Ce fut, cela s'est passé ainsi

360 HISTOIRE DE BAYART

que la raison ; j'en croiray les cappitaines. » Il fault entendre qu'on ne sceut si bien celer le bon chevalier qu'il ne feust sceu parmy le camp ; et sembloit advis, à ouyr parler les ennemys, qu'ilz eussent gaigné une bataille. L'empereur l'envoya quérir, et fut mené à son logis, qui luy fist une grande et merveilleuse chère, en luy disant : « Cappitaine Bayart, mon amy, j'ay très grant joye de vous veoir; que pleust à Dieu que j'eusse beaucoup de telz hommes que vous ; je croy que avant qu'il feust guères de temps je me sçaurois bien venger des bons tours que le roy vostre maistre et les François m'ont faiz par le passé. » Encore luy dist-il en riant : « 11 me semble, monseigneur de Bayart, que autresfois avons esté à la guerre ensemble, et m'est advis qu'on disoit dans ce tempslà que Bayard ne fuyoit jamais. » A quoy le bon chevalier respondit : « Sire, si j'eusse fuy, je ne feusse pas icy. » En ces entrefaictes arriva le roy d'Angleterre, à qui fist congnoistre le bon chevalier, qui luy fist fort bonne chère et il luy fist la révérence comme à tel prince appartenoit. Si commencèrent à parler de ceste retraicte, et disoit le roy d'Angleterre que jamais n'avoit veu gens si bien fuyr et en si gros nombre que les François qui n'estoient chassez que de quatre à cinq cens chevaulx ; et en parloient en assez povre façon l'empereur et luy. « Sur mon ame ! dist le bon chevaher, la gendarmerie de France n'en doit aucunement estre blasmée, car ilz avoient exprès commandement de leurs cappitaines de ne combatre point, parce qu'on se doubtoit bien, si veniez au combat, amèneriez toute vostre puissance, comme avez fait, et nous n'avions ne gens de pied ny artille-

rie. Et jà sçavez, haulx et puissans seigneurs, que la noblesse de France est renommée par tout le monde. Je ne dis pas que je doive estre du nombre. — Vrayement, dist le roy d'Angleterre, monseigneur de Bayart, si tous estoient voz semblables, le siège que j'ay mis devant ceste ville me seroit bientost levé; mais quoy que ce soit, vous estes prisonnier. — Sire, dist le bon chevalier, je ne le confesse pas, et en vouldrois bien croire l'empereur et vous. » Là présent estoit le gentilhomme qui l'avoit amené et à qui il s'estoit rendu depuis qu'il avoit eu sa foy. Si compta tout le faict ainsi que cy-dessus est récité; à quoy le gentilhomme ne contredit en riens, ains dist : « Il est vray ainsi que le seigneur de Bayart le compte. î» L'empereur et le roy d'Angleterre se regardèrent l'ung l'autre; puis commença à parler l'empereur, et dist que à son oppinion le cappitaine Bayart n'estoit point prisonnier, mais plustost le seroit le gentilhomme de luy. Toutesfois, pour la courtoysie qu'il luy avoit faicte, demoureroient quictes l'ung envers l'autre de leur foy, et le bon chevalier s'en pourroit aller quant bon sembleroit au roy d'Angleterre*, lequel dist qu'il estoit bien de son oppinion, et que s'il vouloit demourer six sepmaines sur sa foy sans porter armes, que après luy donnoit congé de s'en retourner, et que cependant il allast veoir les villes de Flandres. De ceste gracieuseté remercia le bon chevalier très-humblement l'empereur et le roy d'Angleterre, puis s'en alla esbatre par

1. Suivant Ghampier, dont le récit (f. xLin) diffère sensiblement de celui du Loyal serviteur, l'empereur fixa la rançon de Bayart à mille écus que celui-ci paya avant de rentrer en France.

362 HISTOIRE DE BAYART

le pays jusques au jour qu'il avoit promis. Le roy d'Angleterre durant ce temps le fist praticquer pour estre à son service, luy faisant présenter beaucoup de biens ; mais il perdit sa peine, car son cueur estoit du tout Françoise Or, fault entendre une chose que, combien que le bon chevalier n'eust pas de grans biens, homme son pareil ne s'est trouvé de son temps qui ait tenu meilleure maison que luy ; et tant qu'il fut es pays de l'empereur, la tint opulentement aux Hennuyers et Bourgongnons. Et néantmoins que le vin y soit fort cher, si ne leur failloit-il riens quant ilz s'alloient coucher; et fut tel jour qu'il despendit vingt escus en vin. Plusieurs eussent bien voulu qu'il n'en feust jamais party ; toutesfois il s'en retourna en France quant il eut achevé son terme , et fut conduit et très bien accompaigné jusques à trois lieues du pays de son maistre.

Quelques jours demourèrent l'empereur et le roy d'Angleterre devant Théroenne, qui enfin se rendit faulte de vivres ; et fut la composition : que les cappitaines et gens de guerre sortiroient, vies et bagues sauves, et que mal ne seroit faict aux habitans de la ville , ni icelle desmolie. Ce qu'on promist aux gens de guerre fut bien tenu, mais non pas à ceulx de la ville, car le roy d'Angleterre

