CHAPITRE XI
Après la mort de Bladud, son filz Leyr second du nom comme héritier fut esleu roy, et gouverna le royaulme prudentement par le temps de quarante ans ou plus, et édifia sur le fleuve de Lorain une cité qui fut appellée en Breton par son nom Lraerlere [—? Kaerlere] et devoit le règne demourer en ligne de masculin genre. Et eut trois filles dont l’une fut appellée Geronilla, [Rugau 1528, Ragau 1531], et l'autre Gordeilla : le père les aymoit d'une moult grant amour, mais 1l aymoit encores plus la plus jeune, nommée Gordeilla. Et quant 1l commença à décliner vers le temps de sa vieillesse 1l proposa de diviser son royaulme entre ses filles et de les marier avecques maris qui sceussent bien le royaulme gouverner. Et pour sçavoir laquelle de ses filles estoit la plus digne d'avoir la meilleure partie du royaulme, 1l appella chascune de ses trois filles pour sçavoir laquelle d’entre elles aymoit mieulx leur père.
Et en faisant cette demande et question Garonilla [sic 1528. 1531] toute la première jura par les dieux du ciel qu’elle l'aymoit de plus grant amour quelle ne faisoit l'âme qui en son propre corps reposoit, et lors le père luy dit telles parolles : « Puis que tu as mis ma vieillesse devant ta propre vie, je te colloqueray à quelque beau jouvencel tel que tu vouldras eslire avec la tierce partie de mon royaulme de Bretaigne. » Et après Ragau [sic 1528, 1531], qui estoit la seconde, voulant acquérir la bénivolence de son père, respondit à son père qu'elle ne pourroit autrement exprimer l'amour dont elle l’aymoit, sinon qu'elle l'aymoit sur toutes créatures du monde. Et lors le père qui avoit promise à l'aisnée celle dignité de la tierce partie du royaulme, promist à ceste cy l'autre partie. Lors Gordeilla qui estoit la plus jeune, quant elle eut congneu que son père s’estoit incliné aux flateries de ses deux seurs, elle convoita de le [tempter 1528, tempester 1531]. Et respondit autrement que n'avoient fait ses deux autres seurs : « Mon trèsdoulx père, est il possible de trouver en ce monde aucune fille qui osast aymer son père plus que son père? Certes Je n'en cuyde pas une si elle ne vouloit celler vérité par parolles décevantes. Et sachez pour certain que je vous ay tousjours aymé comme père et n’en veulx aucunement changer mon propos. Et si tu te veulx plus avant enquérir de moy escoute bien la certaineté de l'amour que j’ay envers toy et metz fin à tes demandes : pour certain autant que tu as vescu, autant jet ay aymé. » Et lors le père qui entendoit que la fille eust fait ceste responce de l'abondance de son cueur, 1l en eut desdaing en son cueur, et ne laissa pas à manifester ce qu'il avoit en sa voulenté, et respondit en ceste manière : « Pource que tu as si grandement desprisé la vieillesse de ton père, que tu me as desdaigné aymer de moindre amour que tes autres seurs, combien Je ne vueille pas diré que tu ne soyes ma fille, toutesfois Je dy que jamais tu n'auras part à mon royaulme avec tes autres seurs; toutesfois si fortune t’amaine aucun mary estrange, Je te mariray, mais Je te prometz et soyes asseurée que jamais je ne mettray peine de te marier à tel homme que j'ay promis à tes seurs. C'est une chose bien estrange et de grant merveille, moy qui t'ay aymée plus que n'ay fait tes autres seurs, et tu démonstres par tes parolles que tu ne me aymes tant que tes autres seurs. » Et, ces parolles dictes, sans faire longue demeure, par le conseil des barons de son royaulme, il donna à ses deux filles deux ducz en mariage, c'est assavoir le duc de Cornubie, et le duc d'Albanie et la moitié de son royaulme seullement tant comme :l vivroit, mais après son trespas 1l leur
octroya la moitié de tout son royaulme de Bretaigne. Quelque temps après Ganippus le rov des Françoys fut advertyr de la beaulté de Gordeilla et envoya tantost ses messagiers vers le roy de Bretagne luv requérant que son plaisir fust de la luy baller pour femme eten mariage. Et son père qui persévéroit encore en son indignation respondit aux messagiers du roy françois que trèsvoulentiers Juy bailleroit sa fille, mais que ce seroit sans aucune terre et sans argent, car il avoit distribué son royaulme et tout son argent aux deux seurs de la pucelle, c’est assavoir à [Gordeille sie 1528, 1531, Un possesseur ancien de 1598 à corrigé Garonilla] et à Ragau. Le roy François ove ceste response renvoya de rechef vers le roy de Bretaigne et luv manda quil avoit assez or, argent et possessions, car il possédoit la tierce partie de Gaulle et qu'il demandoit seullement la pucelle pour en faire son héritière. Et par