Envahie, charge

2. Claude de Grammont, seig' de Vachères, gentilhomme de Dauphiné.

ses hacquebutiers faisoient beaucoup de mal aux François. Si commencea le bon chevalier à dire au cappitaine Pierrepont : « Cappitaine, si nous ne gaignons legrant chemin nous sommes affolez*; et si nous sommes une fois là, nous nous retirerons en despit d'eulx et si n'aurons point de perte aydant Dieu. — Je suis bien de cest ad vis, dist le cappitaine Pierrepont. » Si commencèrent tousjours combatans à eulx retirer sur ce grant chemin, où ilz parvindrent, mais ce ne fut pas sans beaucoup souffrir; néantmoins encores n'avoient point perdu de gens, mais si avoient bien les ennemys^ comme quarante ou cinquante hommes de pied et sept ou huyt de cheval. Quant le bon chevalier et les François furent sur ce grant chemin que tiroit à Véronne, se serrèrent et misrent à la retraicte tout doulcement, et de deux cens pas en deux cens pas retournoient sur leurs ennemys tant gaillardement que merveilles. Mais ilz avoient ses gens de pied à leurs aesles qui tiroient coups de hacquebute menus et souvent, de façon que, à la dernière charge, fut encores tué le cheval du bon chevalier, qui, le sentant chanceler, se gecta à pied l'espée au poing, où il fist merveilles d'armes; mais bientost fut encloz, et eust eu mauvais party, quant le bastard du Fay, son guydon, avecques ses archiers, vint faire une charge si furieusement que au millieu de la troppe des Véniciens recouvra son cappitaine et le remonta à cheval en despit d'eulx, puis se serroient avecques les autres. Jà approchoit la nuyt, parquoy