CY COMENCHE LE PROLOGUE
DU DYALOGUE SAINT GREGORE.
David le prophete commande Et a touz par son psautier mande Que Dieu soit en ses sainz loé.
Celuy par trop est erroé Et bien en doit avoir reprouche 5 Qui ne peut de cuer et de bouche Dieu en ses sainz glorifier Et henourer et mercier. [ble, Mès, quant bouche et cuer sont ensem- La chose en vaut miex, ce me semble.
Autrement, ce dit Ysaïe, 1!
Est ce mal et ypocrisie ; Et saint Mahieu, qui ce recorde En l’evangyle, s’i acorde Et dit qu'acuns des levres ourent 15 Mès les cuers loing de Dieu demorent.
Chascun doit Dieu loer de cuer Soit en eglyse ou hors de cuer.
Face donc chascun des sainz feste Quant Dieu si bel en admonneste 20 Et les malades et les sains ; Quer, qui de cuer loe les sains, Il en retient, bien dire l'os, Devers soy l’eneur et le los.
Or duit l’en entendre et savoir, 25 Qui leur veut heneur fere avoir, L’en doit ramentevoir leur fez Sanz mentir, sanz dire en seurfez, Quer ce n’est mie leur entente Que nulz, pour els plus loer, mente, 30 Quer ja plus glore n’en avroient Ne ja por ce grey n’en savroient ; Mès leur bons fez, leur bonne vie Est ce bien reson que l’en die.
L’en loe Hector et Achillès, 35 Et autres, dont plus de mil lès, Qui mout souvent leur cors penerent
Pour le fet d’ames qu’il menerent, Et si n’estoit et n’est encore Que pour .[. poy de vaine glore. 40 Aucuns coquars par leur folie Dient par leur melancolie De pluseurs les grans menteries, Dont les ames sont ja peries.
Dieu ne veut que nul homme lot 45 Ne Parcheval, ne Lancelot ; Quer tout n’est fors trufleet menchonge ; Un coquart le trouva en songe, Qui tel folie fete en a Que les menchonges ordena ; so Tel menchonge est fole et mauvese ; Ne cuide nuly qu’a Dieu pleise.
L’en a fet mainte forte jouste Et maint fet d'armes qui mout couste, Ou maint homme a esté blechié 55 Par grant orguyel et par pechié; Mès cels qui ce font, quant a voir, Font tout cela pour los avoir :
Et quant telz gens seuffrent tant peine Pour .I. petit de glore vaine, 60 Donc doit on bien sans contredit, Puisque Dieu le commande et dit, Loer les sainz de paradis, Qui tant ourent paine jadis Et non mie pour vanité, 6$ Mès pour cognoistre verité.
Aucuns en furent martyrez Ars, escorciez et descirez, Et mis a persecution ; Aucuns par contemplation 70 L'amour de Dieu bien deservirent Quer tout le Monde relenquirent ; Les autres, dont il 1 à tant S’alerent forment combatant
Encontre les temptacions 75 En souffrant granz afflictions, Mès els vainquirent en la fin ; Pour ce sont il vers Dieu afin; Tels ne furent pas enleurdis, Quer en leur fez et en leur dis 80 Furent toujours humiliant.
Les autres en estudiant Metoient grant paine et grant cure En savoir la sainte escripture ; Tels doit sainte eglyse honeurer, 85 Quer au jor d’uy peüst plourer Et estre mout desconfortés Se par els ne fust enortée ; Quer leur science et leur doctrine Toute sainte eglyse enlumine 90 Et garnist devant et derriere, Si qu’el ne craint cop de perriere Ne assaut de nul mescreiü.
Le peuple Dieu est acreü Et tout l’estat de sainte eglyse 95 Par la cure qu’els y ont mise, Par les .ITI]. especiaument De cui l’en fet principaument En leglyse solemnité :
Augustin, qui la trinité 100 Par son sens si bien devisa Qu'’autres clercs bien en avisa :
[Cil} fist si grant foison de livres Que nul ne se verroit delivres
Qui a lire les emprendroit, 106.
Quer jamès a fin n'en viendroit.
