Enrosés, arrosés

164 HISTOIRE DE BAYART

passée, s'il eust esté possible, comme non sans la grâce de Dieu, toute l'armée des Véniciens estant en ladicte ville se trouvoit en bataille à cheval et à pied, car il y avoit belle esplanade jusques à mettre vingt mille hommes de pied et de cheval en ordre, et derrière estoient plates-formes où on avoit monté vingt ou trente pièces d'artillerie, qui par dessus leur armée eussent tiré sans leur mal faire, droit à la berche. De ce terrible dangier furent les François advertiz par aucuns prisonniers, qui aux escarmouches quelquefois estoient pris, et par leur rançon payer renduz, ausquelz montroit le conte toutes ces choses, affin qu'ilz le remonstrassent au seigneur de la Pahsse et aux cappitaines françois; et disoit encore ces parolles à leur départie : « J'espère, mes amys, avecques l'ayde de Dieu, que leroy de France et la Seigneurie retourneront en amytié quelque jour. Et n'estoit les François qui sont avecques l'empereur, croyez que devant qu'il feust vingt et quatre heures, je sortiroye hors de ceste ville et si en ferois lever le siège honteusement. » Je ne sçay comment il eust fait cela, au nombre de gens qu'il avoit devant luy. Bien furent rapportez ces propos aux seigneurs cappitaines de France ; mais ilz n'y pensoient autrement, pour ce que par leur maistre estoient au service de l'empereur pour faire ce qu'il leur ordonneroit. Vous avez ouy cy-dessus la belle berche qui estoit à la ville, qui trop grande estoit, et fusse pour aller mille hommes de fronc deux fois, dont l'empereur fut deuement acertené ^ Si se délibéra y donner l'assault, comme vous orrez cy-après ; mais