CHAPITRE X

Pour laquelle chose Corineus print sa guisarme en sa main et s'en alla vers Locrin et parla à lui en telle manière « Locrin, si tu ne te déportes de faire les choses par toy encommencées, je te monstreray quel service j'ay autresfois souffert de ton père lorsque estions en bataille, toy qui veulx mettre ma fille arrière pour en prendre une estrangère en mariage. Je te dy que tu ne le feras pas sans en estre griefvement puny, et te le montreray par effect tant comme 1l y aura vigueur en ceste dextre main, laquelle a mis tant de gens à mort » et en ce disant, 1l leva la main en tenant sa guisarme pour le férir, mais les amis de l’ung et de l’autre se misrent entre deux. Et fut le débat appaisé, et fut contrainct Locrin de prendre à femme la fille de Corineus nommée Guedonoleam | Guedonoleaz 1531] ainsi qu'il avoit promis faire. Et ce non obstant Locrinus ne meist pas en oubly l'amour qu'ilavoit à la belle Estuldis : maisil feist faire dedans la cité de Trinovacum ung lieu dessoubz terre là où il encloist Estuldis, et la bailla en garde à aucuns de ses familiers secrettement pour la crainte qu'il avoit que Corineus ne le sceust. Et la hanta léans ung an entier sans ce qu'il fust d'aucun apperceu fors et excepté de ses familiers, car toutes les fois qu'il alloit à elle il faignoit de vouloir faire ung sacrifice à ses dieux, et cependant icelle Estuldis devint grosse et eut une fille de trèsgrant beaulté, laquelle fut nommée Agien. Et aussi sa femme Guedelona fut grosse et eut ung filz qui eut à nom Maddam, lequel fut baillé à Corineus son grant père et tantost après mourut Corineus, parquoy Locrinus délaissa sa femme Guedelona et print à femme Estuldis quipar ce moyen fut royne, pour laquelle chose Guedelona meue de grant courroux et desdaignée oultre mesure alla en Cornubie et assembla tous les jeunes gens du pays pour faire guerre contre Locrinus. Et quant elle eut assemblé son armée les deux ostz se commencèrent à approcher l'ung de l'autre et fut la bataille commencée [près le 1528, au 1531] fleuve de Surain là où Locrinus fut frappé d'une sajette, duquel coup il perdit la vie. Et après sa mort Guedelona print le gouvernement du royaulme, et de despit et forcenerie qu'elle avoit de son mary elle commanda que Estuldis et sa fille nommée Agean fussent gectez dedans le fleuve

qui estoit lors nommé la Brime, et feist commandement par toute Bretaigne que doresnavant le fleuve fust nommé selon le nom de la pucelle fille de Estuldis pource que son mary l’avoit engendrée : parquoy il advint que dès lors jusques à ce jour le fleuve fut nommé en langue bretonne Heldien. En après régna Guedelona quinze ans après la mort de Locrinus qui avoit régné dix ans. Et quant son filz Maddam fut en aage suffisant elle luy voulut bailler la couronne et le sceptre et retint seullement pour le résidu de sa vie le royaulme de Cornubie. En ce temps régnoit en Judée Samuel le prophète, et vivoit encores Eneas Silvius grant réthoricien et

souverain poète qui florissoit lors en Grèce. En après Maddam fut

conjoinct par mariage et engendra de sa femme deux filz, c'est assavoir Membricius et Malin, et gouverna le royaulme en paix par l'espace de xl ans, et tantost après qu'il fut mort il s'esmeut une grant discorde et dissencion entre les deux frères pour le gouvernement du royaulme, car chascun d’eulx désiroit de jouyr et possesser toute l'isle de Bretaigne, parquoy Membricius voulant mettre à effect son désir feist assemblée de gens de conseil pour parler à Malin comme s’il eust vouloir de traicter [1528. 1531,9]et faire paix avec luy ; mais quant 1lz furent assemblez ensemble il le fist tuer par ceulx mesmes qui portoyent les parolles et par ainsi il se saisist du tout du gouvernement du royaulme et isle de Bretaigne. Il fut si austère, el usoit tant de tyrannie envers le peuple qu’il tuoit indifféremment les gens, fussent nobles ou non nobles, et print en hayne si fort ceulx qui estoient de sa lignée que quant il sçavoit aucun qui luy devoit succéder il le faisoit mourir, et feit ung cas moult détestable : car il contraignit sa propre femme de laquelle il avoit engendré le trèsnoble [Embrancium 1528, Embrancius 1531 ]de commettre le péché de sodomye. Finablement après qu'il eut régné vingt ans, ung Jour qu'il alloit à la chasse pour vener, il se départit de ses gens et s'en alla en ung val là où il trouva grant multitude de loups enragez qui tous l'environnèrent que misérablement le dévourèrent. Et en ce temps là régnoit Saul en Judée, et Aristeus en Lacédémonie. Et après la mort de Membricius, Embrancius son filz qui estoit de moult grande stature et merveilleuse force entreprint le règne et gouvernement de Bretaigne, et le tint par le temps et espace de xxxix ans. Cestuy fut le premier qui mena navires ès parties de Gaule et qui commença la guerre contre ceulx de Gaule, et feist moult de maulx ès provinces de Gaule par occision et oppression des citez, et quant il fut grandement enrichy d’or et d'argent 1l s’en retourna victorieux en Bretaigne. Et depuis oultre le