L’autre doctor fut saint Ambroise, Qui souffri mainte grande noise, Si con l’en treuve en l’escripture, Pour l’eglyse et pour sa droiture, 110 Et fist tant d’exposicions Qu'’encor sont ses opinions Tenus et amez et creüz Pour confondre les mescreüz.
Ces .II. doctors evesques furent, 115 Et tous .II. sainte eglyse acrurent ; Mès saint Ambroise son priz a, Quer saint Augustin baptiza.
Et saint Jeroime fut le tiers, Qui fut tres sage entremetiers 120 Et tres loyal et tres pesible Pour translater toute la bible D’ebrieu et de grec en latin;
Maint jour en leva mout matin; Tant fist et tant estudia 12$ Que sainte eglyse edyfia ; Icestuy fut cardinal prestre.
Mout est creü, si doit il estre, Quer sainte eylyse est esclergie De son sens et de sa clergie. 130
Le quart doctor fut saint Gregore, Dont je tretteray quant a ore, Et je m’en doy bien entremettre; Je fuy mis a sa feste a letre, Et, combien que petit en sache, 135 A grant honour ma vie en sache; Si en suy a ly plus tenu; Pour ce m'en est il souvenu.
Charitables hons fut et sage; Il fonda de son heritage 140 Sept monstiers et fut ou septi(e)sme Moine et pere abbé il meïsme ; Icestuy fut pape de Romme; L’escripture plus le renomme Que nul des autres et le prise, 145 Quer il fut chief de sainte eglyse.
Onques cestuy ne reposa; La sainte escripture glosa Si bien qu’il n’i a que reprendre, Mès toujors 1 peut l’en aprendre ; 150 Mout fut de grant auctorité.
Sus Job fist la Moralité Qui devroit a .I. clerc souffire S’en sa vie la poueit lire, Et si fist 1l le Dyalogue, 155 Et a chascuns tres beau prologue; Et si refist tant d’omelies Si beles et si bien polies Qu'il n’est nul qui bien les oist - A cui tout le cuer n’esjoist ; 160 Et si fist il le Pastoral, Qui est si bon et si moral Que prelat n’i porroit mesprendre Qui bien 1 voudroit garde prendre.
Et, pour ce qu’il m'est bien avis 165 Que je n’ay mie tant d'avis Ne que mon sens ne peut soufire A rien de saint Gregore dire Qui li doie par reson plere, Un advocat me convient fere 170 Qui pour moy vueille Dieu prier Que grace me vueille otroier
De retrere et dire tel chose Que saint Gregore a la parclose
S’en vueille tenir pour content, 175 Quer c’est ce ou ma reson tent.
Mès, ains que plus avant m’enbate, Je requier la bonne advocate,
La tres douce vierge Marie,
À cui nule ne s’aparie, 180 Cele qui au besoig ne faut, Qu’amander vuielle mon defaut
Et me vueille si afetier
Que je puisse si bien tretier
De saint Gregore et de ses fès 185 Qu’aegier en puisse mesfès,
Et mon dit soit si delectable
Qu’a plusours gens soit profitable; Mès nul homme ne doit entendre Que touz ses fès pense a comprendre.
Nenil; je ne suis pas si rogue; 191 J’entent sans plus le Dyalogue,
Qu'’en III. livres composa
Ou grant plenté de beaus mos a,
De latin en franchoiz estrere, 19$ Et je croy que mout devra plere
A celz qui de cuer l’entendront, Quer moult de bien 1 aprendront.
Sainte eglise mout le renomme.
Quatre livres contient en somme 200 Et chascun livre a ses chapitres
Et chascun chapitre ses titres.
.XII. chapitres, ce me semble, Contient le premier livre ensemble, Et .XXXVIIL., ceu dit la letre, 20$ En vout u second livre metre,
Et le tiers .XXXVIII. en a,
Saint Gregore ainsi l’ordena,
Et le quart livre a, je m'en vante,
De chapitres .I]. et sexante. 210 Le bon douctour dont j’ey parley
Si enquiest par lonc et par ley
Des sains peres qui jadis furent,
Et par celz qui bien les cognurent Sout il lour maniere de vivre, 21$ Et de ceu compila .I. livre
Que Pierres, son clercq, li fist fere, Ou il a maint bel exemplere.
