CHAPITRE VIL

I vous voulez auoir de beaux chiens, il faut auoir vne belle Lyce, qui soit de bonne race, forte et bien proportionnée de ses membres, ayans les costez et ; les flancs grands et larges , laquelle pourrez faire venir en chaleur en ceste manière. Prenez deux testes d*aulx, et vn demy couillon d*vne beste qui se nomme Castor, auec du ius de cresson alenois, et vne douzaine de mouches ^' cantharides, et faites bouillir le tout ensemble en vn pot tenant \ne pinte, aaec de la chair de mouton , et en foites boire par deux ou trois fois en potage à la Lyce, elle ne faudra iamais de venir en chaleur. Et autant, en peut-on faire au Chien pour le réchauffer. Puis quand vous verrez que la Lyce sera chaude, attendez le plein de cours de lune à passer,

lACQVES DV FOVILLOVX. 6

pour la faire coiuirir : et la faites emplir soubz les signes de Gemini et Aqwirim, car les Chiens qui naistront en ce temps ne seront ni subiets à la nige, et en viendra plus de masles que de femelles. Aussi on dit qu'il y a vne Estoille nommée Arciure, et que si les chiens naissent soubz le règne d*icelle , qu'ils seront forts svbiets à la rage. Pareillement faut entendre plusieui's secrets, dont le premier est : Que de quelque chien qu'vne lyce sera couuerte, la première fois qu'elle sera en chaleur, et de sa première portée, soit de Mastin , Leurier ou Chien courant, en toutes les autres portées qu'elle aura après, il s'en trouuera tousiours quelqv'un qui ressemblera le premier chien qui l'aura couuerte : qui est la cause qu'on doit bien regarder à la première fois qu'elle viendra en chaleur, de la faire couurir à quelque beau chien de bonne race : car en toutes les autres laictees qu'elle portera, il y en aura tousiours quelques-vns qui tiendront de la première. Et parce qu'auiourd'huy on ne fsût cas des premières laictees des chiennes, veu qu'on pense que les chiens qui en sortent sont subiets à la rage et viennent volontiers foibles et menuz , si est ce qu'il ne faut pas laisser à faire couurir la Lyce à quelque beau chien courant et de bonne race : car si elle estoit mastinee les autres laictees en tiendroient : autrement si la laissez refroidir sans la faire couurir, elle deuiendra éthique, et à grand peine se pourra remettre ny engraisser. L'autre secret est, que si voulez auoir des chiens l^iers et ardens, il faut faire couurir la Lyce à mi ieune chien : parce que si c*estoit d'vn \\A chien, ils deuiendroient plus pesans , et moins rebaudis. Et deuez entendre qu'il ne faut iamais faire refroidir vne Lyce en l'eau , car elle luy glace le sang dedans les venes et artères , qui est cause qu'elle deuient goûteuse, ou bien qu'elle a des trenchees dedans le ventre, et autres infinies maladies qui s'ensuiuent.

Quand les Lyces sont pleines, et qu'elles commencent à aualler leur ventre, on ne les doit pas mener à la chasse pour beaucoup de raisons, dont l'vne est, parce que les efforts qu'elles font, corrumpent et gardent de profiter les petits chiens qui sont dedans leur ventre : aussi qu'en sautant les hayes , et passant par les bois , il ne faut qu'vn heurt pour les faire aduorter, dont s'en ensuiueroient plusieurs autres fortunes qui me seroient prolixes à reciter. Doncques on les doit seulement laisser aller par la court et maison sans estre renfermées dedans le chenin, d'autant qu^elles sont ennuieuses et dégoûtées, et leur faut faire du potage %-ne fois le îour pour le moins.

Plus si vous voulez faire chastrer ou sener Mie Lyce, se doit estre auparauant qu'elle ait iamais porté chiens : et en la senant, il ne luy faut ester toutes les racines, car il est bien difficile qu'en les arrachant on ne luy face tort aux reins, et qu'on ne luy accoursisse sa vistesse : mais quand les racines demeurent, elle en est plus vigoureuse et hardie, et en endure mieux la peine. Aussi on se doit bien donner garde de la faire sener quand elle est en chaleur, car alors elle seroit en grand danger d'en mourir : mais quinze iours après qu'elle sera hors de chaleur, et lors que les petits chiens se commenceront à former dans son corps, elle est bonne à sener.

VENERIE PAR