Tournehem (Pas-de-Calais

354 HISTOIRE DE BAYART

roy d'Angleterre et sa bende au nez des François. Le bon chevalier, qui envis eust laissé départir la chose en ceste sorte ^ , va donner sur la queue avecques sa compaignie, et les fîst serrer si bien qu'il leur convint habandonner une pièce d'artillerie dicte Saint-Jehan; et en avoit le roy d'Angleterre encores unze autres de ceste façon, et les appelloit ses douze apostres ; ceste pièce fut gaignée et amenée au camp des François.

Quant le roy d'Angleterre fut arrivé au siège de Théroenne avecques ses gens, ne fault pas demander s'il y eut joye démenée, car il estoit gaillart prince et assez libéral. Trois ou quatre jours après arriva l'empereur Maximilian avecques quelque nombre de Hennuyers et de Bourguignons; si se firent les princes grant chère l'ung l'autre. Après ce furent faictes les approuches devant la ville et icelle canonnée furieusement. Ceulx de dedans respondoient de mesmes et faisoient leurs rampars au mieulx qu'ilz povoient, mais sans doubte ilz avoient nécessité de vivres. Le roy de France estoit marché jusques à Amyens, lequel mandoit tous les jours à son lieutenant général le seigneur de Piennes que, à quelque péril que ce feust, on advitaillast Théroenne. Gela ne se povoit faire sans grant hazart, car elle estoit toute enclose d'ennemys; toutesfois, pour complaire au maistre, fut conclud qu'on yroit avecques toute la gendarmerie dresser ung alarme au camp, et cependant que quelques-ungs ordonnez à porter des lartz

1 . Qui envis eust laissé départir la chose en ceste sorte, qui eut bien malgré lui laissé la chose se terminer ainsi.

pour mettre dedans la ville les yroient gecter dedans les fossez et que après ceulx de la garnison les retireroient assez. Si fut pris le jour d'exécuter ceste entreprinse dont le roy d'Angleterre et l'empereur furent advertiz, comme povez entendre par quelques espies dont assez s'en trouve parmy les armées et y en avoit alors de doubles qui faignoient estre bons François et ilz estoient du contraire party.

Le jour ainsi ordonné d'aller advitailler la ville de Théroenne montèrent les cappitaines du roy de France à cheval avecques leurs gensdarmes. Dès le poinct du jour le roy d'Angleterre qui sçavoit ceste entreprinse avoit fait mectre au hault d'ung tertre dix ou douze mille archiers anglois et quatre ou cinq mille lansquenetz avecques huyt ou dix pièces d'artillerie, affin que, quant les François seroient passez oultre, ilz descendissent et leur couppassent chemin ; et par le devant avoit ordonné tous les gens de cheval, tant Anglois, Bourguignons que Hennuyers, pour les assaillir. Il fault entendre une chose , que peu de gens ont sceu , et qui ont donné blasme de ceste journée aux gentilzhommes de France à grant tort ; c'est que tous les cappitaines françois déclarèrent à leurs gens d'armes que ceste course qu'ilz faisoient estoit seulement pour refreschir ceulx de Théroenne et qu'ilz ne vouloient aucunement combatre, de sorte que s'ilz rencontroient les ennemys en grosse troppe, ilz vouloient qu'ilz retournassent au pas, et s'ilz estoient pressez, du pas au trot, et du trot au galop, car ilz ne vouloient riens bazarder. Or, commencèrent à marcher les François et approchèrent la ville de Théroenne d'une lieue près et plus, où commença l'escarmouche

356 HISTOIRE DE BAYART

forte et rudde. Et très bien fist son devoir la gendarmerie françoise jusques à ce qu'ilz vont veoir sur le costeau ceste grosse troppe de gens de pied en deux bendes, qui estoient marchez plus avant qu'ilz n'estoient et vouloient descendre pour les enclorre ; quoy voyant fut la retraicte sonnée par les trompettes des François. Les gensdarmes, qui avoient leur leçon de leurs cappitaines, se misrent le grant pas au retour ; ilz furent pressez et allèrent le trot, puis au grant galop, tellement que les premiers se vindrent gecter sur le seigneur de la Palisse, qui estoit en la bataille avec le duc de Longueville^ en si grande fureur qu'ilz misrent tout en désordre. Les chassans qui très bien poursuyvoient leur pointe, voyant si povre conduite, poussèrent tousjours oultre tellement qu'ilz firent du tout tourner le doz aux François. Le seigneur de la Palice et plusieurs autres y firent plus que leur debvoir, et cryoient à haulte voix : « Tourne, homme d'armes, tourne; ce n'est riens. » Mais cela ne servoit de riens, ains chascun taschoit de venir gaigner leur camp où estoit demourée l'artillerie et les gens de pied. En ce grant désordre fut prins prisonnier le duc de Longue ville et plusieurs autres, comme le seigneur de la Palice, mais il eschappa des mains de ceulx qui l'avoient pris^. Le bon chevalier sans

