CHAPITRE IX

1528. 1531, 8] En après Brutus appella ceste isle Bretaigne selon son nom et les habitans d’icelle furent appellez Bretons : car Brutus vouloit perpétuer sa mémoire par la perpétuité et duration de son nom dont par après le langage d’icelle gent qui premièrement s’appelloient Troyens ou Turnes Grégois fut depuis nommé et appellé breton. Et au regard de Corineus, la portion du royaulme qui luy estoit escheue en son lot par l’appellation de son nomil l'appella et nomma Cornicam ou Cornouaille, et le peuple d’icelle région Cornisen en ensuyvant l'exemple de son seigneur Brutus, et ayma Corineus ceste région pourtant qu elle luy estoit escheue, et aussi qu’il avoit eu l’eslection sur tous les autres, ou elle fut dicte Cornicam pourtant que c’est le cornet du pays de Bretaigne, ou pour la corruption du nom dessusdit elle est appellée Cornubie. Corineus aymoit moult et desiroit combatre contre les géans desquels le pays habondoit plus illec que en nulles des autres pro-

vinces qui avoient esté distribuées à ses autres compaignons. Et y

avoit lors en ladicte province entre tous les géans un moult grant géant et de merveilleuse stature qui avoit nom Germago, lequel avoit douze couldées de haulteur, et estoit de si grant vertu et puissance qu'il feist une fois hocher et bransler un gros chesne comme il eust fait une petite verge de couldre. Et ung jour que Brutus estoit en ung port de mer ouquel il estoit arrivé, ainsi quil sacrifioit aux dieux ung jour de feste icelluy géant survint 1llec avec vingt autres géans lesquelz Brutus par cruelle occision mist à mort à l'ayde des Bretons qu'il avoit avec luy, et n’en fut excepté aucun sinon le grant géant Germago que Brutus avoit voulu garder pour esprouver la luitte d'entre Corineus et luy, pourtant que Corineus désiroit moult combatre ung géant corps à corps. Et quant Corineus fut illec arrivé et qu'il eut apperceu le géant, de trèsgrant joye quil eut [il, 1528] commença à soubznire, et pour luitter au géant il se désarma, et quant il fut désarmé il le provo-

ce mes

qua et deffia à laluitte, et tantost après ilz s’approchèrent l'ung de l’autre et s’entreprindrent, et entrelassèrent l’ung l’autre de leursbras, et si fort se misrent à luiter et travaillèrent tant de leurs corps l'ung contre l’autre que de leurs soufflemens 1lz troubloient tout l'air, et le géant Germago qui estoit moult grant, fortet puissant saisist Corineus si fort et estraignit par le corps qu'il luy brisa trois costes, deux au costé dextre, et une au costésenestre, dont Corineus fut moult yré et courroucé et reprint courage, et de toute sa force et vertu 1l print le géant entre ses deux bras et l’emporta vers le prochain rivage de la mer et monta à tout le géant sus ung hault rochier, et du hault du rocher il gecta le géant dedans la mer, et en chéant par le rocher il fut despecé en pièces par les pierres et cailloux qnil rencontroit, et respandit si grande habondance de sang que l’eaue en estoit toute rouge : à cause de quoy le lieu où il tumba print dès lors le nom par le tresbuchement du géant, et s'appelle le sault de Germago jusques aujourd’huy. Après que le royauhne de Bretaigne fut ainsi party et divisé par Brutus il y voulut édifier une cité, et pour mettre à effect son désir 1l voulut bien chercher par toute la situation du lieu pour trouver lieu propice et convenable pour bastir icelle cité. Et en passant par le fleuve de Tamysy en allant le long du rivage 1l trouva finablement ung lieu qui luy sembla moult beau et profitable à son propos. Auquel lieu 1l fonda et édifia une cité et luy donna à nom Troye la neufve, et ce nom luy dura par bien long temps, mais depuis pour la corruption du langage elle fut dicte et appellée Trinovacum. Et depuis icelle cité eut pour gouverneur Cassibelian qui se combatoit une fois contre Julius César, et quant Cassibilian eut receu le gouvernement du royaulme et d'’icelle cité, 1l feist clorre la cité de moult belles et sumptueuses murailles, et aussi de tours qui furent fabriquées d'ung merveilleux et ingénieux artifice, et commanda lors que la cité fut appellé de son nom Carelud, c’est à dire la cité de Lud, parquoy grande discorde et discention sourdit par après entre luy et son frère Nemium qui souffrit moult de maulx en son pays pour le nom de Troye, lequel débat, pource que Gildas historiographe qui le traicta assez prolixement estoit trespassé, nous n'estions pas suffisans de si noble œuvre parachever. Après donc que Brutus gouverneur de Bretaigne eut estoré et aorné la cité, 1l la remplit de citoyens et leur ordonna comment ilz devoient vivre, et leur donna aussi une loy moyennant laquelle ilz seroient traictez paisiblement. En ce temps là régnoit en Judée Hélye le prophète, et fut lors prinse l’Arche du Testament par les Philistins, et régnoient aussi à Troye les filz de Hec-

