CHAPITRE XXI

Comment le seigneur domp Alonce de Soto-Maiore se plaignit à tort du traictement que luy avoit fait le bon chevalier, dont Hz vindrent au combat.

Quand le seigneur domp Alonce fut arrivé à André, de tous ses compaignons et amys eut recueil merveilleux ; car à dire la vérité, il n'y avoit homme en toute l'armée des Espaignolz plus estimé que luy ne qui plus désirast les armes. Si le confortèrent le mieulx qu'ilz peurent, luy remonstrant qu'il ne se devoit point fascher d'avoir esté prisonnier, que c'estoient fortunes de guerre perdre une fois et gaigner l'autre, et qu'il suflfisoit que Dieu l'eust rendu sain et sauf parmy ses amys. Après plusieurs propos, luy fut demandé de la façon et la manière de vivre du bon chevalier, quel homme c'estoit, et comment durant sa prison il avoit esté traicté avecques luy. A quoy respondit domp Alonce :

100 HISTOIRE DE BAYART

« Je VOUS prometz ma foy, messeigneurs, que, quant à la personne du seigneur de Bayart, je ne cuyde point que ou monde il y ait ung plus hardy gentilhomme ne qui moins soit oyseux ^ ; car s'il ne va à la guerre, sans cesse fait quelque chose en sa place avecques ses souldars, soit à luyter^, saulter, gecterla barre, et tous autres honnestes passe-temps, que sçavent faire gentilzhommes pour eulx exercer. De libéralité, il n'est point son pareil, car cela ay-je veu en plusieurs manières , mesmement quant il receut les mil ducatz de ma rançon, devant moy les départit à ses souldars, et n'en retint ung seul ducat. Brief à vray dire, s'il vit longuement, il est pour parvenir à haultes choses. Mais quant à ce que me demandez du traictement qu'il m'a fait, je ne m'en sçauroye trop louer. Je ne sçay si ce a esté de son commandement, mais ses gens ne m'ont pas traicté en gentilhomme, ains trop plus rudement qu'ilz ne dévoient , et ne m'en contenteray de ma vie^. » Lesungs s'esbahissoient de ses parolles, considéré l'honnesteté que l'on disoit estre au bon chevalier ; les autres disoient qu'on ne trouve jamais belle prison ; aucuns luy en donnoient blasme.