Cecy est nostre, c'est-à-dire : je me charge de ceux-ci

170 HISTOIRE DE BAYART

pitaines la Clayete et la Crote qui ont fait la plus belle rencontre qui cent ans a fut faicte, car ilz avoient plus de prisonniers qui ne sont de gens, et ont gaigné deux enseignes. » L'empereur fut ayse au possible. Si s'approcha des François ausquelz il donna le bon soir, et les François le saluèrent ainsi que à si hault prince appartenoit. Si loua chascun cappitaine en son endroit merveilleusement, puis dist au bon chevalier : « Seigneur de Bayart, mon frère vostre maistre est bien eureux d'avoir ung tel serviteur que vous ; je vouldroys avoir donné cent mille florins de rente et en avoir une douzaine de vostre sorte. » Le bon chevalier respondit : « Sire, vous dictes ce qu'il vous plaist, et du loz que me donnez très humblement vous remercie; d'une chose vous vueil bien adviser que, tant que mon maistre sera vostre alyé, ne trouverrez point de meilleur serviteur que moy. » L'empereur le remercia, et sur ce, luy et ses compaignons prindrent congé et s'en tirèrent à leurs logis. Jamais tel bruyt ne fut démené en camp comme il fut de ceste belle entreprinse, dont le bon chevalier emporta la pluspart de l'honneur, combien qu'entre toutes gens en donnoit le loz entièrement à ses deux compaignons, car de plus doulx ne courtois chevalier n'eust-on sceu trouver en tout le monde. Je feray fin à ce propos et vous diray d'une autre course que fist le bon chevalier tout seul.