
CITAPITRE V
Finablement ceulx qui tenoient le party de Pandrasus lassez et travaillez de labeur et peine continuelle, et voyans avoir faulte de vivres envoyèrent par devant Brutus affin qu'il leur donnast secours, disans que sans briefve ayde 1lz seroient contraintz vuyder la ville. Moult fut marry et angoisseux Brutus de ces nouvelles, considérant qu'il n’avoit tant de chevaliers que pour suffire à ce. besoing. Si proposa que la nuyt ensuyvant il s’en yroit subtillement aux tentes de ses ennemys et dormans les surprendroit et mettroit tout à mort. Et considérant le dangier de ceulx qui faisoient le guet se advisa d'une grande cautelle, car il se pensa que sans l’ayde d'aucun des Grecz qu'il tenoit prisonniers à peine viendroit à chef de son entreprinse. Si appella Anacletus frère de Antigonus, et l’espée traicte luy dist ainsi : « Saches que cy endroit est la fin de ta vie et de Antigonus se tu ne acomplis ma voulenté, car la nuyt prochaine j'ay délibéré de aller aux tentes de mes ennemys et les mettre à occision, mais je doubte et crains que les guectes me feissent empeschement par ce qu'il conviendroit premier passer parmy eulx ; Je désireroye moult que par toy fussent déceuz affin que plus seurement Je puisse parvenir à mon entente. Si t'en yras la seconde heure de lanuyten lost, et en appaisant chascun par parolles déceptives diras avoir délivré Antigonus ton frère de ma prison, et amèneras les guettes jusques à la vallée des [forestz 1531, forces 4528 ]et là trouveras ton frère'entre les arbres faignant n'avoir povoir de loing aller pour les chaines et lyens desquelz tu feras semblant estre empesché. Si les mèneras de là à l’yssue de la forest comme pour délivrer ton frère, où je seray à main armée appareillé, si les mettray à occision. » Lors Anacletus voyant l'espée nue craignant
la mort fut moult esbahy,et promist par serment mettre à exécution le commandement de Brutus, pourveu que à luy et Antigonus fut prolongée la vie. Et de fait en ensuyvant sa promesse à l'heure entreprinse print sa voye droit aux tentes des Grecz, et luy estant près l’ost fut incontinent apperceu des guectes qui luy demandèrent la cause de sa venue, et s’il estoit là venu pour trahir [1528 v°] l'ost ou non. Ausquelz luy faignant avoir grande joye et lyesse respondit en telle manière : « Pour certain, Je ne viens mye pour trahir mes gens, mais j'ay eschappé la prison des Troyens et m'en suis fuy vers vous, vous priant que avecques moy vueillez venir à vostre seigneur Anthigonus, lequel j ay délivré des lyens de Brutus, et l'ay laissé ung peu avant dedans le boys entre les arbris- [1531 v°]seaulx là où il se repose jJusques à tant que Je eusse trouvé aucuns que amèneroye pour le délivrer. » Les Grecz doubtans se 1l disoit vray ou non, survint ung d’entre eulx qui le recongneut. Lors sans riens doubter appellèrent tantost leurs autres compaignons et suyvirent Anacletus jusque [en 1528 à 1531] la forest où 1l avoit dit Anthigonus estre reconsé. Et eulx ainsi allans à costé du boys, Brutus les appercçoit avec son assemblée qui [soubdain 1528, soubdainement 1531] leur courent sus et d'eulx fist cruelle occision, et, ce fait, divisa ses gens par trois bendes, et ainsi s’en vont à l’ost des Grecz de toutes pars sans faire bruit ne noyse. Si deffend Brutus à ses gens que à nully ne soit frappé jusques à ce que premier il eust prinse la tente du roy, ce qu'ilz congnoistroient quant il sonneroit sa bussine.
