CHAPITRE VI

Après ces choses dictes et que Memphicus eut fait fin à ses parolles toute la compaignie qui estoit illec se assentit à luy et furent tous d’oppinion que Pandrasus fust mandé quérir et qu'il fust amené en la compaignie, et s'il estoit désobéissant qu'il fut condampné à mort trèscruelle. Et en ensuyvant ceste délibération il fut amené, et fut mis en une chaire la plus haulte et apparante de toutes les autres, et luy fut dit et dénoncé de quelz tourmens. il seroit tourmenté s’il ne faisoit ce qui luy seroit commandé de faire. Et lors 1l respondit en ceste manière : « Puisque ainsi va que Dieu moy et mon frère Antigonus nous a mis en voz mains, il fault bien obéyr à vostre requeste affin que n'en perdons la vie quiest en vostre vouloir et puissance si de nous vous estes reffusé. Et pourtant quil n'est plus joyeuse chose que la vie il ne se fault point esmerveiller se ma vie je veulx racheter d'inconvénient moult estrange. Et jasoit ce que à regret Je obéisse à voz commandemens, toutesfois je doys avoir Joye et soulas de veoir ma fille estre donnée à ung Jouvencel di si grande prouesse, lequel est extraict de la lignée de Priam et d'Anchises, et démonstre bien la noblesse qui florist en elle et la renommée aussi qui est assez de nous congneue. Car qui seroit celluy qui le bruit des Troyens mis en servitude de tant et si grans princes pourroit estre délivré de leurs lyens ? qui seroit celluy qui pourroit résister à la fierté des Gregois, et qui oseroit appeller en champ de bataille avec si peu de gens si grosse assemblée de gens en armes, et qui après l’assault encommencé amèneroit leur roy lyé et garroté ? Et pource doncques que ung tel jouvencel a peu résister contre moy, je luy donne ma fille Ynogen, et si luy donne aussi or, argent, nefz, froment, vin, huilles et toutes autres choses que vous direz estre

nécessaires pour vostre voyage, et vous dy bien que si vous retournez de vostre voyage et que vous ayez propos et vouloir de demourer avecques les Grégois je vous octroye la tierce partie de mon royaulme pour y habiter, sinon je poursuyvray par effect mes prouesses. Et affin que vous en soyez plus asseuré je suis content de demourer avec vous en ostage tant que j aye tout ce que dit est fait et acomply. Faictes doncques les convenances ainsi qu'elles sont pourparlées, et envoyez par tous les partiz de Grèce pour amener les nefz. » Et quant elles furent trouvées on leur en présenta en nombre troys cens et xxiili et furent chargées de toutes manières de bledz, et fut la fille du roy mariée à Brutus, et luy fut donné or et argent. Et après que toutes ces choses furent faictes et acomplies le roy fut délivré de prison, et les Troyens délivrez de sa puissance se misrent sur mer et eurent bon vent. Mais au regard de Ynogen qui estoit en la maistresse nef souventesfois cheut pasmée entre les bras de Brutus, et elle souspirant et plorant en habondance de larmes et en soy complaignant souventesfois regrettoit son père, sa mère et son pays, et ne destourna oncques ses yeulx du rivage de la mer tant comme elle le peut appercevoir. Mais Brutus l'appaisoit toujours par doulces parolles et embrassemens et doulx baisiers qu’il luy faisoit, et non pourtant il ne cessa pas son entreprince. Et adoncques Ynogen qui estoit lasse et travaillée des pleurs et gémissemens qu'elle faisoit s’enclina ung petit pour dormir. Et ce pendant par le bon vent quilz eurent ilz singlèrent par ung jour et une nuyt tant qu'ilz arrivèrent en une isle nommée Loegetiam laquelle n’estoit aucunement habitée à cause de l'incursion des larrons de mer qui l’avoient pillée et gastée. Et lors Brutus y envoya trois cens hommes armez pour senquérir qui habitoit en icelle isle, et trouvèrent qu'elle n’estoit de [nulle 1528, nul 1531] habitée. Et lors ilz tuèrent les bestes que 1lz trouvèrent illec de diverses sortes tant ès landes que ès forestz, et après 1lz s’en vindrent en une autre isle qui estoit déserte là où 1lz trouvèrent ung temple qui estoit dédié à la déesse Dyane, et léans estoit l’ymage de la déesse qui leur dissuade et [desnorte 1528, desnotoit 1531] le repos si par adventure ilz estoient illec par aucunz trouvez. Finablement 1lz s'en retournèrent à leurs compaignons qui estoient demourez ès nefz et leur racomptèrent la situation du pays et de la cité qu’ilz avoient trouvée, et enhortèrent leur gouverneur de soy transporter au temple de la déesse Dyane, et de luy faire sacrifice par dons pour enquérir d’elle quel pays leur enseigneroit pour seure mansion. Et lors Brutus print avec luy plusieurs de ses gens, et douze des plus grans de son armée, et tira