Hongre, 1l fonda une belle cité qu'il appella selon son nom Quierebrant, c'est à dire la cité Ebrant. Et régnoit lors en Judée le roy David, et Silvius Latinus en Italie, et Gadei, Nathan, et Asath prophétisoient lors en la terre d’Israel. En ce temps Brancus décora et aorna moult bien la cité de Asilud qui est située vers Albanie, et aussi la ville de Montagut qui est de présent appellée le Chastel aux Pucelles et le mont Dolorens. Cestuy Ebrancus [sic 1528. 1531] engendra vingt filz de vingt femmes qu'il avoit, et engendra aussi trente filles. [1 gouverna le royaulme de Bretaigne trèspuissamment par l’espace de quarante ans. Et les noms de ses filz estoient | Brucus 1528, Brutus 1531], Berc, Esent, May, Gadux, Sillilicus, Regni, Moriud, Bladud, Jagon, [Gogdelian 1528, Godelian 1531], Lringno, Oxaden, Glaude, Dardan, Eldud, Ivor, Changu, Hector, Thonin, Raude, [ Assaraie 1528, Assarie 1531], Buel. Et les noms des filles estoient Glorigni, Junogin, Ondas, Gueulia, Gandide, Angarad, Guendolen, Tangusel, [Soigon 1528, Soignon 1531], Medlen, Mechaet, Ciraed, Maelure, [Lraubreda 1528, Kaubreda 1531], Regan, Goel, Ecas, Nester, Chem, Stadud, Glade, Ebien, Blanglam, Aballac, Agaes, et Galaes la plus belle de toutes les filles qui furent lors en Bretaigne où est Galles. Et les autres seurs, c'est assavoir Edia, Avor, Scadial, Egion furent toutes envoyées en ŸYtalie, et furent là mariées aux plus nobles Troyens. Les filz pour leur gouverneur prindrent Assaraco leur frère, et préparèrent gros nombre de navires qu'ilz menèrent en Germanie, et se saisirent du royaulme. Et Brutus s’en retourna avec son frère et print le gouvernement du royaulme, et régna après luy son filz Loir qui fut amateur de paix et d'équité. Et quant il fut en la jouyssance et prospérité de son royaulme il y fonda et édiffia une moult belle cité laquelle il voulust estre appellée de son nom Careloir. Et en ce temps là commença Salomon à édiffier le Temple de Nostre Seigneur en Hiérusalem, et la royne de Saba vint aussi par devers Salomon pour ouyr sa sapience, et en ce temps là Silvius Epichus succéda au royaulme d'Ytalie au lieu de son père. Et vesquit Loir depuis qu'il eut prins le gouvernement du royaulme de son père xxx ans; mais 1l gouverna en la fin de ses jours le royaulme entièrement, et puis après grande discorde s’engendra ès citez de son royaulme, et après luy régna son filz Rududribas xxxix ans. Cestuy trouva moyen de ramener le peuple de discorde citoyenne en trèsbonne concorde, et fonda la cité Kerkem, c’est à dire Cantorbie ; il fonda aussi Laergnouent, c'est à dire Haratoni, et avec ce il fonda aussi la ville du mont de Baladar que on appelle maintenant Septone.

Et lorsque on édiffioit les murailles, ung aigle parla, et se je cuydoye que les parolles de l'aigle feussent vrayes je les eusse icy posées par escript et les eusse racomptées. En ce temps là régnoit Capis qui fonda la cité de Capue en Campaigne, et en Judée prophétisoient lors Aggeus, Amos, Geu, Joel et Zacharie. Et après luy régna Baldud son filz, et gouverna le royaulme vingt ans. Cestuy cy édiffia la cité Charerbladud qui est maintenant appellée Blado : il feist faire en ceste cité des chaulx baings à l’usage des hommes mortelz, et ordonna que au dessus seroit mise la déesse Minerve, et mist en son temple ung feu qui estoit inextinguible et qui ne deffailloit jamais de flamber, et quant il commençoit à appétisser il se tournoit en pièces de pierres. Et en ce temps Hélye ordonna qu'il ne plut point sur la terre, parquoy il ne plut point durant le temps de trois ans et six moys. Cestuy fut homme trèsingénieux, et enseigna l'art de nigromance par tout le royaulme de Bretaigne, et ne laissoit point

à faire ses enchantemens, et Baldud prépara des esles pour voller

affin de sçavoir la haultesse de l'air, et en cuydant voller il tomba sur le temple du Dieu Apolin qui estoit dedans la cité de Trinovacum, et fut son corps débrisé en plusieurs parties [1528, 1531 v°|.

Comment le roy Leyr filz [de 1531] Bladud régna et de ses trois filles qu’il maria haultement.