Saulveté, salut

estoient bien marriz qu'ilz n'avoient esté avecques eulx. Ainsi alla de ceste belle entreprinse pour ceste fois qui fut grosse fortune au bon chevalier et eut de tous en général grande louenge. Luy revenu à son logis, envoya quérir l'espie auquel il dist : « Vizentin, suyvant ma promesse, tu t'en yras au camp des Véniciens et demanderas au cappitaine Jehan Paule Moufron si le cappitaine Bayart est aussi subtil que luy en guerre, et que quant il vouldra pour le pris, le trou verra aux champs. > Il commanda à deux de ses archiers le conduyre hors de la ville, ce qu'ilz firent. Il s'en alla droit à Sainct-Boniface, où le seigneur Jehan-Paule Moufron l'apperceut, qui le fist prendre, pendre et estrangler, disant qu'il l'avoit trahy; ne excuse qu'il sceust faire ne luy servit en riens ^.

Les Véniciens tenoient encores ceste ville nommée Lignago, où ilz avoient grosse garnison, et souvent faisoient courses ceulx du Véronnoy s et eulx les ungs contre les autres, et tout l'vver demourèrent en ceste sorte. Sur le commencement de l'année mil cinq cens et dix, et bientost après Pasques, print congé du roy de France Louis XIF son nepveu le gentil duc de Nemours, dont de si peu de vie qu'il eut ceste histoire fera ample mention, car il mérite bien estre

1. Nous trouvons dans les Mémoires de Fleuranges (ch. XXIII) les détails suivants sur le capitaine Manfroni : « En ces poursuites se firent beaucoup de belles choses et escarmouches, et entre aultres une que fist le Jeune adventureux et M. d'Humbercourt, ou fut prins Jehan-Paul Manfron, homme ancien et maigre et l'un des plus estimés de tous les Vénitiens ; et furent deffaicts avecques lui cinq cens chevauls et feust amené au camp et de là en France, lequel fist la plus triste mine que jamais je visse » (1511).

204 HISTOIRE DE BAYART

cronicqué* en toutes sortes. Lequel passa en Ytalie et en sa compaignie mena le cappitaine Loys d'Ars, vertueux et hardy chevalier, où eulx arrivez furent receuz, chascun selon sa qualité, du seigneur de Ghaumont, grant maistre de France et gouverneur de Milan, et de tous les cappitaines estans en Ytalie, tant honnestement que possible ne seroit de mieulx, et surtout du bon chevalier sans paour et sans reprouche, qui tant aymé estoit du duc de Nemours et de son premier cappitaine Loys d'Ars. Par le commandement du roy de France estoit encores passé le seigneur de Molart avecques deux mille adventuriers et plusieurs autres cappitaines. Si alla ledit grant maistre seigneur de Ghaumont mettre le siège devant ceste ville de Lignago que tenoient Véniciens, et affin qu'elle ne fust aucunement secourue de gens ny de vivres, fut envoyé le seigneur d'Alègre^ avecques cinq cens hommes d'armes et quatre ou cinq mille lansquenetz qui estoient soubz la charge de ce gentil prince de Hanno, à Vincence, qui avoit encores soubz luy ce cappitaine Jacob, qui depuis fut au roy de France. Gette place de Lignago se fist fort batre; aussi y avoit-il bonne artillerie , mesmement celle du duc de Ferrare, qui entre autres avoit une longue coulevrine de vingt piedz de long, que les aventuriers nommoient le Grant Dyable. Enfin furent la ville