Vois, vais

402 HISTOIRE DE BAYART

se fist pas la paix du costé du conte de Nansso et du seigneur Francisque, car plus de huyt jours furent sans loger ensemble ; et s'en alla Francisque vers la Picardie, du costé de Guy se, mettant le feu partout , et plus hault marchoit le conte de Nansso ; mais peu après se rapaisèrent et furent amys.

Ainsi, par la manière que dessus avez ouy, fut levé le siège de devant Maizières, où le bon chevalier sans paour et sans reproucheacquist couronne de laurier^; car bien qu'on ne livrast nul assault, il tint les ennemys trois sepmaines durant en aboy^. Pendant lequel tems, le roy de France leva grosse armée, et assez puissante pour combatre ses ennemys, et vint luy-mesmes en personne dedans son camp, où le bon chevalier luy alla faire la révérence, et en passant reprist la ville de Mozon. Le roy son maistre luy fist recueil mer^ veilleux, et ne se povoit saouller de le louer devant tout le monde. Il le voulut honnestement récompencer du grant et recommandable service qu'il luy venoit freschement de faire. Il le fist chevalier de son ordre, et luy donna cent hommes d'armes en chef; puis marcha après ses ennemys, qu'il expulsa hors de ses pays, et les chassa jusques dedans Valenciennes,

1. On trouvera à l'appendice la lettre circulaire adressée par le roi aux parlements à l'occasion du siège de Mézières et une autre lettre de la reine Louise de Savoie où elle parle avec les plus grands éloges de Bayart et de Montmorency et des récompenses qui leur sont destinées. En ce qui concerne Bayart, ces promesses ne reçurent pas d'exécution et il ne retira de son fait d'armes que l'ordre de Saint-Michel, beaucoup d'honneur et la jalousie des courtisans.