Lacatz, laquais
à une autre saison. Si fut levé le siège en plain jour de devant Pampelune, et l'artillerie mise à chemin ; mais peu de journées fut conduicte, car les montaignes par où elle devoit passer estoient trop estranges. Si furent contrainctz les François, après que à force de gens et d'argent l'eurent menée trois journées, la laisser au pied d'une montaigne où ilz la rompirent; au moins la misrent en sorte que leurs ennemys ne s'en feussent sceu ayder.
Il fault entendre que , au repasser des montaignes Pirénées , y eust de grandes povretez par le deffault des vivres, et si n'estoit heure au jour qu'il n'y eust alarme chault et aspre. Le duc de SufFoc, dit la Blanche Roze, cappitaine général des lansquenetz, y estoit, qui grande et parfaicte amytié avoit avecques le bon chevalier. Ung jour qu'il avoit tant travaillé que plus n'en povoit, car toute ceste journée n'avoit beu ne mangé , ainsi qu'on se vouloit retirer d'une escarmouche, sur le soir bien tard vint trouver icelluy bon chevalier, auquel il dist : « Cappitaine Bayart, mon amy, je meurs de fain; je vous prie, donnez-moy aujourd'huy à soupper, car mes gens m'ont dit qu'il n'y a riens à mon logis. » Le bon chevalier, qui ne s'estonna jamais de riens, respondit : « Ouy vrayement, monseigneur, et si serez bien traicté. » Puis devant luy appella son maistre d'hostel, auquel il dist : « Monseigneur de Myheu^ allez devant faire haster le soup-
4. Imbert de Vaux, s' de Milieu, gentilhomme dauphinois. Il fut tué au siège de Mézières (1521).
350 HISTOIRE DE BAYART
per, et que nous soyons ayses comme dedans Paris. » De laquelle parolle le duc de Suffort rist ung quart d'heure, car desjà y avoit deux jours qu'ilz ne mangeoient que du pain de milet.
Bien vous asseure que sans perdre gens que de famyne les Françoys firent une aussi belle retraicte que gens de guerre firent oncques, et sur tous y acquist ung merveilleux honneur le bon chevalier, qui tousjours demoura sur la queue tant que le dangier fust passé; car voulentiers luy a l'on tousjours fait cest honneur aux affaires, qu'en allant a tousjours esté mis des premiers et aux retraictes des derniers. Bien joyeulx furent les François quant par leurs journées eurent gaigné Bayonne, car ilz mangèrent à leur ayse; mais plusieurs gens de pied qui estoient affamez mangèrent tant qu'il en mourut tout plain; ce fust ung assez fascheux voyage.
En ceste année mourut le pape Julles, ce bon François*, et fut eslu en son lieu le cardinal de Médicis, pape Léon nommé. Il vint aussi en la coste de Bretaigne quelque armée des Angloys, qui ne firent pas grant chose. Ung jour, entre les autres, ung gros navire d'Angleterre dicte la Régente, et une nef de la royne de France, duchesse de Bretaigne, nommée la Cordelière, se trouvèrent et s'acrochèrent pour combatre. Durant le combat, quelc'un gecta du feu dedans l'une des nefz; mais finablement furent toutes deux bruslées. Les Anglois y firent grosse et lourde perte, car sur ladicte Régente y avoit gros nombre de gentilzhommes, qui