tant les promesses furent accordées, et fut la pucelle envoyée en Gaulle, et fut mariée à Ganipus [sic 1528, 1531]. Après quelque espace de temps que le père commença à affoiblir par force de vieillesse, les duez devant ditz, auquelz 1l avoit divisé son royaulme, et donné ses deux filles en mariage, commencèrent à s’eslever contre lu, et feirent tant qu'ilz luy ostèrent le royaulme et la puissance royalle, laquelle il avoit tenu franchement et glorieusement jusques à ce temps là ensemble. Toutesfois [1531, 10] après qu'ilz se furent accordez ensemble, l'ung de ses gen[1528, 10]dres le retint, c’est assavoir Maglaunus le duc d'Albanie et luy bailla pour l’acompaigner quarante chevaliers affin qu'il ne demourast honteusement avec luy. Et après deux ans passez luy estant encores résident avec sa fille Garonille il eust desdaing pource que plusieurs de ses chevaliers faisoient despit et rudesse à ses ministres parce que on ne leur bailloit assez largement vivres : si le dit et racompta à son mary, lequel commanda à son père que doresenavant il se contentast du service de vingt chevaliers seullement, parquoy le père, de ce courroucé, se retira vers Seminum duc de Cornubie auquel il avoit marié Ragau sa seconde fille. Et combien qu'il eust esté honnorablement receu du duc de Cornubie, toutesfois il ne se passa pas ung an qu'il n’y eust entre eulx grant discorde : pour laquelle cause Ragau fut esmeue d'une grande indignation contre son père, et luy commanda qu il mist hors et déchassast tout ses chevaliers et quil n'en retint avecques luy sinon cinq tant seullement pour luy tenir compaignie. Et lors le père grandement indigné s'en est derechef retourné vers sa fille aisnée espérant de l'esmouvoir à pitié, et qu'elle le retireroit avecques elle, mais elle n’avoit aucu-
nement mué ne changé l'indignation qu'elle avoit paravant conceue contre son père, ains Jura par la Déité du ciel que jamais il ne demoureroit avec luy sinon ung seul chevalier, et luy reprouchoit qu il estoit homme vil et meschant et qu'il n’avoit aucuns biens. Brief 1l luy convint qu'il délaissast tous ses Chevaliers pour onévr à sa fille et demoura léans acompaigné d’un seul chevalier. Et lors 11 commença à penser à luy mesmes qu’il se retireroit vers sa plus jeune fille qui estoit résidente oultre la mer, mais il doubtoit fort qu elle ne luy voulsist aucun bien faire, pource que il l’avoit mariée ainsi honteusement, sans luy baïller aucune chose, comme vous avez ouy cy dessus. Toutesfois non voulant porter sa misère plus longuement, il se délibéra de passer la mer et de se retirer en Gaulle et en passant la mer quant il se vit dedans la nef entre les princes qui là estoient, il commença à souspirer et à soy complaindre en pleurs et en souspirs en disant telles ou semblables parolles : « 0 fortune irée et courroucée, ne verray Je jamais le jour que je puisse rendre le guerdon à ceulx qui en telle manière me ont tollu mon bien, et me ont mis en telle povreté ! O Gordeilla, ma fille, je congnois maintenant quil est bien vray ce que tu me dvs une fois quant Je te demanday de quel amour tu me aymois et tu me respondis que tant comme tu as vescu et que tu vivroys tu m'as tousjours aymé et me aymeroys, certes je congnois que tant comme Jay eu puissance de donner que ceulx à qui j'ay donné n'estoient pas mes amys, mais estoyent amys à mes dons. O chère fille, je te demanderoye voulentiers si pour les parolles que je te dys lors tu enas aucun courroux ou indignation contre moy. Vray est que je te cuydoyÿe avoir mariée le plus povrement de toutes tes autres seurs, lesquelles après les grans biens que je leur ay donnez me ont ainsi laissé tumber en povreté et forbanny de leurs compaignies. » Et finablement en soy complaignant et proférant telles et plusieurs autres parolles il fist tant qu'il parvint à une cité ou ville nommée Carisiani où sa fille estoit résidente et ne voulut pas entrer en la cité, mais envoya ung messagier vers sa fille pour luy racompter sa venue et la misère où 1l estoit, et pource qu'il n’avoit de quoy boire ne manger il luy requéroit qu'elle eust miséricorde de luy. Et quant Gordeilla sceut cette nouvelle elle fut grandement esmeue et ploura moult amèrement et demanda au messagier quel nombre de chevaliers il avoit avecques luy, et il luy respondit que son père n'avoit que ung seul escuyer avecques luy. Et lors Gordeilla print de l'or et de l'argent tant qu'elle en peut fineret le bailla au messagier pour le porter à son père, et commanda au messager quil
