CHAPITRE LX

PRES auoir parlé de la chasse des chiens courants, ie feray icy vn petit traitté de la chasse des chiens de terre, et comme on les doit dresser pour prendre Renards, Tessons et leurs semblables.

n faut entendre premièrement , que nous auons de deux espèces de Rassetz, desqueb nous dirons la race estre venue des pays de Flandre et d*Artois : dont les vns ont les iambes torses, et sont communément à court poil : les autres ont les iambes droites, et sont volontiers à gros poil, comme Rarbets. Ceux qui les ont

0 ij

VENERIE PAR

torses, coulent plus aisément en la terre que les autres, et sont meilleurs pour les Blereaux, d'autant qu'ils y demeurent plus longuement, tenans mieux sans sortir. Ceux qui ont les iambes droites, sèment à deux mestiers, parce qu'ils courent sur terre comme chiens courants, et entrent de plus grand fureur et hardiesse en terre que les autres, mais ils n'y demeurent pas si longuement, d'autant qu'ils se tourmentent à combattre les Renards et Tessons, ce qui les contraint d'en sortir pour prendre l'air. Il s'en trouue de bons et de mauvais des deux espècespr parce que la chasse en est belle , et furieuse sans grand trauail ne peine, i'ay bien voulu icy descrire le moyen de dresser les bassets, et les mettre à la chair.

Premièrement, on doit commencer à dresser les bassets de l'aage de huict à dix mois, car si vn basset n'entre en terre a son an , à peine luy pourra on iamais faire entrer. Et se faut bien donner garde au conimencement qu'on les dresse , de les rudoyer, ne que les Tessons ou Renards les blessent en terre, pour autant que s'ils y estoient battus ou outragez, ils n'y voudroient plus retourner; à cette cause, on ne doit iamais faire entrer les Bassets es terres oii il y ait de vieux Tessons ou Renards, que premier ils ne soient dressez, et qu'ils n'ayent leur an accompli. Encores faut-il mettre lousiours vn vieux basset douant eux, qui endurera la fureur des Tessons. Vous pouuez dresser les Bassets, et mettre à la chair, en plusieurs manières, dont la premiere^ est : Qu'en la saison que les Renards et Tessons ont leurs petits, il faut prendre tous les vieux Bassets, et les laisser aller en terre: puis alors qu'ils commenceront à abboyer, on doit tenir tous les ieunes auprès des pertuis, vn à vn de peur qu'ils se battent, et leur faire escooter les abbois. Apres que les vieux Renards ou Tessons seront pris , et qu'il n'y aura plus que les petits ,. faut prendre tous les vieux Bassets, et les coupler, puis laisser idler les ieunes, les hardissant en terre, en criant, coule à luy Basset, coule à luy, hou, prenez prenez. Et alors qu'ils tiendront quelque ieune Tessonneau ou Renardeau, il leur faut laisser estrangler dedans la tranchée ou pertuis, se prenant bien garde que la terre ne tombe sur eux, de peur qu'elle leur nuise. Ce fait, faudra porter tous les petits Tessonneaux ou Renardeaux au logis, et en faire fricasser les foyes et le sang, auec du formage et de la gresse, puis leur en faire curée, en leur monstrant la teste de leur gibbier : Apres que les Bassets auront mangé la curée, ou bien auparauant il les faut lauer d'eau tiède , auec du sauon , pour faire tomber la terre, qui sera meslee entre le poil et la peau : car autrement ils pourroient deuenir galleux d'vne galle qui seroit fort difficile à guarir. On les peut encores dresser en vue autre manière, s^uoir est, il faut faire prendre de vieux Renards et Tessons tous vifs, par les vieux Bassets, et auec des tenailles propices à ce faire, comme vous pourrez voir en pourtraiture cy après, le prendre, et leur coupper toute la maschoûere de dessoubs, là où sont fichez les grands crochets, et ne toucher point à cdle de dessus, pour autant qu'elle monstrera tousiours la fureur de la beste, sans pouuoir blesser ne faire maJ. Apres faut faire faire des terres dans vn pré, lesquelles doiuent estre assez larges, afin que les Bassets ayent espace de leur tourner et virer, et entrer deux tout de front, puis couurir les terres d'ais, et de gazons. Cela fait, on doit mettre le Tesson dedans, et lascher tous les Bassets, ieunes et vieux, leur donnant courage, et les enhardissant, comme l'art le requiert. Et quand ils auront assez abbaye , faut frapper sept ou huict coups de besche au costé pour leur donner hardiesse quand on beschera. Puis faudra leuer les aiz i l'endroit où sera le Tesson, .et le prendre auec les tenailles, en le tuant douant eux, ou bien le faire estrangler à qudque Leurier, pour leur en faire curée. Et faut auoir du fourmage en vue pochette, pour leur ietter soudainement sur leur gibbier, quand il sera mort. Et si dauenture on ne vouloit rompre la machoûere de dessoubs du Tesson , il luy faut coupper tous les crochets, et toutes les maistresses dents, de peur qu'il morde et fasse mal.

lACQVES DV FOVILLOVX.