tor, et régnoit aussi lors en Ytalie Enéas Silvius filz de Enée. En icelluy temps Brutus avoit congneu Ynogen sa femme charnellement, et avoit engendré en elle trois nobles filz qui furent nommez : l'ung Locrinus, l'autre Albanacus et l'autre Camber. Et ces trois enfans après que leur père fut décédé qui fut au xxüni° an de sa venue en Bretaigne 1lz l’ensevelirent dedans la cité qu'il avoit fondée. Et puis 1lz divisèrent entre eulx le royaulme de Bretaigne, et alla chascun d'eulx demourer en son lieu. Locrinus, qui estoit l'aisné, eut pour sa part la moitié de l'isle laquelle depuis par son nom fut appellée Logres, et Camber le second fils possessa la partie qui est oultre la rivière de Salbrine qui lors [1531 v°] estoit appellée Galles, laquelle depuis par son nom fut nommée par long temps Cambrie dont encores les gens du pays l'appellent en la langue bretonne Cambio, et Albanacus le plus jeune possessa la terre qu’on [1528 v°] appelle aujourd huy Escosse, et la feist lors appeller par son nom Albanie. En ce temps là Humber roi des Hongres entreprint la guerre contre Albanacus, lequel fut contrainct s'enfuyr vers son frère Locrinus, et quant Locrinus fut de ce adverty, il le fit assavoir à son frère Camber et assemblèrent grosse compaignie de Jouvenceaulx du pays, et allèrent à l'encontre du roy des Hongres qui estoit vers le fleuve qu'on nomme de présent Hongrie, et quant ils eurent trouvé le roy des Hongres ilz commencèrent la bataille. Et finablement fut tant combatu d’ung costé et d'autre que Humber fut contrainct de s’enfuyr et fuyt jusques au fleuve et se noya dedans, et laissa son nom à la rivière. Et adonc Locrinus qui avoit obtenu ceste victoire despouilla ses ennemis et donna toute la despouille à ses compaignons sans garder aucune chose pour luy, fors et excepté l'or et l'argent qu'il trouva dedans les nefz des ennemis. Et retint aussi pour luy trois pucelles qui estoient de merveilleuse beaulté, dont la première estoit fille d'ung roy d'Allemaigne laquelle avoit esté ravie dudit Humber ès nefz avec les deux autres. Ceste pucelle avoit nom Estuldis, et estoit de si grande beaulté qu'on n'eust sceu trouver pucelle qui à elle peust estré comparée, car elle estoit plus blanche que yvoire, ou que noix nouvelle, et à ceste cause Locrinus esprins de l'amour d'elle la voulut prendre à femme et espouse. Et quant Corineus en eut ouy les nouvelles 1l en fut grandement courroucé et indigné : car Locrinus luy avoit auparavant promis et accordé qu'il auroit et prendroit sa fille en mariage.

Comment Corineus mourut et de ses hoirs qui yssirent de luy.