Canonnière, une pièce de canon

246 HISTOIRE DE BAYART

huyt jours pour le plus tard, m'a asseuré qu'il ne sera pas en vie. » Le bon chevalier, qui n'eust jamais pensé au faict, respondit : « Comment cela, monseigneur, il a doncques parlé à Dieu ? — Ne vous souciez, dist le duc, mais il en sera ainsi. » Et tant vindrent de parolle en parolle qu'il luy dist que messire Augustin luy avoit promis d'empoisonner le pape. Desquelles parolles le bon chevalier se seigna plus de dix fois, et en regardant le duc luy dist : « Hé ! monseigneur, je ne croyroye jamais que ung si gentil prince comme vous estes consentist à une si grande trahyson ; et quant je le sçauroye de vray, je vous jure mon âme que, devant qu'il feust nuyt, en advertiroye le pape, car je croy que Dieu ne pardonneroit jamais ung si horrible cas. — Gomment ! dist le duc, il en a bien autant voulu faire de vous et de moy ; et jà sçavez-vous que nous avons fait pendre sept ou huyt espies. — Il ne m'en chault, dist le bon chevalier; il est lieutenant de Dieu en terre, et le faire mourir d'une telle sorte, jamais n'y consentiroye. » Le duc haulsa les espaulles, et en crachant contre terre dist ces parolles : « Par le corps Dieu ! monseigneur de Bayart, je vouldrois avoir tué tous mes ennemys en faisant ainsi ; mais puisque ne le trouvez pas bon, la chose demourera, dont, si Dieu n'y mect remède, vous et moi nous nous repentirons. — Nous ferons si Dieu plaist, dist le bon chevalier; mais je vous prie, monseigneur, baillez-moy le galant qui veult faire ce beau chef-d'œuvre, et si je ne le fais pendre dedans une heure, que je le soye en son lieu. — Non, monseigneur de Bayart, dist le duc, je l'ay asseuré de sa personne, mais je le vois renvoyer; » ce qu'il fist

incontinent qu'il fut retourné à son palais. Je ne sçay quant il fut devers le pape qu'il fist ne qu'il dist, mais il n'exécuta nulles de ses entreprinses. Si demoura-il tousjours à l'entour de la personne du Sainct-Père, qui estoit bien marry de ne povoir trouver moyen de venir au-dessus de ses affaires . Il fut encores quelque temps à la Myrandolle, et là à l'entour, puis se retira à Boulongne, et fist loger son armée es garnisons vers Modène.

Environ ceste saison, le duc d'Urbin son nepveu, qui tousjours avoit esté bon François et à qui il desplaisoit à merveilles de la guerre que le pape avoit levée contre le roy de France, tua le cardinal de Pavye, légat à Boulongne, qui gouvernoit le pape entièrement, et lequel fiit très grandement courroucé; mais il convint qu'il s'appaisast. L'occasion pourquoy ce fut : l'on rapporta audit duc d'Urbin que le cardinal de Pavye avoit dit au pape qu'il estoit plus serviteur des François que de luy et qu'il les advertissoit chascun jour de son gouvernement. Cela y peut bien aider; mais la principalle racine estoit que celluy cardinal de Pavye avoit esté le premier qui avoit conseillé au pape de commencer la guerre. Il en fut payé en mauvaise monnoye^ Je laisseray ce propos et parleray de ce qui advint durant deux ans en Ytalie.

1 . La véritable cause de l'assassinat de Félix Aledosi, cardinal de Pavie, par le duc d'Urbin, fut la révolte de la ville de Bologne, qui se donna aux Français, et la déroute de l'armée du pape qui en fut la suite. Chacun d'eux rejetait sur l'autre la responsabilité de cette défaite et dans une dernière querelle le duc poignarda le cardinal en pleine place de Ravenne.

248 HISTOIRE DE BAYART