Enhortant, exhortant

retraicte, laquelle faicte, fist encores tirer dix ou douze coups d'artillerie, faisant myne qu'il vouloit agrandir la berche, mais il avoit autre chose en pensée ; car cependant qu'on tiroit l'artillerie, vint à ung de ses hommes d'armes, fort gentil compaignon, qu'on nommoit Petit Jehan de la Vergue ^ auquel il dist : « La Vergue, si vous voulez, ferez ung bon service et qui vous sera rémunéré. Voyez vous bien ceste grosse tour qui est au coing de ce chasteau; quant vous verrez que je feray recommencer l'assault, prenez deux ou trois eschelles, et, avecques trente ou quarante hommes, essayez de monter en ceste tour, car, sur ma vie ! n'y trouverrez personne pour la deffendre; et si vous n'entrez en la place par là, dictes mal de moy. » L'autre entendit très bien le conunandement. Si ne demoura guères que l'assault ne feust recommencé plus âpre que devant, où tous ceulx de la place vindrent pour defïendre la berche, et n'avoient regard ailleurs, car ilz n'eussent jamais pensé qu'on eust entré par autre lieu, dont ilz furent trompez; car La Vergue fist très bien sa charge, et, sans estre d'eulx apperceu, dressa ses eschelles, par lesquelles il monta dedans ceste tour, et plus de cinquante compaignons avecques luy, lesquelz ne furent jamais veuz des ennemys qu'ilz ne feussent dedans la place, où ilz crièrent : « France, France ! Navarre, Navarre ! » et vindrent ruer par le derrière sur ceulx qui estoient à defifendre la berche, qui pour estre surpris furent estonnez à merveilles. Toutesfois ilz

1. Jean de la Vergne, s' de la Valette, fils d'Antoine, s' de Tressan. Il paraît dans la montre de la compagnie de Bayart sous le nom- de Jean de la Bergnie.

346 HISTOIRE DE BAYART

se mirent en deffence et firent devoir de bien combatre; mais leur prouesse ne leur servit de guères, car les assaillans entrèrent dedans, qui misrent tout en pièces, ou peut s'en faillit, et fut toute la place courue^ et pillée.

Ce fait, le bon chevalier y laissa ung des gentilzhommes du roy de Navarre, avecques quelques compaignons, puis se mist au retour droit au camp. Ainsi qu'il vouloit partir, deux ou trois cappitaines des lansquenetz vindrent devers luy, et par leur truchement luy firent dire qu'il leur tiensist sa promesse, de leur faire bailler double paye, et que la place avoit esté prise. De ce propos fut le bon chevalier si fort fasché que merveilles , et respondit tout courroucé au truchement : « Dictes à voz coquins de lansquenetz que je leur ferois plus tost bailler chascun ung licol pour les pendre. Les meschans qu'ilz sont n'ont jamais voulu aller à l'assault, et ilz demandent double paye ! J'en parleray à monseigneur de la Palisse et à monseigneur de SufFoc% leur cappitaine général, mais ce sera pour les faire casser; ilz ne vallent pas putains. » Le truchement leur dist le propos, et incontinent commencèrent ung bruit merveilleux ; mais le bon chevalier fist sonner à l'estendart et assembla ses gens d'armes et adventuriers, de façon que s'ilz eussent fait semblant de rien, estoit délibéré de les mettre en pièces. Hz s'appaisèrent