CHAPITRE XII

Et après que Cunedagio fut trespassé il eut pour son successeur son filz Rivallo qui estoit ung jouvenceau bien paisible et moult bien fortuné lequel traicta et gouverna le royaulme de Bretaigne moult diligemment. En son temps il cheut pluye rouge par trois jours, et mouroient les gens par grant influence des mouches. Et

après cestuy régna Gurgucius son filz, et après cestuy Gurgucius régna Sissilius, et après luy régna Jayr qui estoit nepveu de Gurgucius, et après cestuy régna Kyÿmarcus le filz de Sissilius, et après cestuy régna Gorbodugo lequel eut deux filz, dont l’ung eut nom Ferrenx et l'autre Porrex. Et quant le père vint en sa vieillesse 1l s'esmeut une grosse discencion entre ses deux filz pour avoir la succession du royaulme. Et lors Porrex par grant convoitise d’avoir le royaulme se meist en aguet pour trouver le moyen de tuer son frère, et quant la chose fut manifestée à son frère, affin d'eschever à soy l’entreprinse il s'en alla en Gaulle pour avoir secours et ayde de Suard roy des François, et quant il eut assemblé son ost il s’en retourna et combatit contre son frère, et en combatant Porrex fut tué et toute sa compaignie. Et lors la mère qui avoit nom Judain, quant elle sceut les nouvelles de la mort de son filz, elle fut tourmentée et dolente oultre mesure et print son autre filz en moult grant hayne ; car elle aymoit trop plus l’autre que cestuy cy, parquoy elle ardoit de si grant yre et indignation de la mort de son filz qu'elle désiroit fort de se venger de celluy qui estoit vivant. Et regarda le temps que son filz fust endormy, et quant elle apperceut qu'il estoit endormy elle alla vers luy acompaignée de ses servantes, et le print et le deschira par plusieurs pièces, de laquelle chose sourdit tantost une moult grande discorde entre les citoyens qui affligea fort le pays [1528, 1531, 11] de Bretaigne, et le royaulme qui n'avoit plus de roy dont les ungs contre les autres se commencèrent à eslever et batailler par moult cruelle occision et pestilence. Et en ces entrefaictes, prouesse et hardyesse eschauffa tellement ung jouvencel qui estoit nommé Didimallo, qu'il print le gouvernement du pays. Cestuy Didimallo estoit filz de Cliceius le roy de Cornubie, et surmontoit entre aultres en beaulté et en hardyesse tous les roys qui furent oncques en Bretaigne, lequel après qu'il eut prins le gouvernement du pays après la mort de son père, il se délibéra d’aller combatre contre le roy de Lorgue, et quant les deux ostz furent assemblez, il occist le roy de Lorgue. Et ce fait se allièrent ensemble contre luy Randacus roy de Cambrie, et Steterius roy d'Albanie, et quant l’aliance fut entre eulx confermée 1lz amenèrent leurs armées ès provinces de Walons pour destruire le pays et les places et édiffices, à l'encontre desquelz Didimallo vint tantost au devant acompaigné de trente mille hommes combatans, et leur livra bataille. Et bataillèrent ung jour tout entier et ne luy escheut pas la victoire, mais le lendemain il appella avecques luy sept ou huyt cens jouvenceaulx et leur commanda qu'ilz se vestissent avecques

luy des armes et livrées de leurs ennemys en délaissant les armes que ilz portoient, et, ce fait, il les mena vers les compaignies de leurs ennemys, lesquelz quant :ilz les apperceurent 1lz cuydoient qu'ilz fussent de leurs gens à cause de leurs armes qui estoient toutes semblables et se tira Didimallo et ses gens vers la bende où estoient Randacus et Steterius, et commanda à ses gens qu'ilz les assaillissent, ce qu'ilz firent, et tuèrent les deux roys et plusieurs autres avecques eulx; mais Didimallo doubtant qu'il ne fust oppressé des siens il se retira vers son armée, et reprint ses armes, et puis il commanda à ses gens que 1lz assaillissent leurs ennemys, et si bien bataillèrent contre leurs ennemys qu'ilz gaignèrent la victoire, et furent les ennemys mis en fuytte l’ung çà, l’autre là. Et quant il eut ce fait il entra dedans le pays desditz roys et gasta et destruisit les citez et villes, et submist le peuple en son obéyssance, et quant il eut toute l’isle réduycte à sa subjection, il fist faire une belle couronne d'or pour luy et remist l'isle en l’estat qu’elle estoit premièrement. Ces roys icy establirent loix et statutz qui sont gardées jusques au temps présent entre les Anglois, et entre autres choses, ilz establirent ce que moult de temps après Gildas escripvit : c’est que le temple des dieux et les citez auroient telle dignité, prérogative et privilège que tous ceulx qui se retireroient ou fuyroient au temple, 1lz auroyent pardon de leurs ennemys. Ilz establirent aussi que les voyes et chemins qui conduysoient vers le temple ou les citez, et que les arbres des laboureurs fussent confermez d'icelle mesme loy, en telle manière que les bastons et espées des brigans ou larrons cessoient de faire les cruaultez et estoient tellement estoupez et empeschez qu'ilz ne povoient faire violence à aucun, et n'y avoit homme qui fist mal à autruy. Et quant ilz eurent vescu quarante ans après qu'ilz eurent prins la couronne, 1lz moururent en la cité de Trinovacum, et furent ensevelys et inhumez auprès du temple de Concorde qu'ilz avoient fait faire.