A. DE MONTAIGLON
Pierres li fesoit ses demandes, Qui estoient beles et grandes, Et saint Gregore responnoit Selon ce que reson donnoit, Et saint Gregore pour cela Le Dyalogue l’apela,
Quer ce vaut « parole de .Il.», 225$ Qui des fès aux sains parle et d’eus.
Je ne ferey pas chose neuve ;
Mès, si conme en ce lieu treuve, Combien qu’il me doie couster,
Sans fausseté nule ajouster 230 À quoy je corrompe la letre,
Vueil le latin en franchoiz metre.
Mès mout convendra metr” i vers,
Ou trop aura de moz divers
Si comme est aucun propre non, 23$ Dont l’en ne soit ne o ne non
En France ne en ces parties,
Et nons de pluseurs abeïes,
De villes, de citez, de bours.
Mès, se je les nomme a rebours, 240 Ou mal proprement ou a honte,
Cels qui l’orront n’en tiegnent conte; Toujours iert, nul ne s’en esmaie,
La sentence certeine et vraie.
Celz, se Dieu plest, preu 1 avront 245$ Qui le sens du latin savront.
Et, se vie et santé avoie, Mout volentiers, se je savoie, Estreroie aprez ceu sa vie, Non pas toute, mès en partie.
Et cil qui ne faut ne ne ment Soit a cestuy commencement Et si me vueille endoctriner Que cest livre puisse affiner Si bien qu’a saint Gregore plese. 255$ Or n’est pas temps que je me tese;
Il n’i a point du reposer;
Son prologue vueil exposer
Et puis son livre tout a trenche.
Einsi saint Gregore commenche, 260 Non mie par parole fainte
Mès a maniere de complainte,
Si comme il pert a sa parole,
Et a Pierres, son clercq, parole. 264
LA VIE DE S. GREGOIRE LE GRAND $1$ Cy commencent les chapitres du premier livre du Dyalogue.
Le premier de Henouré, l’abbé du monstier de Funde.
Le segont de Libertin, le prevost du monstier de Funde.
Le tiers d’un moine, courtillier du monstier de Funde.
Le quart de Equité, l’abé de la province de Valiere.
Le quint de Constant, le mesnagier de l’eglyse Saint Estienne.
Le siexte de Marcellin, l’evesque de Anthonice la cité.
Le septiesme de Nonose, le prevost du monstier qui est appelé Soractis. Le huitiesme de Anastaise, l’abbé du monstier qui est apelé Supentone. Le noviesme de Boniface, l’abbé de la cité de Ference.
Le diesiesme de Fortuné, l’evesque de Tudertine.
Le onziesme de Martirey, le moinne de la province de Valiere,
Le douziesme de Sever, le prestre de la province de Valiere.
Ci commence le secont livre du Dyalogue que saint Gregore compila de la vie mon seigneur saint Benoiïet. Vez ci les chapitres :
Le premier du crible qui fut froissié que il ressouda.
Le segont de la temptation de sa char que il sourmonta.
Le tiers du verre que il rumpi par la vertu du signe de la croiz.
Le quart du moine qui ne pouet ourer ne estre en pès, qu’il rapela à son salu.
Le quint de l’eaue qu’il fist saillir de la pierre u caquevel de la montaigne,
Le sieste du fer qui du fons de l’eaue retourna al manche.
Le septiesme du disciple qui ala tot a pié sus l’eaue sans affonder.
Le huitiesme du pain envenimé que le corbel emporta bien loing.
Le nouviesme de la pierre que l’en ne pouet mouveir qu’il fist legiere par ourer.
Le diesiesme du feu qui ardoïit la cuisine, ce paroïit, et ce n’estoit que fantosme.
Le onsiesme du genne moyne que la parey escacha, que il gari.
Le douziesme des moynes qui mengierent contre leur rieulle.
Le tresziesme du frere le moyne Valentin.
Le quatorziesme du roy Totile qu’il reprist de sa faintise.
Le quinsiesme de la prophecie qu’il dist de celuy roy Totile.
Le .XVI. du clercq qui fut delivré du deable.
Le .XVII. de la prophecie de la destruction de son monstier.
Le .XVIII. du flascon qui fut mucié, que le saint Esprit li revela.