vers le temple à tout ce qui luy estoit nécessaire pour faire son sacrifice. Et quant ilz furent arrivez au temple ilz l'environnèrent, et Brutus y entra dévotement et en moult belle manière, et à trois dieux qui estoientillec, c'est assavoir Jupiter, Mercure et Dyane il establit trois feux, et à chascun d'iceulx ymages Brutus feit sacrifice. Et après tenant en sa main dextre devant l'autel de la déesse Dyane ung vaisseau de sacrifice plain [1528.1531 v°] de vin et de sang d'une chièvre blanche, le visaige eslevé vers l'ymage de la déesse dit telles parolles : « O déesse trèspuissante qui es icy ès foretz des porcs espoventables, estranges et sauvages et qui as puissance par les desbrisemens des chiens d'aller à ton vouloir par les mansions et lieux infernaulx, plaise toy maintenant nous monstrer et enseigner en quelle terre et région nous puissions seurement habiter, et là où tu puisses estre honnorée, et où te puissions construire et desdier ung beau temple pour illec te honnorer et là où tu soyes servie de tes compaignes vierges. » [Et 1528] quant Brutus eut ce dit par neuf fois, il alla quatre fois autour de l'autel, et puis il respandit le vin dedans le feu, et se coucha sur le pied de la chièvre laquelle il avoit estandue devant l’autel. Et ce fait il luy print vouloir de dormir, finablement il s’endormit. Et estoit lors environ l'heure de tierce de la nuyt en laquelle toute créature mortelle est plus oppressée de doulx somme. Si luy fut lors advis que la déesse Dyane se présenta devant luy et qu’elle parla à luy en la manière qui s'ensuit : « [Bruthe 1528, Brutus 1531], saches que du costé vers soleil couchant y a une isle dedans l'occéant qui est close de la mauvaise et hideuse mer, et fut jadis icelle isle habitée de trèsgrans géans. Or elle est de présent gastée, mais elle est propice et habitée pour te recevoir toy et tes gens, car c'est ung droit paradis. Celle isle tu chercheras si tu me veulx croyre, et illec feras tes sièges et mansions permanables, et saches que ce sera une autre Troye pour tes enfans, et illec naistront roys qui seront crains et redoubtez par tout le monde. » Et après que le prince Brutus fust esveillé de son somme il fut en grant doubtance de celle vision, si c'estoit songe ou non ce qu’il avoit veu, ou se la déesse luy avoit dit cela pour aller veoir le pays auquel il luy convenoit aller. Et finablement après qu'il eut appellé ses compaignons il leur déclaira et dénonça tout par ordre comment celle chose luy estoit advenue en dormant. Et lors ses compaignons eslevez de trèsgrant joye luy conseillèrent et enhortèrent qu’ilz retournassent en leurs nefz, et si tost que le vent leur sera bon et propice qu'ilz allassent hastivement vers la mer d'occéant pour enquerre la vérité de ce que la déesse Dyane

leur avoit promis. Et alors, sans faire longue demourée, s'en sont retournez à leurs compaignons qui estoient ès nefz et se sont entrez en la haulte mer et nagèrent par la grant mer par le temps et espace de trente jours entiers, et firent tant qu'ilz arrivèrent en Affrique sans sçavoir encores de quelle part ilz tourneroient leurs nefs. Et après 11z vindrent ès hostelz des Philistiens et au lac de Salines, et puis 1ilz nagèrent entre Ruschereadam et les montaignes de Azarele où 1lz souffrirent de grans périlz et dangiers à cause de l'incursion des larrons de mer, desquelz toutesfois 1lz eurent victoire, et furent enrichiz de leurs despouilles. En après 1lz traversèrent le fleuve de Malune et vindrent en Moriane, et puis par deffaulte de vivres 1lz furent contraintz de yssir de leurs nefz, et ordonnèrent leurs batailles et gastèrent la terre de Moriane depuis ung bout jusques à l’autre. Et quant ilz eurent remply leurs nefz de vivres et de toutes choses nécessaires, 1lz singlèrent jusques aux Coulonnes d’'Hercules là où ilz apperceurent les monstres de mer que on appelle Sereines, lesquelles vindrent autour de leurs nefz, et peu s'en faillit que elles ne les misrent au fondz de la mer, toutesfois ilz eschappèrent au mieulx que ilz peurent, et s’en vindrent en la mer de Circion là où 1lz trouvèrent vers le rivage quatre générations extraictes des exiliez et banniz de Troye qui s'estoient acompaignez par la fuyte de Anthenor, et leur gouverneur se nommoit Corineus qui estoit ung homme modéré et de trèsbon conseil, hardy et de moult grant vertu, car se il se feust combatu contre ung géant, il l’eust tantost confondu comme s’il eust bataillé contre ung petit enfant. Et quant ilz eurent congneu le gendre de la vieille extraction des Troyens, 11z en furent joyeulx, et l'acompaignèrent avecques eulx, et aussi le peuple qu'il gouvernoit, lequel peuple fut depuis appellé Cornubiensis, et depuis furent nommez Carmialois pour le nom de leur gouverneur qui bailloit ayde à Brutus en toutes ses batailles devant tous autres. Et après 1lz vindrent ès parties d'Acquitaine qui depuis fut appellée Gascongne, et quant ilz furent entrez en la rivière de Loyre 1lz gectèrent leurs ancres et demourèrent là huyt Jours.

Comment Brutus et Corineus arrivèrenten Acquitaine où ilz misrent le pays à leur subgection, et autres matières.