Délayer, retarder

3. Galeas de Saint-Séverin, gendre de Ludovic le More, duc de Milan; il fut grand écuyer de France de 1505 jusqu'à sa mort, arrivée à la bataille de Pavie (1524).

traversoient le canal bien à leur aise, parce que aux deux bortz on avoit fait des esplanades. Le bon chevalier sans paour et sans reprouche dist, présent toute la compagnie, qu'il seroit bon de faire l'ordonnance de la bataille sur l'heure, affin que chascun sceust où il deveroit estre, et qu'il avoit entendu par tout plain de prisonniers qui avoient esté au camp des Espaignolz qu'ilz ne faisoient que une troppe de tous leurs gens de pied et deux de leurs gens de cheval, et que sur cela se failloit renger ; les plus apparans de la compaignie dirent que c'estoit fort bien parlé et qu'il y failloit adviser sur l'heure; ce qui fut fait en ceste sorte : c'est que les lansquenetz et les gens de pied des cappitaines Molart, Bonnet, Maugiron, baron de Grantm.ont, Bardassan et autres cappitaines, jusques au nombre de dix mille hommes, marcher oient tous en une flote, et les deux mille Gascons du cappitaine Odet et du capdet de Duras à leur costé; lesquelz tous ensemble yroient eulx parquer à la portée d'ung canon des ennemys, et devant eulx seroit mise l'artillerie ; et puis à coup de canon, les ungs contre les autres, à qui premier sortiroit de son fort; car les Espaignolz se logeoient tousjours en lieu avantageux, comme assez entendrez. Joignant les gens de pied, seroient le duc de Ferrare et seigneur de la Palisse, chefz de l'avant-garde, avecques leurs compaignons ; et quant et eulx les gentilzhommes, soubz le grant séneschal de Normandie, le grant escuyer, le seigneur d'Ymbercourt, la Crote, le seigneur Théode de Trévolz, et autres cappitaines, jusques au nombre de huyt cens hommes d'armes, et ungpeu au-dessus, et viz-à-viz d'eulx, seroit le duc de Nemours avecques

314 HISTOIRE DE BAYART

sa compaignie, le seigneur de Lautrec son cousin, qui fist merveilles d'armes ce jour, le seigneur d'Alègre, le cappitaine Loys d'Ars, le bon chevalier et autres, jusques au nombre de quatre à cinq cens hommes d'armes ; et les gens de pied ytaliens , dont il y avoit quatre mille ou environ, soubz la charge de deux frères gentilzhommes de Plaisance, les contes Nicolle et Francisque Scot, du marquis Malespine^ et autres cappitaines ytaliens, demoureroient deçà le canal pour donner seureté au bagaige, de paour que ceulx de Ravenne ne sortissent. Et fut ordonné chief de tous les guydons le bastard duFay, qui passeroit le pont, et s'en donneroit garde^ jusques à ce qu'il feust mandé.

Les choses ainsi ordonnées et le lendemain matin venu, commencèrent premier à passer les lansquenetz. Quoy voyant par le gentil seigneur de Molart dist à ses rustres : « Gomment, compaignons, nous sera-il reprouché que les lansquenetz soient passez du costé des ennemys plustost que nous ? J'aymerois mieulx, quant à moy, avoir perdu ung œil. » Si commencea, parce que les lansquenetz occupoient le pont, à se mettre tout chaussé et vestu au beau gué dedans l'eaue et ses gens après. Et fault sçavoir que l'eaue n'estoit point si peu profonde qu'ilz n'y feussent jusques au-dessus du cul ; et firent si bonne diligence

1. Nicolas et François Scotti étaient d'une noble famille de Milan.

Alberic Malaspina, marquis de Massa et Garrara, fils de Jacques Malaspina et de Thadée Pic de la Mirandole ; il épousa Lucrèce d'Este-Ferrare.