1. Le roi d'Angleterre ne fut pas le seul prince qui chercha à s'attacher Bayart : « Au retour de Garillan, écrit Ghampier, le pappe Julles II voulut faire capitaine de l'Église le noble chevalier Bayard, mais oncques ne le voulut accepter; si respondit qu'il remercioit le pappe de son bon vouloir grandement, mais qu'il avoit un seigneur au ciel et un autre en terre. G'estoit Dieu au ciel et le roy de France en terre et que autre ne serviroit en ce monde. Dont fut très desplaisant le pappe Jules. »

fist abatre les murailles et mettre le feu en plusieurs lieux, qui fut grosse pitié; toutesfois, depuis, les François la remisrent en bonne ordre et plus forte que jamais. De là levèrent leur siège l'empereur et le roy d'Angleterre et l'allèrent planter devant la ville de Tournay, qui se feust assez deffendue si les habitans eussent voulu accepter le secours des François qu'on leur vouloit bailler; mais ilz dirent qu'ilz se defiendroient bien d'eulx-mesmes, dont mal leur en print, car leur ville fut prinse et mise es mains du roy d'Angleterre qui la fortifïîa à merveilles. L'y ver estoit desjà avancé, parquoy fut l'armée rompue, et se retira le roy d'Angleterre en son royaulme et l'empereur en Almaigne. Pareillement le camp du roy de France se defïist , et se logea l'on par les garnisons sur les frontières de Picardie.

Il fault sçavoir une chose qui est digne d'estre mis par escript; c'est que, durant le camp du roy d'Angleterre et de l'empereur en Picardie, les Suysses, ennemys pour lors du roy de France, le seigneur du Vergy', et plusieurs lansquenetz, en nombre de bien trente mille hommes de guerre, descendirent en Bourgongne, où gouverneur estoit le vertueux seigneur de la Trimoille, qui pour l'heure estoit au pays ; et pour n'avoir puissance à les combatre aux champs, fut contrainct se retirer dedans Dyjon, devant laquelle ville il espéroit arrester ceste

1 . Guillaume de Vergi, seigneur de Vergi, baron de Bourbon- Lanci, maréchal de Bourgogne, fils de Jean de Vergi et de Paule de Miolans; il épousa Marguerite de Vergi, sa cousine, puis Anne de Rochechouart-Mortemart, et mourut en 1520.

grosse armée, qui peu après y vint mettre le siège en deux lieux, et icelluy assis, la canonnèrent furieusement. Le bon seigneur de la Trimoille faisoit son devoir en ce qui estoit possible, et luy-mesmes jour et nuyt estoit aux rempars; mais quant il veit les berches faictes, et si mal garny de gens de guerre qu'il estoit, congneut à l'œil que la ville s'en alloit perdue, et par conséquent le royaulme de France en gros dangier, car si Dyjon eust esté prins ilz feussent allez jusques à Paris. Si fist secrètement traicter avecques les Suysses, et leur fist faire plusieurs belles remonstrances des biens et honneurs qu'ilz avoient receuz de la maison de France, et qu'il espéroit qu'en brief seroient encores amys plus que jamais, et que, quant ilz entendroient bien leurs affaires, la ruyne de la maison de France estoit à leur grant désavantage. Hz entendirent à ces propos, et encores sur sauf-conduit furent d'accord qu'il allast parler à eulx, ce qu'il fist; et si bien les mena et de si belles parolies, aussi moyennant certaine grosse somme de deniers qu'il leur promist (pour seureté de laquelle leur bailla pour hostaiges son nepveu le seigneur de Maizières, le seigneur de Rochefort, filz du chancelier de France S et plusieurs bourgeois de la ville) qu'ilz s'en retour-

1, René d'Anjou, sieur de Mézières, né en 1483, fils de Louis d'Anjou et d'Anne de la Trémouille; il épousa Antoinette de Ghabannes et mourut vers i 521 .

Jean de Rochefort, seigneur de Pleuvant, bailli de Dijon, écuyer du roi, ambassadeur à Rome et à Venise, fils de Guy de Rochefort, chancelier de France, et de Marie Chambellan; il épousa Antoinette de Ghâteauneuf et mourut en 1536.

nèrent. De ceste composition fut blasmé ledit seigneur de la Trimoille de plusieurs ; mais ce fut à grant tort, car jamais homme ne fist si grant service en France pour ung jour que quant il fist retourner les Suysses de devant Dyjon; et depuis l'a-on bien congneu en plusieurs manières ^

Le bon roy Loys douziesme, en ceste année mil cinq cens et treize eut de terribles affaires , et de ses alliez aussi , dont l'ung des plus apparans estoit le roy d'Escosse, qui en une bataille , cuydant entrer en Angleterre, fut deffaict par le duc de Norfort ^, lieutenant du roy d'Angleterre , et luymesmes y fut tué. Or, quelque chose qu'il y eust, le roy de France estoit tant aymé de ses subjectz que à leur requeste Dieu luy ayda ; et combien que la pluspart des princes d'Europe eussent juré sa ruyne, et mesmement tous ses voisins, garda très-bien son royaulme. Du partement de Picardie s'en retourna par ses petites journées en la ville de Bloys, qu'il aymoit fort parce qu'il y avoit prins sa naissance; mais guères n'y séjourna que ung grant et irréparable malheur luy advint, comme vous orrez.

1. Le traité conclu avec les Suisses par La Trémouille stipulait que le roi de France renoncerait au Milanais, promettrait de ne rien attenter contre le pape et donnerait quatre cent mille écus à l'armée assaillante. Ce traité imposé à La Trémouille par les circonstances était tellement onéreux que Louis XU refusa absolument de le ratifier.

2. Thomas Howard, comte de Sutry, duc de Norfolk. Il vainquit à la bataille de Flodden , le 9 septembre 1513 , Jacques IV, roi d'Ecosse, qui perdit la vie dans le combat. Il était fils de Jean Howard et mourut en 1524 à l'âge de 70 ans.

3Ô6 HISTOIRE DE BAYART