Le .XIX. des touailles que .1. moyne prist.
Le .XX. du moine qui s’enorgueilli en sa pensée et il fut bien prist.
Le .XXI. de .CC. mieuz de ferine que l’en trouva devant sa celle par la famine.
Le .XXII. du demonstrement qu’il fist du monstier de Tarente par vision.
Le .XXIII. des nonnaïns qui demourerent en lour sepoutures en la sainte colation.
Le .XXIIII. du genne moyne que la terre jetoit hors de sa sepouture.
Le .XXV. du moynne qui se departi de son monstier et encontrast .I. dragon en sa voie.
Le .XXVI. du mesel qui fut gueri.
Le .XXVII. des .XII. sols qui furent trouvez par miracle qu’il donna a .I. detour.
Le .XXVIII, de l’omme qui but le vin et il le gueri par touchier.
Le .XXIX. de lPampoule de verre qu’il jeta sur les roches sans depechier et du tonneau vuit qu’il emplit par ourer.
Le .XXX. du moyne qu’il delivra du deable.
Le .XXXI. d’un vilein pris et lié qu’il delivra par son commandement.
Le .XXXII. de Pomme mort qu’il resuscita.
Le .XXXIII. du miracle de sainte Euscolace, sa seur.
Le .XXXIIII. de lame de sa seur, comme elle parti du cors.
Le .XXXV. de tout le monde qu’il vit devant soy ensemble.
$16 A. DE MONTAIGLON
Le .XXXVI. de la rieulle aus moynes que il fist et ordena. Le .XXXVII. de la prophecie de sa mort qu’il denoncha a ses freres. Le .XXXVIIT, de la fame erragie qui gueri en sa fosse.
Vey chi les chapitres du tiers livre du Dyalogue :
Le premier chapitre de saint Paulin, l’evesque de Nolane.
Le segont de Jehan le pape.
Le tiers de Agapite, pape.
Le quart de Dace, levesque de Melan.
Le quint de Sabin, l’evesque de Canuse,
Le .VI. de Casse, l’evesque de Narne.
Le .VII. de l’evesque Andrieu de Fonde.
Le .VIII, de Constant, l’evesque de la cité d’Aquin.
Le .IX. de Frigidien, levesque de Luque.
Le .X. de Sabin, l’evesque de Plesence.
Le .XI. de Cerbon, l’evesque de Populone.
Le .XII. de Fulgent, l’evesque de Peglise Utreculisse.
Le .XIII. de Haïilan, l’evesque de Perouse,
Le .XIIII. de Ysaac, le serjant Dieu.
Le .XV. de Euthice et Florent, les serjans Dieu.
Le .XVI. de Martin, le moyne du mont de Marsique.
Le .XVII. du moyne du mont Argentier qui resuscita .1. mort.
Le .XVIII. du moyne qui avoit nom Benoit.
Le .XIX. de l’eglise saint Zenon.
Le .XX. du prestre Estienne de la province de Valiere.
Le .XXI. de la pucele qui delivra .1. homme du deable.
Le .XXII. d’un prestre de la province de Valiere.
Le .XXII1. de l’abbé du mont Prenestin et de son prestre.
Le .XXIIII. de Theodore, coustour de Saint Pierre de Romme.
Le .XXV. de Aconce, le coustour de Saint Pierre.
Le .XXVI. de Mena, le moyne solitaire.
Le .XXVII. de .XL. vileins que les Lombars constraintrent à mengier les chars de lour faus sacrefices.
Le .XXVIII. des chetis qui furent ochis pour ce qu’ilz ne vourent aourer la teste d’une chievre.
Le .XXIX. de l’evesque Arrien qui avueugla.
Le .XXX. de l’eglise arrienne qui fut dediée des Crestiens.
Le .XXXI. de Herminigilde, filz de Liuvigilde, roys des Gothiex, qui fut ocis par son pere pour la foy crestienne.
Le .XXXII, des evesques d’Aufrique qui eurent les langues trenchiées.
Le .XXXIII. du saint homme Eleuthere.
Le .XXXIIII. des manieres de compunction.
Le .XXXV. du prestre qui avoit nom Amant.
