CHAPITRE LVII

Comment le roy Henry d'Angleterre descendit en France et comment il mist le siège devant Thérouenne. D'une bataille dicte la Journée des Espérons, où le bon chevalier fist merveilles d'armes et gros services en France.

En l'an mil cinq cens et treize, vers le commencement, le roy de France renvoya une armée en Ytalie soubz la charge de la Trimoille. Jà avoit esté fait l'appoinctement entre le roy de France et les Véniciens qui y portoient faveur; toutesfois le cas alla assez mal pour les François, car ilz perdirent une journée contre les Suysses , et y furent les enfans de messire Robert de la Marche, qui avoient charge de lansquenetz, quasi laissez pour mors, et les alla quérir leur père dedans ung fossé ^. Si convint encores aux Françoys habandonner la Lombardie pour ceste année. A leur retour fut adverty le roy de France comment Henry, roy d'Angleterre, alyé de l'empereur Maximilian, estoit descendu à Calays avecques

1 . La flotte française était sous les ordres de Hervé Portzmoguer, dit Primauguet, amiral breton; plus de deux mille hommes périrent par le feu sur les deux navires amiraux enflammés. Voir sur Primauguet un intéressant article de M. Jal dans son Dictionnaire de biographie et d'histoire.

2. Voir pour les détails de cette bataille de Novare ou de Tracas le chap. xxxvii des Mémoires de Fleuranges.

352 HISTOIRE DE BAYART

grosse puissance pour entrer en son pays de Picardie, ouquel pour y résister envoya incontinent grosse puissance et fist son lieutenant général le seigneur de Pyennes^, gouverneur oudit pays. Les Angloys, entrez qu'ilz feussent en la campaigne de pleine arrivée, allèrent planter le siège devant la ville de Théroenne, qui estoit bonne et forte, où pour icelle garder estoient commis deux très hardiz et gaillars gentilzhommes, l'ung le seigneur de Théligny, séneschal de Rouergue, cappitaine saige et asseuré, et ung autre du pays mesmes, appelle le seigneur de Pontdormy^, avecques leurs compaignies, quelques aventuriers françoys, avecques aucuns lansquenetz soubz la charge d'ung cappitaine Brandec. Hz estoient tous gens de guerre et pour bien garder la ville longuement s'ilz eussent eu vivres ; mais ordinairement en France ne se font pas voulentiers les provisions de saison ne de raison. Le siège assis par les Anglois devant ladicte ville de Théroenne, commencèrent à la canonner; encores n'y estoit pas la personne du roy d'Angleterre ; ains, pour ses lieutenans y estoient le duc de Suffoc, messire Charles Brandon % et le cappi-

1. Philippe de Hallwyn, seigneur de Piennes, gouverneur de Picardie. Il était fils de Louis de Halwyn et de Jeanne de Ghistelles, il épousa Françoise de Bourgogne et mourut vers 1517.

2. Antoine de Créqui, seigneur de Pont-de-Remy, dit Pondormy, bailli d'Amiens, fils de Jean de Créqui, seigneur de Ganaples, et de Françoise de Rubempré. Il épousa Jeanne de Saveuse et fut tué au siège d'Hesdin (1521).

3. Charles Brandon, favori de Henri VIII, qui le créa duc de Suffolk après avoir dépouillé la famille des Poole, ducs de Suffolk, de ses titres et de ses biens. Il épousa la veuve de Louis XII, et après la mort de cette princesse se remaria pour la quatrième fois.

taine Talbot^ Mais peu de jours après y arriva, qui ne fut pas sans avoir une grande frayeur, entre Calays et son siège de Théroenne, auprès d'ung village dit Tournehan^, car bien cuyda là estre combatu par les François, qui estoient en nombre de douze cens honïmes d'armes tous bien délibérez; mais avecques eulx n'avoient pour l'heure nulz de leurs gens de pied, qui leur fut gros malheur; et luy par le contraire n'avoit nulz gens de cheval, mais environ douze mille hommes de pied, duquel nombre estoient quatre mille lansquenetz. Si s'approchèrent les deux armées à une portée de canon l'une de l'autre. Quoy voyant par le roy d'Angleterre eut paour d'estre trahy, si descendit à pied et se mist au meillieu des lansquenetz. Les François vouloient donner dedans, et mesmement le bon chevalier, qui dist au seigneur de Piennes plusieurs fois : < Monseigneur, chargeonsles ; il ne nous en peult advenir dommage sinon bien peu, car si à la première charge les ouvrons, ilz sont rompuz; s'ilz nous repoussent, nous nous retirerons tousjours; ilz sont à pied et nous à cheval. » Quasi tous les François furent de ceste oppinion ; mais ledit seigneur de Piennes disoit : « Messeigneurs, j'ay charge sur ma vie du roy nostre maistre de ne riens bazarder, mais seullement garder son pays ; faictes ce qu'il vous plaira, mais de ma part je ne m'y consentiray point. » Ainsi demoura ceste chose, et passa le

1. Georges Talbot, comte de Shrewsbury, autre favori de Henri VIII; il était fils de Jean Talbot et de Catherine Straffort. Il épousa Anne Hastings, puis Elisabeth Walden de Erithe , et mourut en 1541.