Qui vouldra, pour qui voudra

180 HISTOIRE DE BAYART

de cest affaire. Toutesfois vous luy direz que je les vois envoyer quérir, et euLx venuz, je leur montreray la lettre. Je croy qu'il n'y aura celluy qui ne soit obéissant à ce que l'empereur vouldra commander. » Le secrétaire retourna faire son message, et le seigneur de la Palisse manda tous les cappitaines françois, lesquelz vindrent à son logis. Desjà estoit bruyt par tout le camp que l'on donneroit l'assault à la ville sur le midy ou peu après. Lors eussiez veu une chose merveilleuse, car les prestres estoient retenuz à poix d'or à confesser, pour ce que chascun se vouloit mettre en bon estât ; et avoit plusieurs gens d'armes qui leur bailloient leur bourse à garder, et pour cela ne fault faire nulle doubte que messeigneurs les curez n'eussent bien voulu que ceulx dont ilz avoient l'argent en garde feussent demourez à l'assault. D'une chose veulx bien adviser ceulx qui lysent cette hystoire, que cinq cens ans avoit qu'en camp de prince ne fut veu autant d'argent qu'il y en avoit là , et n'estoit jour qu'il ne se desrobast trois ou quatre cens lansquenetz qui emmenoient beufz et vaches en Almaigne, lictz, bledz, soyes à filer et autres utensilles, de sorte que audit Padouan fut porté dommage de deux millions d'escus, qu'en * meubles, qu'en maisons et palais brusiez et destruitz. Or, revenons à nostre propos. Les cappitaines françois arrivez au logis du seigneur de la Palisse, leur dist : « Messeigneurs, il fault disner, car j'ay à vous dire quelque chose que, si je vous le disoye devant, par adventure ne feriez-vous pas bonne chère. » 11 disoit ces paroUes