Le Malvesye, le vin de Malvoisie

3. C'est-à-dire si un fantassin ne fournira pas aussi bien une course à la lance qu'un cavalier.

duc de Nemours, qui desjà en est oit adverty, et descendu de sondit logis, ensemble la compaignie qui estoit avecques luy pour en avoir le passe-temps, quant ilz furent sur la rue, Jacquyn mieulxgarny de vin que d'autres choses, avecques force torches, en sorte qu'on y voyoit conmie en plein midy, se mist sur les rencs. Lors le duc de Nemours luy escrie : « Cappitaine Jacquyn, esse pour l'amour de vostre dame ou pour l'amour de moy que voulez rompre ceste lance? » Il respondit, en parlant de Dieu à la mode des aventuriers, que c'estoit pour l'amour de luy, et qu'il estoit honmie pour servir le roy à pied et à cheval. Si baissa la veue et fist sa course tellement quellement, mais il ne sceut rompre sa lance. Il recourut encores ung coup, mais il en fist autant, puis la tierce et quarte fois. Quant on veit qu'il ne faisoit autre chose, il fascha la compaignie et le laissa-on là. Bien ou mal fait par luy, se mist au retour à son logis le beau pas. Il avoit fort eschaufifé son cheval, et de sorte qu'il alloit tousjours saultelant, joinct aussi qu'il ne le menoit guères bien, luy donnant de l'espron sans propos, de façon que, quant il fut sur ce pont de boys, le chatoilloit tousjours. Il avoit ung peu pluvyné ^ , de sorte que en faisant par le cheval ung petit sault les quatre piedz luy vont fouyr^, et tumbèrent homme et cheval dedans le canal, où pour le moins y avoit demy-lance d'eaue. Ceulx qui estoient de sa compaignie s'escrièrent : « A l'ayde ! à l'ayde ! » D'en hault ne luy povoit-on donner secours, car ce canal