menast son père en une autre cité, et quil faignist là d'estre malade et qu'il se fist baigner, bien vestir et acoustrer, et aussi luy manda qu'il print avecques luy quarante chevaliers pour l'acompaigner, et qu'ilz fussent tous bien vestuz et acoustrez, et puis il manderoit au roy Aganipe et à sa fille sa venue en icelle cité. Et quant le messagier fut retourné il mena le roy en une autre cité comme sa fille l'avoit commandé ; et là se tint jusques à ce qu'il eust fait tout ce que Gordeilla luy avoit mandé faire. Et quant il fut ennobly et aorné de royal appareil il manda à [Aganipe 1528, Ganipe, 1531] et à sa fille sa venue, et comme il avoit esté bouté hors du royaulme de Bretaigne par ses filles et par ses gendres, et estoit illecques venu pour luÿ requérir ayde à reconquester son royaulme. Et lors Aganipus acompaigné de plusieurs barons et chevaliers se partit et vint au devant de luy el le receut moult honnorablement et luy donna la puissance et gouvernement de toute la Gaulle jusques à ce qu'il fut remis en sa propre dignité et en son royaulme de Bretaigne. Et, cependant, le roy envoya messagiers par tout le pays de Gaulle pour assembler toute sa chevalerie et son armée affin que par leur ayde il peust tant faire qu'il peust recouvrer le royaulme de Bretaigne pour le rendre à son beau père. Laquelle chose fut faicte et mena sa fille avec luy et la grosse armée et multitude de gens d'armes que Aga[1531 v°]nipus luy avoit baillé et passa la mer et alla en [1528 v°] Bretaigne, et si bien se combatit contre ses gendres qu'il eut contre eulx victoire, et quant il eut tout remis en son obéissance il mourut trois ans après. Et après qu'il fut mort Aganipus roy des François et Gordeilla prindrent le gouvernement du royaulme de Bretaigne, et Gordeilla feist inhumer son père en une souterrane qu'elle avoit commandée faire au dessoubz du fleuve de Zora dedans la cité de Legentain, lequel souterrain estoit fait en l’honneur du dieu Janvier qui a deux frons. Et illec tous les ouvriers de la cité avoient acoustumé de commencer leurs ouvrages qu'ilz debvoient faire par toute l'année quant la solennité de son jour venoit. Et après que Gordeilla eut gouverné paisiblement le royaulme de Bretaigne par seize ans, les deux filz de ses sœurs se parforcèrent de l'empescher, lesquelz seurs avoient esté mariées à deux ducz c'est assavoir à Maglaure et à Hannio, et ces deux ducz avoient le bruit et renommée d'estre de grant et noble prouesse dont l'ung, c'est assavoir Marganum, avoit engendré [Maglanius 1528, Malganius 1531], et Hennius Condagin. Ces deux cy après qu'ilz eurent recueilly les duchez par le trespas de leurs pères ilz commencèrent
à avoir indignation de ce que Bretaigne estoit en la puissance et subjection d’une femme, c'est assavoir de Gordeilla. Parquoy ilz assemblèrent leur ost et s'eslevèrent contre la royne, et ne voulurent cesser leur cruaulté jusques à ce qu'ilz eussent gastées toutes les provinces, et se misrent en bataille contre Gordeilla, et elle contre eulx, mais finablement elle fut prinse et la misrent en chartre où elle se tua par douleur d'estre ainsi formenée. Quant les deux jouvenceaulx eurent ainsi leur tante emprisonnée 1lz départirent l'isle de Bretaigne entre eulx deux. Et la partie ou région qui est estendue oultre le Ombre devers Cathenisian escheut à son cousin Margano, et l’autre part du costé du fleuve qui est devers soleil couchant fut submise à Comedagio. Et tantost après vindrent à Margano ceulx qui aymoient turbation estre au royaulme et luy esmeurent le courage, en luy disant et remonstrant que ce n’estoit pas chose honneste que luy qui estoit filz aisné qu'il n'avoit toute la seigneurie de l'isle de Bretaigne. Et quant par ces moyens et aultres il fut esmeu, il assembla son ost et le mena par les provinces de Cunedagio, et y commença à mettre le feu et gaster le pays. Et quant la discorde fut ainsi esmeue Cunedagius se meist en armes et vint au devant de luy à tout grosse armée, et tellement batailla qu'il meist Marganum enfuyte par cruelle occision de ses gens, et le suivit fuyant de province en province tant que finablement il le tua en la ville de Cambur laquelle après fut appellée de son nom Margan. Et après ceste victoire Cunedagius se saisit de toute la monarchie de l’isle de Bretaigne, laquelle 1l gouverna et traicta glorieusement par l'espace de trente trois ans. Et en ce temps là prophétisoient en Judée Ysaias et Osée, et la cité de Romme fut lors fondée le neufiesme kalende de may par les deux frères Remus et Romulus.
Du règne de Rivallo et de plusieurs autres roys et princes qui ont régné en Bretaigne.
