Désirez les armes, désirez combattre

mis à pied ne pourroit plus combatre ; et ou cas que jusques à la nuyt l'une bende n'eust peu vaincre l'autre, et n'en demourast-il que l'ung à cheval, le camp seroit finy ; et pourroit remmener tous ses compaignons francz et quictes, lesquelz sortiroient en pareil honneur que les autres hors dudit camp. Pour faire fin, les François se misrent d'ung costé et les Espaignolz d'ung autre : tous avoient lance en l'arrest. Si picquèrent leurs chevaulx ; mais lesditz Espaignolz ne taschèrent* pas aux hommes, ains à tuer les chevaulx, ce qu'ilz firent jusques au nombre de unze , et ne resta à cheval que le seigneur d'Oroze et le bon chevalier. Mais ceste tromperie ne servit de guères aux Espaignolz, car oncques puis leurs chevaulx ne voulurent passer oultre, quelque coup d'espron qu'ilz sceussent bailler; et lesditz seigneur d'Oroze et bon chevalier menu et souvent leur livroient aspres assaulx ; puis, quant la grosse troppe les vouloit charger, se retiroient derrière les chevaulx mors de leurs compaignons, où ilz estoient comme contre ung rampart. Pour conclusion, les Espaignolz furent bien frotez ; et combien qu'ilz fussent treize à cheval contre deux, ne sceurent obtenir le camp jusques à ce que la nuyt feust survenue sans riens avoir gaigné , parquoy convint à chascun sortir suyvant ce qu'ilz avoient accordé ensemble , et demoura l'honneur du combat aux Fran- I çois ; car ce fut très bien combatu durant quatre heures

deux contre treize sans estre vaincuz. Le bon chevalier sur tous y fist d'armes tant que son bruyt et renommée en augmentèrent assez-.