Doublas, trompeurs

et tellement que la poincte du jour va apparoistre, si vont adviser ung grant palais où il y avoit une longue closture de muraille. Lors l'espie commencea à dire au bon chevalier : « Monseigneur, si le cappitaine messire Luce Mallevèche sort aujourd'huy de Trévize pour aller visiter vostre camp, il fault de nécessité qu'il passe icy devant. Si bon vous semble de vous cacher en ce logis où qu'il n'est demouré personne au moyen de la guerre, vous le verrez passer et il ne vous pourra veoir. » Gela fut trouvé bon par tous les cappitaines, et se misrent dedans, où ilz furent bien deux heures ou environ qu'ilz ouyrent gros bruyt de chevaulx. Le bon chevalier avoit fait monter ung vieil archer de sa compaignie, appelle Monart, autant expérimenté en guerre que homme vivant, dedans ung colombier, affin de veoir quelz gens passeroient et quel nombre . Si veit venir d'assez loing messire Luces Mallevèche, en nombre, selon son jugement, de cent hommes d'armes, l'armet en teste, et bien deux cens Albanoys que conduysoit ung cappitaine nommé Scandrebec, tous bien montez, et à leur contenance gens d'efFeçt. Hz passèrent à ung gect de bouUe du logis où estoient embuschez les François. Quant ils furent oultre, Monart descendit tout joyeulx et fist son rapport ; qui fut bien aise eut nom chascun. Si dist le bon chevaher qu'on ressenglast les chevaulx. Or, n'y avoit- il page ne varlet en la bende, car ainsi l'avoit-il ordonné, et dist à ses compaignons : « Messeigneurs, il y a dix ans qui ne nous vint si belle adventure, si nous sommes gentilz galans. Hz sont deux fois plus que nous, mais ce n'est riens; allons après. — Allons, allons, » dirent les

168 HISTOIRE DE BAYART

autres. Ainsi, eulx remontez à cheval, la porte fut ouverte, si allèrent le beau trot après leurs gens. Hz n'eurent pas cheminé ung mille qu'ilz les vont appercevoir sur ung beau grant chemin. Alors le bon chevalier dist à la trompette : « Sonne, sonne, trompette, J> qui le fist incontinent. Les cappitaines véniciens, qui n'eussent jamais pensé qu'il y eust eu gens derrière eulx, estimoient que ce feussent encore des leurs qui voulsissent courir; toutesfois ilz, sans tirer plus avant, s'arrestèrent, et si longuement qu'ilz apperceurent au vray que c'estoient ennemys; ilz furent ung peu estonnez pour se trouver enclos entre le camp de l'empereur et ceulx qu'ilz voyoient, et falloit passer par là ou par la fenestre. Cela les confortoit qu'ilz ne voyoient pas grand nombre de gens. Si fist, comme asseuré, le cappitaine messire Luces Mallevèche à tous ses gens commandement de bien faire, leur remonstrant que force estoit d'estre deffaictz ou deffaire les autres. Aux deux costez du chemin estoient grans fossez. Ung homme d'armes sans estre trop bien monté ne se feust osé adventurer de le saillir, de peur d'y demourer; ainsi, en quelque sorte que ce feust, force estoit de combatre. Si commencèrent trompettes à sonner de tous les deux costez, et environ la portée d'ung gect d'arc se prindrent à courir les ungs sur les autres en criant par les ungs : « Empire ! Empire ! France ! France ! » et les autres : « Marco ! Marco ! » G' estoit ung droit plaisir de les ouyr. En ceste première charge y en eut beaucoup portez par terre ; mesmement Bonnet donna ung coup de lance dont il percea ung homme d'armes tout oultre. Ghascun se mist en son debvoir ;

les Albanoys s'escartèrent du grant chemin et habandonnèrent leur gendarmerie pour cuyder prendre les François par le derrière, dont bien s'apperceut le bon chevalier qui dist au cappitaine la Crote : « Compaignon, gardez le derrière, que ne soyons enclos; cecy est nostre^ » Ainsi fut fait; et quant lesditz Albanoys cuydèrent approucher, furent receuz et bien frotez, tant qu'il en demoura une douzaine par terre, et les autres à gaigner pays à belle fuyte. Guères ne les suivit le gentil cappitaine la Crote, ains retourna au gros affaire, mais à son arrivée trouva les Véniciens en rotte, et entendoit desjà chascun aprendre son prisonnier. Messire Luces Malle vèche qui estoit monté à l'avantage saillit hors du grant chemin, et vingt ou trente des mieulx montez, qui se misrent à la fuyte vers Trévize. Hz furent suyvis quelque peu; mais on eust perdu sa peine, car trop bien alloient leurs chevaulx, avec ce que les fuyans y avoient bon vouloir. Si se retirèrent ceubc de la chasse et se misrent au retour avecques leurs prisonniers, desquelz y avoit plus qu'ilz n'estoient de gens, car sans nulle faulte en fut bien prins huyt ou neuf vingtz ausquelz ilz ostèrent leurs espées et masses, et les misrent au meillieu d'eulx; et ainsi arrivèrent en leur camp, où ilz trouvèrent l'empereur qui se pourmenoit à l'entour, lequel, quant il veit ceste grosse poussière, envoya sçavoir que c'estoit par ung gentilhomme françois de sa maison, qu'on appelloit Loys du Peschin, qui incontinent retourna et dist : « Sire, c'est le bon chevalier Bayart et les cap-