Luyter, lutter
3. Is (Soto-Maior) redditus pristinae valetudini palam Terralium uti inhumanum et vilem habere, dicta factaque ejus elevare ut plane videretur illius existimationi et dignitati illudere. (Arn. Ferron, 1. III, p. 45.)
Per eos dies Baiardus gallus, hispanum equitem ex nobili Sotomaiore familia, ad singulare certamen provocarat, quum se Gallus ab Hispano gravi affectum contumelia quereretur quo durius ac illiberalius quam deceret fuisset custoditus. (Paul Jov., 1. II, f. 215.)
Et furent tant avant ces parolles que, par ung prisonnier de la garnison de Monervyne qui retourna, fut amplement informé le bon chevalier comment domp Alonce se plaignoit oultrageusement du mauvais traictement qu'il disoit luy avoir esté fait, et en gectoit grosses parolles peu honnestes, dont il s'esmerveilla grandement ; et sur l'heure fîst appeller tous ses gens, ausquelz il dist : « Messeigneurs , velà domp Alonce qui se plainct parmy les Espaignolz que je l'ay si raeschamment traicté que plus n'eusse peu. Vous sçavez tous comment il en va ; il m'est advis qu'on n'eust sceu mieulx traicter prisonnier qu'on a fait luy, devant qu'il s'efforçast d'eschapper ; ne depuis, combien qu'il ait esté plus reserré, ne luy a l'on fait chose dont il se doive plaindre. Et sur ma foy ! si je pensois qu'on luy eust fait tort, je le vouldrois amender envers luy. Parquoy, je vous prie, dictes-moy si vous en avez apperceu quelque chose que je n'aye point entendu. » A quoy tous respondirent : « Cappitaine, quant se' eust esté le plus grant prince d'Espaigne, vous ne l'eussiez sceu mieulx traicter, et fait mal et péché de s'en plaindre ; mais les Espaignolz font tant les braves et sont si plains de gloire que c'est une dyablerie. — Par ma foy ! dist le bon chevalier, je luy veulx bien escripre et l'advertir, combien que j'aye la fiebvre quarte, que, s'il veult dire que jel'aye mal traicté, je luy prouveray le contraire par le combat de sa personne à la mienne, à pied ou à cheval, ainsi qu'il luy plaira. » Si demanda incontinent ung clerc et escripvit unes lettres en ceste substance : « Seigneur Alonce, j'ay entendu que, après vostre retour de ma prison, vous estes plainct de moy, et avez semé parmy voz gens que je ne vous ay pas
102 HISTOIRE DE BAYART
traicté en gentilhomme. Vous sçavezbien le contraire; mais pour ce que, si cela estoit vray, me seroit gros déshonneur, je vous ay bien voulu escripre ceste lettre, par laquelle vous prie rabiller autrement voz parolles devant ceulx qui les ont ouyes, en confessant, comme la raison veult, le bon et honneste traictement que je vous ay fait ; et ce faisant, ferez vostre honneur et rabillerez le mien, lequel contre raison avez soullé^ Et où seriez refïusant de le faire, je vous déclaire que je suis délibéré le vous faire desdire par combat mortel de vostre personne à la mienne, soit à pied ou à cheval, ainsi que mieulx vous plairont les armes. Et, adieu. De Monervyne, ce x^ juillet. »
Par une trompette qui estoit au vaillant et noble seigneur de la Palisse, qu'on appelloit la Lune, fut envoyée ceste lettre à ce seigneur domp Alonce dans la ville d'André; laquelle, quant il l'eut leue sans en demander conseil à personne, luy fist responce par la mesme trompette, et escripvit unes lettres contenant ces motz : « Seigneur de Bayart, j'ay veu vostre lettre que ce porteur m'a baillée, et entre autres choses dictes dedans icelle avoir esté par moy semé parolles devant ceulx de ma nation que ne m'avez pas traicté en gentilhomme, moy estant vostre prisonnier, et que, ce~ ne m'en desdiz, estes délibéré de me combatre. Je vous déclaire qu'oncques ne me desdiz de chose que j'aye dicte, et n'estes pas homme pour m'en faire desdire ; parquoy du combat que me présentez de vous à moy je l'accepte, entre cy et douze ou quinze jours, à deux milles