Du règne de Brennus et Belinus, enfans de Didimallo, roy de Brelaigne.

CHAPITRE XIII Après le trespas de Didimallo, ses filz : c’est assavoir Belinus

et Brennus qui vouloient succéder à leur père eurent grande discorde l’ung contre l’autre, car chascun tachoit à soy faire enno-

blyr de la couronne du royaulme de Bretaigne. Et après qu 1lz eurent eu l'ung contre l’autre plusieurs estrifz et altercations, les amys de l'ung et de l’autre se misrent entre deux, et trouvèrent moyen de les remettre en paix et concorde ensemble, et consentirent entre eulx deux que le royaulme de Bretaigne seroit party et divisé en telle manière, c'est assavoir que Belinus auroit comme filz aisné la couronne du royaulme, avecques le royaulme de Cornubie et de Cambrie : et aussi la coustume Troyenne requéroit que la principalle dignité de l’héritage luy escheut. Et Brennus qui estoit le plus jeune seroit subgect à son frère : si eust pour sa part et portion Northobriam du Hongre, jusques à Cathanesiam. Et après que l’aliance fut ainsi confermée par ses conventions, 1ilz gouvernèrent le pays par cinq ans en paix et en bonne justice. Mais pourtant que Discorde se veult tousjours entremettre de brouiller les bonnes choses, il y eut aucuns forgeurs de mensonges et faulx rapporteurs qui vindrent vers Brennus, et luy dirent telles parolles : « Pourquoy, [ny 1528, ne 1531] à quelle occasion vous tenez vous ainsi en la subjection de voëtre frère Belinus, veu que vous estes tous deux d'ung mesme père et d’une mesme mère, et que d’une mesme noblesse estes tous deux pareilz. Et vous qui avez esté esprouvé en tant de batailles, et en tant de belles prouesses et faitz de chevalerie, et qui avez tant de fois résisté à la puissance de Cenulpho duc de Morianne [1528, 1531 v°] qui s’estoit ingéré d'entrer en nostre province, auquel avez puissamment résisté, et par armes l'avez déchassé et expulsé de son royaulme. À ceste cause nous vous conseillons que vous vous ostez de l’aliance que vous avez avecques Bellinus vostre frère, laquelle alliance est à vostre grant déshonneur, et vous conseillons que vous prenez à femme la fille du roy Assigii de Norgensis, affin que par son ayde vous puissiez recouvrer la dignité que avez perdue. » Ef après que par telles parolles et plusieurs autres 1lz eurent corrumpu le vouloir et courage du jouvencel Brennus, il y assentit et se partit et alla en Norwègue, et print la fille du roy à femme ainsi que les flateurs l’avoient endoctriné. Et ces choses ainsi faictes et acomplyes, les nouvelles en vindrent à la congnoissance de son frère Bellinus dont il fut fort indigné et marry de ce que sans son vouloir et sans son sceu 1l c’estoit ainsi conduyt et marié. Et se partit lors et s’en alla en Northambrian et print les provinces et les citez et les garnit bien de ses gens qui en prindrent la garde. Et quant Brennus fut adverty de ces choses par ceulx qui luy avoient notifié le fait et entreprinse de son frère, il appareilla ses navires et amena avecques luy grant compaignie de Norgense et s’en retourna en Bretaigne. Et quant 1l

fut sur la mer il rencontra Guinlacus roy des Danois qui l’avoit en hayne, car il estoit esprins de l'amour de la pucelle que Brennus avoit emmennée, dont il estoit moult dolent : à ceste cause il avoit appareillé son navire et son ost et les menoit par mer très hastivement pour rencontrer Brennus.

Quant les navires furent approchées l’une de l'autre, de coup d’adventure il print la nef en laquelle estoit la pucelle et commença à jecter ses crocs et tira la nef vers ses compaignons. Et eulx ainsi combatans l’ung contre l'autre 1l vint soubdainement ung vent contraire et feist ung grant tourbillon, dont les nefz tant d’ung costé que d’autre furent desvoyées et furent déjectées en divers rivages. Et lors le roy de Dace là bouté par force de vens [et 1531] fut par l’espace de cinq jours flotant sur la mer en grant crainte avec la pucelle et feist tant qu’il arriva en Northambriam sans toutesfois sçavoir quel pays ceste dure fortune luy avoit offert. Et quant il fut là arrivé ceulx du pays les prindrent et les menèrent à Belinus qui attendoit son frère sur le rivage de la mer, et avecques les nefz de Guinlacus estoient aussi trois nefz desquelles l’une estoit des navires, de Brennus.Et quant 1lz eurentfait sçavoir au roy Bellinus quelles gens 1lz estoient, il S’en esjouyt merveilleusement que telle chose estoit ainsi advenue et ce pendant qu'il désiroit de soy venger de son frère [en] quelque peu de jours Brennus accompaigné de ses nefz arriva en Albanie, et quant il fut adverty de la prinée de son espouse et de tous les autres quiestoientavec elle, et que son frère luy avoit ainsi soustrait et invadé le royaulme de Northambrie cependant qu'il estoit en | Norgue 1528, Norque 1531 ] il envoya tantost ses messagiers vers luy, etluy manda que son espouse et son royaulme luy fussent renduz, ou sinon il jura que toute l’isle il gastera depuis ung costé de la mer jusques à l'autre, et que s'il le peult trouver il le mettra à mort.

