CHAPITRE VII
En ce temps régnoit en Acquitaine ung nommé Goffarion Picus duquel furent ditz et nommez les Poitevins, et estoit de ce
pays là, lequel fut adverty que aucunes gens d estrange pays estoient descenduz ès fins et limites de son pays, parquoy tantost y envoya gens et messagiers pour sen enquerre. Et firent tant qu'ilz arrivèrent ès lieux [1527, 7] où Co-[1531, 7 jrineus estoit, lequel 1lz rencontrèrent acompaigné de deux cens hommes, auquel les messagiers de Picus demandèrent pourquoy ne à quelle occasion il estoit ainsi entré ès landes du roy Picus et pourquoy il tuoit les bestes du pays, car il avoit esté estably jà piéçà et d'ancienneté que nul ne fust si hardy de tuer ne abatre aucunes bestes sans le congé et commandement du prince. Et après que Corineus leur eut fait responce qu'on ne devoit point demander congé de ceste chose, l’ung d'entre eulx s’avança, lequel avoit nom Imbertus, et print son arc et descocha une sajette pour cuyder tuer Corineus; mais Corineus escheva le coup, et courut hastivement à l’encontre de Imbertus, et de l'arc mesmes qu'il tenoit luy rompit la teste en pièces. Et quant ses compaignons eurent veu cela 1lz s’enfuyrent, et à grosse diffi-
culté peurent 1ilz eschapper de ses mains, et vindrent dénoncer à
Gofarion la mort de leur compaignon. Et lors le gouverneur des Poitevins fut moult courroucé, et tantost assembla son ost pour aller venger la mort de son messagier; mais Brutus qui fut adverty de leur venue fist incontinent préparer et garnir ses nefz, et se délibéra de faire mourir hommes, femmes et enfans. Et os avec une compaignie des plus vertueux de son ost, il s’en vint à l'encontre de lost des Poitevins et commencèrent à férir les ungs sur les autres en moult cruelle bataille. Et quant ilz eurent ainsi bataillé par ung demy jour Corineus qui nestoit pas loing de la bataille eut honte que les Acquitains résistoient ainsi hardyement et que les Troyens ne résistoient point à eulx : il reprint lors hardiesse, et appella les siens à la dextre partie de la bataille, et feist lors ung merveilleux assault sur ses ennemys et se mist dedans l'assemblée par impétuosité, et ne cessa de abatre gens et de couper testes, bras et jambes, tellement qu'il les contraignit eulx mettre à la fuyte. Et fortune luy advint qu'il perdit son espée, mais il avoit une guisarme de laquelle il faisoit tel devoir que quiconques en estoit frappé 1l le gectoit mort à terre ; dont Brutus et ses compaignons moult s’en esmerveillèrent, et aussi les ennemys s’esmerveilloient de la hardiesse d’ung tel homme et de sa vertu et puissance, et en branlant sa guysarme entre ses mains il disoit telles parolles : « Où fuyez vous, gens couars? où fuyez vous, gens paresseux? retournez, retournez et vous venez mesler à l'assemblée de Corineus. C'est grant honte à vous de vous fuyr de moy, quiestes tant de milliers. »
Et aux parolles de Corineus c'est tantost retourné vers luy ung conseiller nommé Suardus, et en sa compaignie trois cens chevaliers, et en cuydant de toute sa puissance frapper Corineus sur la teste Corineus receut promptement le coup de son escu qu'il mist au devant, et n'oublia pas sa guisarme qu’il tenoit en la main, mais la leva en hault, et de toute sa puissance en férit uug tel coup sur le heaulme du conseiller qu'il le fendit depuis le sommet de la teste jusques au fondement, et le mist en deux pièces, et tantost se feist la meslée. Et alors Corineus tenant ladicte guisarme en sa main faisoit merveilles de faire cruelle occision de ses ennemys, et selançoit parmy eulx sans craindre à recevoir les coups, et sans reposer combatoit ses ennemys. À l’ung il coupoit bras, à l’autre abatoit la teste, à l’autre l'espaule, et à l’autre il coupoit les cuisses, laquelle chose voyant Brutus, luy, meu de l'amour qu'il avoit à luy, acompaigné de ses gens, tantost vint à son ayde. Alors se leva ung merveilleux cry entre diverses gens, et furent alors donnez maintz coups d'espée d'une partie et d'autre et cruelle occision. Et sans faire longue demeure les Troyens eurent victoire sur leurs ennemys, et le roy Goffarion à grant peine peut 1l eschapper; si s'enfuyt ès parties de Gaulle pour avoir aucun secours de ses confins et compaignons lesquelz le receurent bénignement, et luy promisrent tous d’ung accord de luy ayder à mettre hors des fins et limites d’Acquitaine la gent estrange qui y estoit descendue. Et Brutus qui estoit moult joyeulx de la belle victoire faicte sur les Acquitains délibéra de enrichir les compaignons de la despouille des mors. Et quant ilz furent ainsi enrichiz 1l les rassembla par compaignies et les menoit par le pays désirant icelluy du tout gaster et destruire, et de remplir ses nefz de toutes richesses et commença à embraser de feu toutes les citez, prenant toutes les richesses qui y estoient, il dégastoit aussi les champs et les gens par occision douloureuse.
Comment Brutus, après qu'il eut gasté le pays d'Acquitaine s’en vint en Touraine et y fonda la cité de Tours.
