Tente, mèche en charpie

plusieurs ymaginacions , considérant en soy-mesmes que si son hoste la vouloit traicter à la rigueur et son mary il en tireroit dix ou douze mille escus, car ilz en avoient deux mille de rente. Si se délibéra luy faire quelque honneste présent, et qu'elle l'avoit congneu si homme de bien et de si gentil cueur que à son oppinion se contenteroit gracieusement. Le matin dont le bon chevalier devoit desloger après disner, son hostesse, avecques ung de ses serviteurs portant une petite boete d'acier, entra en sa chambre, où elle trouva qu'il se reposoit en une chaire après soy estre fort pourmené, pour tousjours peu à peu essayer sa jambe. Elle se gecta à deux genoulx , mais incontinent la releva et ne voulut jamais souffrir qu'elle dist une parolle que premier ne fust assise auprès de luy ; et puis commença son propos en ceste manière : « Monseigneur, la grâce que Dieu me fist, à la prise de ceste ville, de vous adresser en ceste vostre maison, ne me fut pas moindre que d'avoir sauvé la vie à mon mary, la myenne et de mes deux filles, avecques leur honneur qu'elles doivent avoir plus cher; et davantage, depuis que y arrivastes, ne m'a esté fait, ne au moindre de mes gens, une seulle injure, mais toute courtaysie, et n'ont pris voz gens des biens qu'ilz y ont trouvez la valleur d'ung quatrin^ sans payer. Monseigneur, je suis assez advertye que mon mary, moy, mes enfans et tous ceulx de la maison sommes voz prisonniers, pour en faire et disposer à vostre bon plaisir, ensemble des biens qui sont céans ; mais, congnoissant la noblesse de vostre cueur, à qui nul autre