Sçavoir mon, c'est à savoir
2. Nous n'avons pu découvrir quelle était cette dame ou cette demoiselle du Reffuge, objet de cette plaisanterie de Bavard à l'égard de la Palisse, qui ne devait plus être de la première jeunesse.
3. Jacques d'Alègre, s' de Viverols, tué à la bataille de Ravenne. Il était fils d'Yves d'Alègre.
coup de gentilzhommes en présence, lesquelz dirent à Jacquyn : « Cappitaine, vous avez tort ; vous voulez tirer du passe-temps de luy et luy dictes injure. » Alors il revint peu à peu et parla beaucoup plus doulcement, en luy disant : « Maistre, mon amy, si j'ay dit quelque folle paroUe, je te prie, pardonne-moy. » Il fîst tant qu'il le rapaisa, et puis luy monstra sa main, car ledit astrologue regardoit le visaige et les mains. Quant il eut veue celle de Jacquyn, il luy dist en son langaige : « Je te prie, ne me demandes riens, car je ne te diroye chose qui vaille. » Toute la compaignie qui estoit là se print à rire, et Jacquyn, bien marry de ce que les autres ryoient, dist encores à l'astrologue : « C'est tout ung, dis-moy que c'est. Je sçay bien que je ne suis pas cocu, car je ne n'ay point de femme. » Quant il se veit ainsi pressé, il luy dist : « Veulx-tu sçavoir de ton affaire? — Ouy, dist Jacquyn. Or, pense doncques à ton ame de bonne heure, dist l'astrologue, car devant qu'il soit trois moys, tu seras pendu et estranglé. » Et de rire par les escoutans de plus belle, lesquelz n'eussent jamais pensé que le cas adviensist; car il n'y avoit nulle apparence, pour ce qu'il estoit en crédit parmy les gens de pied, et aussi qu'ilz pensoient que le maistre l'eust dit pour ce que Jacquyn l'avoit du commencement injurié ; mais il ne fut riens si vray. Et comme on dit en ung commun proverbe : « Qui a à pendre ne peult noyer. » Je vous diray ce qui advint de luy. Deux ou trois jours après que le duc de Nemours fut arrivé au Fynal, qui est ung gros village au millieu duquel passe ung canal, qui va cheoir au Pau assez parfond, et y avoit ung pont de boys pour aller d'ung costé à l'autre, de jour
264 HISTOIRE DE BAYART
en jour, en ce canal arrivoient plus de cent barques qui venoient de Ferrare, et apportoient toutes manières de victuailles aux François. Ung jour par adventure que Jacquyn eut bien souppé, vint environ neuf heures de nuyt, à force torches et tabourins de Suysse, au logis de monseigneur de Moulart, son cappitaine, armé de toutes pièces, et monté sur ung fort beau coursier, en ordre comme ung Sainct-Georges, car de sa soulde ou du pillage il estoit très bien vestu, et a voit trois ou quatre grans chevaulx, espérant que après la guerre faillie se mettroit des ordonnances ^ Quant monseigneur de Molart le veiten ceste sorte et veu l'heure que c'estoit se print à rire, congnoissant bien que le malvesye^ luy avoit quelque peu troublé le cerveau. Si luy dist : « Comment, cappitaine Jacquyn, voulezvous laisser la picque? — Nenny non, dist-il, monseigneur ; mais je vous supplie, menez-moy au logis de monseigneur de Nemours, et que devant luy il me voye rompre ceste lance que je tiens, afin qu'il ait congnoissance si ung saulte-buysson ne courra pas ung boys aussi bien que ung haridelle^. » Le cappitaine Molart congneut bien que la matière valloit bien venir jusques à la fin, et que le seigneur duc de Nemours et toute la compaignie s'en pourroit resjouyr. Si mena Jacquyn, qui passa tout à cheval pardessus ce pont de boys qui traversoit le canal, car les gens de pied estoient logez d'ung costé et les gens de cheval de l'autre. Or, venu qu'il feust devant le logis du prince
