Courue, envahie

2. Richard Poole, duc de Suffolk, commandant de six mille lansquenets et surnommé la Rose-Blanche. Il était fils de Jean Poole et d'Elisabeth d'Angleterre et fut tué à la bataille de Pavie (1524) au service de la France.

petit à petit et s'en vindrent au camp devant Pampeîune, en troppe comme les autres. Il fault faire icy ung petit discours pour rire.

Quant le bon chevalier fut arrivé, eut grant chère du roy de Navarre, du seigneur de la Palisse, du duc de Suffoc , et de tous les cappitaines, ausquelz il compta la manière de faire des lansquenetz, dont il y eut assez ris. Le soir il donna à soupper à tout plain de cappitaines, et entre autres y estoit le duc de Suffoc, cappitaine général de tous les lansquenetz qui estoient au camp, dont il y avoit six ou sept mille. Ainsi qu'ilz achevoient de soupper, va arriver ung lansquenet qui avoit assez bien beu, et quant il entra ne sçavoit qu'il devoit dire, sinon qu'il cherchoit le cappitaine Bayart pour le tuer, pour ce qu'il ne leur vouloit point faire bailler d'argent. Il parloit quelque peu de françois et assez mauvais. Le cappitaine Pierrepont l'entendit, qui dist au bon chevalier en ryant : « Monseigneur, vecy ung lansquenet qui vous cherche pour vous tuer. » Cestoit la plus joyeuse et récréative personne qu'on eust sceu trouver. Si se leva de table, l'espée au poing, et s'adressa au lansquenet en luy disant : « Esse-vous qui voulez tuer le cappitaine Bayart ? Le vecy, defifendez-vous. » Le povre lansquenet, quelque yvre qu'il feust, eut belle paour, et respondit en assez mauvais langaige. « Ce n'est pas moy qui veulx tuer le cappitaine Bayart tout seul, mais ce sont tous les lansquenetz. — Ha! sur mon ame ! dist le bon chevalier qui pasmoit de rire, je le quicte , et ne suis point délibéré moy seul de combatre sept mille lansquenetz. Appoinctement, compaignon, pour l'amour de Dieu! »

348 HISTOIRE DE BAYART

Toute la compaignie se print si très fort à rire du propos que merveilles, et fut assis à table le lansquenet viz-à-viz du bon chevalier, qui le fist achever d'abiller^ comme il estoit commencé, de sorte que, avant qu'il partist de là, promist que tant qu'il vivroit deffendroit le cappitaine Bayart envers et contre tous, et jura qu'il estoit homme de bien et qu'il avoit bon vin. Le roy de Navarre et le seigneur de la Palisse le sceurent le soir, qui en rirent comme les autres.

Le lendemain de l'arrivée du bon chevalier, commença l'artillerie à tirer contre la ville de Pampelune, qui fut batue assez bien , et y voulut-on donner l'assault, qui fut essayé; mais si bien se deffendirent ceulx de dedans qu'on la laissa là, et y eurent les François grosse' perte. Dedans estoit ce gentil chevalier espaignol que l'on nommoit l'alcado de las Donzelles. Ce fut ung voyage assez malheureux ; car les François à leur entrée en Navarre gastèrent et dissipèrent tous les biens, rompirent les moulins et firent beaucoup d'autres choses, dont ilz eurent depuis grande indigence; car la famine y fut si grosse que plusieurs gens en moururent , et si n'y eut jamais en armée si grande nécessité de souliers, car une meschante paire pour ung lacatz^ coustoit ung escu. Brief, tous ses malheurs assemblez, et aussi que le duc de Nagère estoit arrivé au Pont-la-Reyne, près de Pampelune, avecques ung secours de huyt ou dix mille hommes, fut le roy de Navarre conseillé par le seigneur de la Palisse et tous les cappitaines de se retirer jusques