Sous-entendu perdu

192 HISTOIRE DE BAYART

commanda le bon chevalier qu'on ne chargeast plus et qu'il suffisoit bien se retirer à leur grant honneur, ce qu'ilz firent jusques à Sainct-Martin, dont le matin estoient partiz. Il y avoit un pont garny de barrières au bout duquel ilz s'arrestèrent ; le cappitaine Jehan- Paule Moufron congneut bien que plus ne leur sçauroit porter dommage, et puis qu'ilz pourroient estre secouruz de Véronne. Si fist sonner la retraicte et se mist au retour vers Sainct-Boniface, ses gens de pied devant luy, qui estoient fort lassez de ceste journée, où ilz avoient combatu quatre ou cinq heures, et voulurent séjourner en ung village à quatre ou cinq mille dudit Sainct-Boniface ; dont le cappitaine Jehan- Paule Moufron n'estoit pas d'oppinion, et s'en retourna avecques ses gens de cheval, bien despit dont il avoit esté si bien gallopé et par si peu de nombre de gens. Le bon chevalier et ses gens pour ce soir se logèrent en ce village de Sainct-Martin, où ilz firent grant chère de ce qu'ilz avoient, en parlant de leur fort belle retraicte, car ilz n' avoient perdu que ung archier et quatre chevaulx tuez, et leurs ennemys avoient porté lourde perte au pris^ En ces entrefaictes, ung de leurs espies va arriver, lequel venoit dudit Sainct-Boniface ; il fut mené devant le bon chevaUer, qui luy demanda que faisoient les ennemys. Il respondit : « Riens autre chose ; ilz sont en grosse troppe dedans Sainct-Boniface, et entre eulx font courir bruyt que bientost auront Véronne, et tiennent qu'ilz ont grosse intelligence dedans. Comme j'en vouloye partir est arrivé le cappitaine Moufron, bien