HISTOIRE DE BA.YART

tel : c'est que environ les sept heures au matin, les escoutes ^ dudit bon chevalier vont ouyr bruyt de chevaulx, qui lui vindrent dire. Il estoit si à couvert entre ses deux roches qu'on feust aiséement passé sans l'appercevoir ; ce que firent les Espaignolz, qui au millieu d'entre eulx avoient leur trésorier et son homme, lesqueiz en bouges^ derrière leurs chevaulx avoient leur argent. Quant ilz furent oultre passez, ne fut fait autre demeure ^, sinon par le bon chevalier et ses gens donner dedans en criant : « France ! France ! à mort ! à mort ! » Quant lesditz Espaignolz se veirent ainsi chargez et pris en désarroy, cuydant qu'il y eust beaucoup plus grant nombre de gens qu'il n'y avoit, se mirent en fuyte vers Barlète. Hz furent ung peu chassez et non pas loing, car on n'en vouloit que au povre trésorier, lequel fut prins avecques son homme et menez à Monervyne. Eulx arrivez, furent desployées leurs bouges, où on trouva de beaulx ducatz. Le bon chevalier les vouloit faire compter, mais ledit trésorier en son langage espaignol luy dist : « Non contaeiz, Seignor; sono quinze milia ducados^. » Sur ces entrefaictes va arriver Tardieu, qui, quant il veit ceste belle monnoye, fut bien desplaisant qu'il n' avoit fait la prise; toutesfois il dist au bon chevalier : « Mon compaignon, je y ay ma part comme vous, car j'ay esté de l'entreprise. — Il est vray, respondit le bon chevalier en soubzriant, mais vous n'avez pas esté de la prise. » Et pour le