CHAPITRE XVII
ffS cerfs commencent à aller au Rut enuiron la my-Septembre, et dure le iRut près de deux mois : et tant plus ils sont vieux, et plus sont chauds de la [biche , et mieux aymez : ce qui est au contraire des femmes, qui ayment ^volontiers mieux les ieunes. Les vieux cerfs vont plus tost au Rut que les Jeunes : et sont si fiers et orgueilleux que iusques à ce qu'ils ayent accomply fleurs amours , les ieunes n'en osent point approcher, parce qu'ils les battent et chassent : les ieunes ont vne grande finesse et malice, car alors qu'ils voient que les vieux sont las du rut, et affoiblis de leur force, ils leur courent sus et les tuent ou blessent, leur faisant abandonner le Rut : et à l'heure demeurent maistres en feur rang. Les cerfs se tuent beaucoup plûtost quand il y a faute de Biches qu'autrement : car s'il en y a grand nombre, ils se séparent et escartent d'^ii costé et d'autre. Cest vn plaisir de les voir rêre et faire leur muze : parce que quand ils sentent la nature de la Biche, ils leuent le nez en l'air, regardans en haut pour remercier Nature de leur auoir donné vn tel plaisir. Et si c'est ^n grand cerf, il tournera h teste, et regardera s'il en y a point \n autre qui luy Mieille faire ennuy : lors les ieunes n'estans de son qualibre, luy voyans faire telle mine, se reculeront de luy et s'enfuiront. Hais s'il y en a quelqu'un aussi grand que luy, ils commenceront tous deux à rere, et à gratter des pieds en terre, se choquans V\ik contre l'autre de telle sorte, que vous ou}Tiez les coups de leura testes d'vne demie grande lieuë, tant que celuy qui demeurera le maistre, chassera
VENERIE PAR
l'autre (la Biche regardant ce plaisir sans qu'elle bouge de son lieu). Puis celuy qui sera demeuré maistre, commencera à rêre ou crier, en se ieltant tout de course sur la Biche pour la couurir : et ne luy donnera que trois ou quatre coups de cul pour le plus , et bien soudainement. Les cerfs sont fort aisés à tuer en telle saison : parce qu'ils suyuent les voyes et routes
par ou les biches auront passé, mettans le nez en ten'e pour assentir, sans regarder n'esuenter s*il y a point là quelqu'vn caché pour leur nuire. Et si vont en ce temps là aussi tost le iour que la nuict, estans si enragez du Rut, qu'ils pensent qu'il n'y ait rien qui leur puisse nuire, en ce temps qu'ils sont ainsi en Rut, ils viuent de peu chose : car ils viandent seulement de ce qu'ils trouuent deuant eux , en suiuant les routes par où va la biche : et principalement de gros potirons rouges , qui aident fort à leur faire pisser le suif.
Bs sont lors en si véhémente chaleur, que par tout là où ils trouuent des eaux, ils se veautrent et couchent dedans, et aucunesfois par despit donnent des andoilliers en terre.
L'on cognoist les vieux cerfs à les ouyr rêre ou crier : car tant plus ils ont la voix grosse et tremblante, et plus doiuent ils estre vieux : et aussi par là on cognoist s'ils ont esté chassez : car s'ils ont esté courus, et qu'ils ayent crainte de quelque chose , ils mettent la gueule contre terre, et rêent bas et gros : ce que les cerfs de repos ne font pas , car ils leuent la teste en haut, reans ou braimans hautement et sans crainte.
tl
lACQVES DV FOVILLOVX.