Quant Belinus sceut ces nouvelles il luy dénya tout ce qu'il demandoit et assembla lors toute sa chevalerie de lisle et se partit ets'en vint en Albanie pour combatre contre son frère. Mais quant Brennus sceut sa venue et quil venoit pour combatre contre luy il se retira près la forest qu'on appelle Chalacenium, et quant ilz eurent pourpriz et divisez chascun ung mesme camp ilz ordonnèrent leurs batailles et commencèrent à faire leurs approuches, et tantost commença la bataille d'ung costé et d'autre moult fièrement, et monstrèrent bien alors leurs forces et vertus belliqueuses, dont moult de sang y fut respandu tant d'ung costé que d'autres par leurs glaives et leurs daces trenchans, car vous eussiez lors veu les hommes navrez trébuscher parmy les batailles

tout ainsi qu'on voit ung champ de blé quant il est assailly de plusieur soieurs ou faulcheurs. Finablement les Bretons eurent le dessus et lobtindrent 1528, retindrent 1531] la victoire, et les Norguegz s’enfuyrent et furent chassez jusques à leurs nefz, et en fuyant Belinus les suyvoit de si près qu'il les tuoit sans aucune pitié, et en furent tuez en celle bataille le nombre de quinze mille hommes, et à grant peine en eschappa ung seul sans estre navré ou blessé. Et furent les nefz prinses et destruictes, et àgrant peine Brennus se peut sauver luy et une seulle nef pour s’en aller, et comme fortune le conduysoit il arriva d'adventure à ung port de Galles et les autres qui estoient venus avec luy vagoient sur la mer ainsi que fortune les menoit. Et après que la victoire fut ainsi escheue à Belinus, il appella tantost tous les haulx barons du royaulme dedans la cité de Eboracum pour traicter selon leur conseil de ce qu'il feroit du roy des Danois qu'il tenoit en la chartre, lequel luy avoit promis dedans la chartre ou prison qu'il se submettroit à luy et le royaulme de Dace, et luy feroit ung gros [1528, 1531, 12] tribut tous les ans, s’il le vouloit laisser franchement aller à tout son amye, etluy manda aussi qu'il confermeroit ceste convenance par ostages quil bailleroit, et par serment. Et sur ce propos Belinus assembla ses barons et gens de conseil pour sçavoir leur adviz, lesquelz furent tous d'opinion que ainsi le devoit faire et tous se consentirent à cela, et fut Guinlacus délivré de la chartre, et quant il fut ainsi délivré il s'en est retourné en Dace avecques son amye. Et ces choses ainsi faictes, quant Belinus cogneut qu'il estoit si puissant que nul ne pourroit résister contre luy, et qu'il estoit jouyssant et possesseur de toute l'isle de Bretaigne, depuis ung costé de la mer jusques à l’autre, 1l voulut confermer les loix que son père avoit trouvées et establyes. Si commanda que bonne justice fut faicte par tout le royaulme, et spéciallement il commanda que les citez et les voyes publiques qui menoiïent aux citez eussent celle mesme paix et seurté que Didimallo avoit estably. Mais touchant les voyes, 1l y avoit grande discorde, car on ne sçavoit par quelz termes ou limites elles estoient départies. Par quoy le roy Bellinus voulant oster de sa loy toute discorde et doubte, il appella et fit venir à luy tous les ouvriers de toute l'isle de Bretaigne, et commanda fabriquer et paver une voye de cyment et de pierres, laquelle trescoperoit l'isle en longueur depuis la mer de Cornouaille jusques au port de Thanasie, et mèneroit par droicte ligne aux citez qui estoient dedans l'isle de Bretaigne. Et après il commanda faire une voyeen largeur du royaulme, laquelle mèneroit de la cité de Demena qui

est assise sur la mer de Metricum jusques au port de Hamons, qui depuis fut dit de Hautonne, et démonstroit icelle voye par où on alloit aux citez qui estoient dedans. Et fist aussi faire deux autres voyes au travers de l’isle qui donnoient conduyt à toutes les autres citez, et puis establist les citez en tout honneur et toute dignité. Et si on vouloit plus amplement veoir les lois et establissemens que fist Bellinus, qu'on lise les loix nuclimenes que Gildas l'historiographe translata de breton en latin, et le roy Assuedis, de latin en langue anglesque. Ainsi doncques gouverna Bellinus par long temps le royaulme de Bretaigne en° bonne paix et en concorde.

Comment Brennus el Bellinus furent derechef en bataille l’ung contre l'autre, et comment leur mère y mist la paix.