CHAPITRE XLVI

De plusieurs choses qui advindrent en Ytalie en deux ans.

Pour ce que ceste histoire est principallement fondée sur les vertus et prouesses du bon chevalier sans paour et sans reprouche, laisseray beaucoup de choses à desmesler s'ilz ne sont requises y estre mises; toutesfois je veulx en gros déclairer ce qui advint durant deux ans en Ytalie et jusques à la mort du bon seigneur de Chaumont, gouverneur de Milan, auquel gouvernement succéda le gentil prince duc de Nemours, Gaston de Foix.

L'empereur demanda encores secours au roy de France pour la conqueste du Fryol que les Véniciens tenoient; c'est ung très bel et bon pays, et par là entre l'on en la Germanie par deux ou trois endroitz, et par l'ung bout en l'Esclavonnie. Sa demande luy fut accordée, et escripvit ledit seigneur à son lieutenant général ledit seigneur de Chaumont qu'il envoyast le seigneur de la Palisse oudit pays de Fryol, acompaigné de douze cens hommes d'armes et de huyt mille hommes de pied ; ce qui fut fait , et y alla avecques tout plain de gentilz cappitaines tant de cheval que de pied. Vous povez penser qu'il ne laissa pas le bon chevalier son parfait amy derrière. Hz trouvèrent l'armée de l'empereur à Véronne, si marchèrent ensemble. Pour lors et en ceste mesme armée estoit lieutenant pour l'empereur ung gentil-

homme aimant, qu'on nommoit messire Georges de Stin. Hz entrèrent bien avant et allèrent pour assiéger Trévize ; mais ilz n'y firent riens, et aux approches fut tué ung gaillart gentilhomme, le seigneur de Lorges, qui estoit alors lieutenant du cappitaine Bonnet, qui avoit mille hommes de pied , et en son lieu le fut ung sien jeune frère*, qui depuis a fait de belles choses. De là ilz tirèrent jusques sur le bort d'une rivière qu'on appelle la Pyave- et qui sépare le Fryol et le Trévizan, et y fut dessus fait ung pont sur bateaulx. Le bon chevalier et le cappitaine de Fontrailles passèrent oultre avecques leurs bendes. Or, depuis ung peu avoit le bon chevalier soubz sa charge cent hommes d'armes, dont le roy de France avoit fait don au gentil duc de Lorraine^, par condition que le bon chevalier les conduyroit comme son lieutenant. Mais pas mieulx ne demandoit le bon prince, car en tout le monde n'en eust sceu avoir de meilleur. Si allèrent ces deux vaillans cappitaines avecques quelques Almans devant Gradisque et devant Gorisse*, qui sont sur les confins de l'Esclavonnie ; toutesfois les Véniciens les tenoient. Ilz furent prinses et mises entre les mains de l'empereur, et puis s'en retour-

1. Jacques de Montgommery, s' de Lorges, capitaine des gardes du roi, colonel d'infanterie, fils de Robert de Montgommery. Le nom de son frère aîné qui fut tué devant Trévise nous est inconnu.

2. Piave, fleuve qui traverse la Vénétie et se jette dans l'Adriatique.

3. Antoine, duc de Lorraine, fils de René de Lorraine et de Philippe de Gueldres; il épousa Renée de Bourbon, et régna de 1508 à 1544.

4. Gradisca, province de Gorizia, en Vénétie. Gorizia, chef- lieu de la province de ce nom.

250 HISTOIRE DE BAYART

nèrent au camp , où ilz trouvèrent le seigneur de la Palisse qui avoit longuement demouré sans grans choses faire, par la mauvaise conduicte des gens de l'empereur; et si jamais povres gens de guerre n'eurent autant de mal, car ilz furent six jours durant sans manger pain ne boire vin, et assez d'autres nécessitez ilz eurent en ce malheureux voyage, de sorte que le roy de France y perdit plus de quatre mille hommes de pied de maladie et meschanceté^ et plus de cent hommes d'armes; et entre autres gens il y avoit environ deux mil cinq cens Grisons que, quant le pain leur faillit, mangèrent force raisins, car c'estoit ou moys de septembre. Ung flux de ventre les print, de façon qu'ilz mouroient cent par jour. Et fut une chose bien estrange que, des deux mil cinq cens, quant ilz retournèrent en leur pays n'estoient que deux. L'ung fist le cappitaine et l'autre portoit l'enseigne de sergens de bende pour faire tenir l'ordre : ilz demourèrent ou Fryol. Bref, de tous les gens que le seigneur de la Palisse avoit menez avecques luy n'en eust sceu mettre de sains trois cens hommes d'armes à cheval ne trois mille hommes à pied. Quant il veit ceste malheureté^, il s'en voulut retourner, que les gens de l'empereur ne trouvoient pas bon ; et y eut entre eulx de grosses parolles. Toutesfois il s'en vint jusques à ung lieu nommé Sainct-Boniface, c'est le village où les Véniciens en l'année précédente avoient si longuement tenu leur camp , et là firent séjour quelque peu, durant lequel ainsi que le seigneur du Ru, Bour-