Ces choses ainsi entreprinses, et chascun sachant ce qu'il avoit à faire entrèrent dedans les tentes des Grecz secrettement sans faire bruit ne noyse attendans le signe de Brutus. Si ne demoura guères que icelluy Brutus parvenu à la tente de Pandrasus lequel il désiroit prendre sur toute rien. Et le signe donné incontinent chascun traict l’espée et entrèrent ès tentes des Grecz endormiz en leur donnant coups mortelz sans avoir nulle pitié d'eulx, mais au cry et plainte des mourans les autres se resveillent, ettous espoventez se mettent à la fuyte comme gens qui ne attendoient nul secours : car 1lz ne eurent loysir de eulx armer. Et quant 1lz cuydoient fuir rencontroient autre bende de Troyens qui leur donnoient grans coups d'espées dont les ungs demeuroient sur le champ, autres demy mors s'enfuyoient ès boys, autres ès ronces ou rochiers, et là rendoient leurs âmes malheureuses avec le sang. D'autres quiestoient garniz de quelque escu ou autre couverture recevantles coups [fuyoient 1528 fuyent 1531] et eulx précipitoient par
les rochiers et se rompoient le col, lesbras ou jambes pour l’obscurté de la nuyt, et autres se noyoient au fleuve de Alrlon et ès eaues près de là courans. À peine en reschappa nul sans estre blecé ou péry de malle meschance. Alors les citoyens congneurent et bien entendirent la venue de leurs compaignons, dont incontinent sortirent sur les Grecz et fut alors redoublée l'occision. D'autre part Brutus saisy de la tente du roy entendit à le bien garder, et lyer comme celluy qu'il aymoit mieulx tenir vif que mort pour de luy faire à sa voulenté et parvenir à l’accomplissement de ce qu'il désiroit. Mais non pourtant ceulx qui avec Brutus estoient ne cessoient d'occire sans espergner nully. Et comme 1lz eussent despendu et employée celle nuyt en celle manière, quant vint sur l'aube du jour, si grant occision et ruine de peuple apparut que Brutus ce voyant en eut au cueur grande joye. Si laissa à ses compaignons tout le butin et despouille pour estre entre eulx départy à leur voulenté, et mena le roy en la ville attendant à départir les richesses par luy conquises, lesquelles distribua prudentement et renforça la garnison du chastel, et commanda donner aux mors sépulture. Ce fait et ordonné il s’en retourna ès foretz victorieux accompaigné de plusieurs Troyens, et là avec les plus vieulx et anticques, et leur demanda conseil de ce qu'il devoit demander à Pandrasus, leur remonstrant que puisqu'ilz le tenoient en leur puissance facillement octroyeroit tout ce qu'ilz luy requerroient en le laissant aller au délivre. Ouy et entendu les anciens Troyens le dire de Brutus furent entre eulx de diverses oppinions : les ungs à demander une partie de son royaulme, autres d'avoir puissance de aller où 1l leur plairoit et estre fourniz de tout ce qui leur seroit nécessaire. Et comme 1lz feussent en ces doubtes, l'ung de entre eulx vint avant, lequel estoit nommé Mephichius, lequel après silence requise et audience octroyée dist ainsi : « Seigneur, pourquoy doubtez vous demander ce qui est nécessaire à votre salut? une chose est à demander : c'est assavoir liberté et congé d'aller où vous plaira si voulez à vous et voz successeurs avoir paix à toujours. Car [se 1598, ce 1531] par tel convenant donnez la vie à Pandrasus que soyez saisy d'une partie de Grèce et y vueillez demourer jamais ne conquerrez terres ne pays estranges et loingtains, et viendra le temps que le frère, le filz et le nepveu de ceulx que vous avez occis et mis à mort qui seront vos prochains voisins et entremeslez avec vous, considérans la mort de leurs pères ne cesseront d’avoir sur vous hayne, et meuz pour quelque bourde se efforceront de prendre vengeance, et à vous qui la plus part du peuple avez n'est pas la force telle que
pourra estre la rébellion des citoyens. Et si cela advient, le nombre d'eulx croistra, et le vostre diminuera. Et pour ce je loue que vous luy demandez sa fille aisnée nommée [Ignogen 1528, Inogen 1531] et avec ce, or, argent, nefz et froment nécessaires pour nostre vivre, et ce povons impétrer par son congé, allons querre noz adventures sur autres pays et nations [1528, 6].
Comment Brutus espousa la fille du roy Pandrasus, puis se partit de luy et arriva en Bretaigne où il trouva Corineus. [1531,6]