1 . Louis I, marquis de Rothelin, puis duc de Longueville, fils de François I, comte de Dunois et de Longueville, et d'Agnès de Savoie. Il fut grand chambellan, gouverneur de Provence, et mourut en 1516. Il avait épousé Jeanne de Hochberg.

2. Parce que les espérons servirent plus que l'espée, fut nommée la journée des espérons. En ladicte roupte furent pris le duc Louis de Longueville, le seigneur de la Palice (mais ils furent rescous), le capitaine Bayard, le seigneur de Glermont d'Anjou,

paour et sans reproche se retiroit à grant regret et tousjours tournoit sur ses ennemys menu et souvent, avecques quatorze ou quinze hommes d'armes qui estoient demeurez auprès de luy. Si vint en se retirant à trouver ung petit pont où il ne pouvoit passer que deux hommes à cheval de fronc, et y avoit ung gros fossé plain d'eaue, qui venoit de plus de demyelieue loing et alloit à bien demy-quart de lieue plus bas faire mouldre ung moulin. Quant il fut sur ce pont, il dist à ceulx quy estoient avecques luy : « Messeigneurs, arrestons-nous icy, car d'une heure noz ennemys ne gaigneront ce pont sur nous ; » et puis il appela ung de ses archiers auquel il dist : « Allez vistement à nostre camp et dictes à monseigneur de la Palice que j'ay arresté les ennemys sur le cul, du moins d'icy à demye-heure, et que cependant il face chascun mettre en bataille et qu'on ne s'espovente point, ains qu'il me semble qu'il doibt tout bellement marcher en çà; car si les gens ainsi desroyez poussoient jusques là , ilz se trouveroient defifaictz. » L'archer va droit au camp, et laissa le bon chevalier, avecques si peu de gens qu'il avoit, gardant ce petit pont où il fîst d'armes le possible. Les Bourguignons et Hennuyers y vindrent; mais là convint-il combatre, car bonnement ne povoient passer à leur aise, et l'arrest qu'ilz firent là donna loysir aux François qui estoient retournez en leur camp d'eulx mettre en ordre et en defîense si besoing en eust esté. Quant les Bourguignons veirent que si

lieutenant de Monsieur d'Angoulesme , le seigneur de Bussy d'Amboise et plusieurs autres tant cappitaines que soldats (Du Bellay, Mémoires, liv. D.

peu de gens leur faisoient barbe, commencèrent à crier qu'on fist venir des archiers en diligence, et aucuns d'eulx les allèrent haster. Cependant plus de deux cens chevaulx chevauchèrent le long de ce ruysseau et allèrent trouver le moulin où ilz passèrent. Ainsi fut encloz le bon chevalier des deux costez, lequel dist à ses gens : « Messeigneurs, rendons-nous à ces gentilzhommes, car nostre prouesse ne nous serviroit de riens. Noz chevaulx sont recreuz; ilz sont dix contre ung ; noz gens sont à trois lieues d'icy ; et si nous attendons encores ung peu, et les archiers anglois arrivent, ilz nous mettront en pièces. » Sur ces paroUes vont arriver ces Bourguignons et Hennuyers, crians : « Bourgongne ! Bourgongne ! » et firent grosse envahye sur les François qui , pour n'avoir moyen d'eulx plus deffendre, se rendoient l'ung çà et l'autre là, aux plus apparens. Et ainsi que chascun taschoit à prendre son prisonnier, le bon chevalier va adviser ung gentilhomme bien en ordre soubz de petitz arbres, lequel, pour la grande et extresme chaleur qu'il avoit, de façon qu'il n'en povoit plus, avoit osté son armet, etestoit tellement affligé^ et travaillé qu'il ne se daignoit amuser aux prisonniers. Si picqua son cheval droit à luy, l'espée au poing qu'il luy vient mettre sur la gorge, en luy disant : « Rendz-toy, homme d'armes, ou tu es mort. » Qui fut bien esbahy? ce fut le gentilhomme, car il pensoit bien que tout feust prins. Toutesfois il eut paour de mourir, et dist : « Je me rends doncques, puisque prins suis en ceste sorte. Qui estes-vous? — Je suis, dist