Le .XXXVI. de Maximien, l’evesque de Sarragosce.
Le .XXXVII. du prestre qui avoit non Sanctule.
Le .XXXVIII, de l’evesque Redut.
° Ci fenist le tiers livre du Dialogue.
| Ci commenche le quart livre :
U premier chapitre desclaire que les choses espirituelz sont meins crues des hommes mortiex pour ce que il ne coignoissent pas par experiment ceu qu’eulz en oïent dire et
raconter.
Le segont, comme les mescreans ne vivent pas sans foy.
Le tiers, comme .II]. manieres d’esperiz sont qui vivent.
Le quart, la question Salemon, savoir se la mort des hommes et des bestes est une.
Le quint, la question pour quoy l’ame n’est veue quant elle part du cors.
Le sixte, si comme l’en aperchoit la vie de l’ame u cors mortel par le mouvement des membres, ainsi la doit on penser après la mort du cors par la vertu des miracles.
Le septiesme, du trespassement des ames.
Le huitiesme, du trespassement de lame Germain, l’evesque de Capes.
Le nouviesme, du trespassement de l’ame Specieus le moyne.
Le diesiesme, de l’ame d’un reclus.
Le onziesme, de lame d’un abbé qui avoit non Esperance.
Le douziesme, du trespassement d’un prestre de la province de Neursie.
Le treziesme, du trespassement l’evesque Probe, de la cité de Reatine.
Le .XIIII. du trespassement de Galle, la chamberiere Dieu.
Le .XV. du trespassement de Servulus le paralitique.
Le .XVI. de Romule, l’amie Dieu.
Le .XVII. de Tarsille.
Le .XVIII. de Muse la pucelle.
Le .XIX, comme le regne des cieulx est clos a aucuns enfans pource qu’eulz sont mauvesement nourris et endoctrinés de lour peres, et de l’enfant qui mesdit de Dieu.
Le ,XX. du trespassement Estienne, le serjant Dieu.
Le .XXI. comme la trinité ({. merite) de l’ame n’est pas aucune foiz demonstrée en son trespassement, mès ele est desclairée aprez.
Le .XXII. des .11. moynes a l’abbé Valent.
Le .XXIII. du trespassement a l’abbé Suran.
Le .XXIIII. du trespassement du dyacre de Marse.
Le .XXV. de la mort de l’omme Dieu qui fut envoié en Bethel.
Le .XXVI. se les ames sont receues es ciex devant la resurrection des cors.
Le .XXVII. comme ceulx qui meurent dient aucune foiz aucunes choses a venir, et de la mort d’un advocat, et de la revelation de Geronce, et de la mort d’un enfant vachier, et de la diversité des langages.
Le .XXVIII. de la mort Theophane.
Le .XXIX. aussi com l’en croit que les ames des bons sont en Paradis, aussi doit on croire que les ames des mauvez soient en enfer aprez lour mort.
Le .XXX. par quel maniere l’en doit croire que le feu d’enfer, qui est corporel, puisse tenir les ames sans cors.
Le .XXXI. de la mort Theodoric, le roy arrien.
Le .XXXII. de la mort Reparé.
Le .XXXIII. de la mort d’un curial de qui le feu arst la sepouture.
Le .XXXIHII. comme les bons s’entrecognoissent en paradis, et les mauvez en enfer.
Le .XXXV. d’un homme religious qui vit les prophetes a sa mort.
Le .XXXVI, comme les ames d’aucuns, qui onques ne s’entrecoignurent vivans, s’entrecoignoissent aucune foiz au point de la mort quant, pour lour coupes, semblables tourmens ou, pour lour biaus fez, semblables louiers doivent rechevoir, et de la mort Jehan et Ursin et de Eumorphin et de Estienne.
Le .XXXVII. de cels qui sont menez, ce semble, ainsi com par errour, hors de lour cors, et de la revelation Pierres le moyne et du resuscitement Estienne aprez sa mort et de la vision d’un chevalier.
Le .XXXVIII. de Dieudonna qui edefioit sa meson au samedi.
Le .XXXIX. de la paine des Sodomites.
Le .XL. comme aucunes ames, qui sont encore en lour cors apercheivent aucunes choses des paines espirituelz, et de Theodore et de la mort Crisore et de la mort du moyne Ysantie.
