CHAPITRE XXXV

Comment le bon chevalier sanspaour et sans reprouche, durant le siège de Padoue, fist une course avecques ses compaignons, oii il acquist gros honneur.

Durant le siège de Padoue, souvent venoient alarmes au camp de l'empereur, tant des saillies que faisoient ceulx de la ville que de leurs gens qui estoient en garnison dedans Trévize, bonne et forte ville qui est à vingt ou vingt et cinq mille dudit Padoue. En icelle, entre autres cappitaines, estoit messire Luces Mallevèche, homme de guerre, et entreprenant s'il en y avoit point au monde. Deux ou trois fois la sepmaine, resveilloit sans trompette le camp de l'empereur, et s'il voyoit qu'il y fist bon, ne s'espargnoit pas parmy ses ennemys ; et par le contraire, s'il n'y faisoit bon, fort sagement seretiroit, et ne perdit jamais ung homme. Tant continua ce train qu'il fist parler de luy à merveilles. Geste manière de faire fascha fort au bon chevalier, et sans grant bruit, par des espies à qui il donnoit tant d'argent que pour mourir ne l'eussent trompé, entendit beaucoup des allées et venues dudit Mallevèche, de sorte qu'il délibéra l'aller trouver aux champs. Si vint à deux de ses compaignons et qui estoient logez avecques luy, dont l'ung estoit le cappitaine la Clayete et l'autre le seigneur de la Crote, tous deux gaillars et triumphans cappitaines , ausquelz il

dist : « Messeigneurs, ce cappitaine Mallevèche nous donne bien de la fascherie ; il n'est guères jour qu'il ne nous viengne resveiller, et ne se parle sinon de luy. Je n'ay pas envye de son bien faire, mais je suis marry qu'il ne nous congnoist autrement. J'ay beaucoup entendu de son affaire. Voulez-vous venir à la guerre et vous verrez quelque chose? J'espère que nous le trouverrons demain au matin, car deux jours a qu'il ne nous donna alarme. » Ses compaignons respondirent : « Nous yrons où vous vouldrez. — Or faites doncques, dist le bon chevalier, à deux heures après mynuyt, armer chascun trente hommes d'armes des plus gentilz galans que vous ayez et je méneray ma compaignie et les bons compaignons qui sont avecques moy, comme Bonnet, Mypont, Cossey^ Brezon et autres que congnoissez comme moy, et sans sonner trompette, ne faire bruyt, monterons à cheval ; et vous suffise que j'ay fort bonne guyde. » Comme il fut dit, ainsi mis à exécution, et entre deux ettrois^, ou moys de septembre, montèrent achevai, leur guyde devant qui estoit très bien gardé de quatre archiers ; et luy avoit-on promis bon payement s'il faisoit bien son debvoir, mais aussi, où il yroit de tromperie, il luy alloit de la vie ; et cela avoit ordonné le bon chevalier parce que souvent les espies sont doubles^ et font tourner la perte où il leur plaist. Mais il fist bien son debvoir, car de nuy t les mena bien dix mille de pays ;

1. René de Gossé, s' de Brissac, grand panetier de France en 1516, fils de Thibaud de Gossé et de Félice de Gharno; il épousa Charlotte Gouffier et mourut en 1521.