Faire barbe, narguer

31 â HISTOIRE DE BAYART

la bataille, et croy qu'il m'en presseroit encores plus s'il sçavoit comment nous sommes abstrainctz* de vivres. Parquoy, ayant regard à toutes ces choses, me semble, pour le prouffit de nostre maistre et pour le nostre, que plus ne devons délayer^, mais avecques l'ayde de Dieu, qui y peult tout, aillons trouver noz ennemys. Si la fortune nous est bonne, nous l'en louerons et remercirons; si elle nous est contraire, sa voulenté soit faicte. De ma part et à mon souhait, povez assez penser que j'en désire le gaing pour nous, mais j'aymerois mieulx y mourir qu'elle feust perdue. Et si tant Dieu me veult oublier que je la perde, les ennemys seront bien lasches de me laisser vif, car je ne leur en donneray pas les occasions. Je vous ay icy tous assemblez afRn d'en prendre une occasion. » Le seigneur de la Palisse dist qu'il n'estoit riens plus certain qu'il failloit donner la bataille, et plustost se gecteroient hors de péril. De ceste mesme oppinion furent les seigneur de Lautrec, grant - séneschal de Normandie, grantescuyer de France^, le seigneur de Crussol, cappitaine Loys d'Ars et plusieurs autres, lesquelz prindrent conclusion, que le lendemain, qui estoit le jour de Pasques, yr oient trouver leurs ennemys. Si fut dressé ung pont de bateaulx sur ung petit canal qui estoit entre les deux armées, pour passer l'artillerie et les gens de pied, car des gens de cheval ilz