A. DE MONTAIGLON
Le .XLI, à savoir se le feu de purgatoire est aprez la mort.
Le .XLII. de l’ame Paschase, le dyacre.
Le .XLIII. pour quoi mout de choses sont apparoissans des ames vers la fin du monde,
qui devant estoient muchiées et couvertes.
Le .XLIIII, en quel lieu l’en doie croire que enfer soit.
Le .XLV, a savoir s’il n’est que .1. feu d’enfer ou plusours.
Le .XLVI. se chelz qui sont en enfer ardront toujours sans fin.
Le .XLVII. comme est l’a[me] dite immortel s’einsi est qu’elle soit punie par damp-
nement de mort.
Le .XLVIIT. comme l’ame est immortel en mourant. Le .XLIX. d’un saint homme qui s’esbahi a sa mort. Le .L. de .11I. hommes desquiex lun avoit non Antoine et l’autre Merle et le tiers
Jehan.
Le .LI. a savoir se l’en doit croire en songes et quantes manieres sont de songes et de celuy a cui l’en pramist par songe a vivre longuement et il fut mort en brief espace.
Le .LII. a savoir s’il profite aux ames se lour cors sont enterrez en eglises.
Le.LIII. d’une nonnain qui fut enterrée en l’eglise saint Lorens, le martir, qui apparut
demie arse.
Le .LIII. de la sepulture Valerien.
Le .LV. du cors Valentin qui fut jetté hors de terre aprez sa mort. Le .LVI. du cors d’un teinturier qui fut enterré en une eglise, et aprez ne fut pas
trouvé en son sepulture.
Le .LVII, quel chose peut edier aux ames aprez la mort, et du prestre de Centencelle qui fut requis d’un esperit que il li aïdast par le sacrement de l’autel, et de Juste le
moyne.
Le .LVIII. de la vie et du trespassement de Cassie, l’evesque de Narne. Le .LIX. d’un homme qui fut priz de ses einemis et ses liens rompoient toudis a loure que l’on celebroit messe pour luy, et de Varraca le marinier, qui fut delivré du
peril de la mer par le sacrement de la messe.
Le .LX. de la vertu et du mistere du saint sacrement de la messe. Le .LXI. de la contriction du cuer entre les sains misteres du sacrement, et de la
garde de la pensée aprez la contriction.
Le .LXII. de relaschier les coupes aus autres a la fin que les nos nous soient relaschiées,
Et je, qui cest livre ay finé 26$ En franchois, ne puis afiné
Estre, c’est bien verité fine,
Vers Dieu, s’aucun saint ne m’afine.
Pour ce ay je mené a fin
De saint Gregore, mon afin,
Le Dyalogue, qu’il fina
En latin, ou maint fet fin a,
Si qu’il m’aist a afiner
Vers Jhesucrist pour miex finer ; Quer en nul bon definement
Ne puis bien venir finement, Mès suy a trop male fin nez
Se celz, que Dieu a afinez
Et de nuyz et de jours ne finent De li servir, bien ne m’afinent,
Et lors pourray bien estre fin, Fors que de pechier preigne fin.
J'ai fait ceste translation Le plus près, a m’entencion, Que je puis le latin espondre, 285 Tant en demander qu’en respondre, Et, se ge ay de rien mespris, Saint Gregore, li ne ses pris, N’en est de rien amenuisié.
Jai le franchois pris et puisié Au latin, c’est verité fine, Et rimé et fet leonine, A cele fin que les oïans Qui de bien oïr sont joians Compreignent aucun bon essample, 29$ Quer le Dyalogue est mout ample
Et l’on y peut aprendre assez.
Mains beaux fez y a entassez,
Mès plusors gens les livres voient
Et les escoutent et les oïent
Et non pas a la fin d’aprendre
Mès pour moquier et pour reprendre,
Et dient li envenimé :
a Cest livre n’est pas bien rimé, »
Ou : « La translation est fausse, » 305
Et vont devisant de la sausse
Qu’elz ne sauroient destremper.
Telz gens ne sceivent atremper
Leurs langues ; feu d’enfer les arde;
Tel langue blesche et point et larde,
Puis dit que ce ne sont que gogues.
