Affligé, épuisé

le bon chevalier, le cappitaine Bavard, qui me rends à vous ; et tenez mon espée, vous supliant que vostre plaisir soit moy emmener avecques vous ; mais une courtoysie me ferez ; si nous trouvons des Anglois en chemin qui nous voulsissent tuer, vous me la rendrez. » Ce que le gentilhomme luy promist , et le luy tint, car en tirant au camp, convint à tous deux jouer des cousteaulx contre aucuns Anglois qui vouloient tuer les prisonniers, où ilz ne gaignèrent riens.

Or, fut le bon chevalier mené au camp du roy d'Angleterre, en la tente de ce gentilhomine qui luy fist très bonne chère pour trois ou quatre jours; au cinquiesme le bon chevalier luy dist : « Mon gentilhomme, je vouldrois bien que me voulsissiez faire mener seurement au camp du roy mon maistre, car il m'ennuye desjà icy. — Comment, dist l'autre, encores n'avons-nous point ad visé de vostre rançon. — De ma rançon? dist le bon chevalier, mais à moy de la vostre, car vous estes mon prisonnier; et si depuis que j'euz vostre foy me suis rendu à vous, ce a esté pour me sauver la vie et non autrement. » Qui fut bien estonné? ce fust le gentilhomme, car encores luy dist plus le bon chevalier : « Ce fut^ mon gentilhomme ; où ne me tiendrez promesse, je suis asseuré qu'en quelque sorte j'eschapperay, mais croyez après que j'auray le combat à vous. » Ce gentilhomme ne sçavoit que respondre, car il avoit assez ouy parler du cappitaine Bayart, et de combat n'en vouloit pas ; toutesfois il estoit assez courtoys chevalier, et enfin dist : « Monseigneur de Bayart, je ne vous veulx faire