Et saint Geroisme, en ses Prologues,
Se plaint trop et se va clamant 313
De tel langue et si diffamant,
Et telz langues acomparage 31
A chiens abaïans pleins de rage.
Poy me chaut de telz ennemis.
Se j’é rien en mon livre mis
Qui ne doie estre par reson,
Celuy qui sera sages hon
Prendra le bien qui luy plera
Et le remenant en tera.
J'ay fet l'interpretation,
Dieu le scet, par devocion
Selon ma petite science; 32$
Dieu m’en gart de malivolence,
Quer j'ai fet ce que j'ai peü :
Je n’en fuy onques miex peü,
Ne ce ne fut onques m’entente
D’avoir en plus meuble ne rente; 330
Mès je voil que de saint Gregore
Soit le Dyalogue en memore,
Si que chascun le puisse entendre.
C’est la fin a quoy je voil tendre,
Si qu’a celz qui latin n’entendent, 335
Qui a bons mos oïr s’atendent,
Puisse valoir et profiter.
Mès or me convient aquiter
De ce que j'ay piecha pramis
A saint Gregore, mes amis,
Dont je voil parfournir mon livre;
C’est de sa maniere de vivre.
Mès mout volentiers, si j’osasse,
Quant a present me reposasse
Quer je scey bien que telestrère 345
Est à ma santé trop contrère;
Non pour tant quant pramis li ey
Et par pramesse m’i liey,
Combien qu’il me doie couster,
Sans menchonge nule adjouster,
De sa vie estreré sans doute
Une partie, non pas toute,
Quer tant n’ay pas d’entendement.
Si direy au commencement
Dont il fut né, qui fut son pere 35,
Et con l’en appela sa mere,
Et comme il fut moyne et abbé,
Ja par moy n’en sera gabé,
Comme il fut courtois et metable,
Douz et devot et charitable
Et en tres grans vertuz parfez,
Si comme il le monstra par fez,
De quoy plusours eurent envie.
Ainsi se commence sa vie.
CY COMENCHE LA VIE SAINT GREGORE.
ae Gregore, le tres noble homme, Celi qui fut pape de Romme,
Le grant doctour de sainte eglise, Fut, si con l’istore devise,
Des senatours estret et né; $ Mont fut sages hons et sené.
Son pere out a non Gordien
Qui fut mout tres bon crestien,
Et sa mere dame Silvine,
Qui estoit bonne dame et fine; 10
Et Tarsile, la noble dame, Qui fut bonne de corps et d’ame, Qui oït la grant melodie Quant elle dut partir de vie, Fut sa tante; de ce me vant 1$ J'en ay ja parlé par devant.
Gregore vaut autant en letre, Qui le grec veut en franchois metre, Comme fet « cil qui est veillant » ; Ne s’en voise nul merveillant ; 20
Pour ce fut, ce n’est pas celé,
Tout a point Gregore appelé,
Quer curiousement veilla
Et en veillant se traveilla,
Non pas pour soy tant soulement, 25 Ne pour ses soubjez ensement, Mès, pour tous celz qui puis vendroïent, Qui la crestienté tendroient,
Veilla et greva mout nature
Pour bien exposer l’escripture 30 Et pour fere en de toute neuve,
Que toute sainte eglise apreuve;
Si avoit, se dient li sage, Souverainement beau langage,
Et bien par ses livres apert 35 Qu'il fut sains et sage et apert.
Aprez la mort de son bon pere
Il fit fere, c’est chose clere,
En Cesile .VI. abbeïes,
Qui du sien furent enrechies, 40 Et ce fut grant chose en Cezile;
Et a Romme, dedens la vile,
C’est aussi voir com patenostre,
En l’enour saint Andrieu l’apostre Fist en son propre la septisme, 45 Et en celuy monstier meïsme
Prist l’abit de religion
Pour vivre en contemplation,
Estre tout povre regulier
Et lessier l’abit seculier so De saie a pierres et a or,
Pour quoy tres bon loier a or;
Et illecques par la Dieu grace,
Fut, dedens assez brief espace,
De si tres grant perfection ss Que par sa conversation
Vout estre par diz et par fez
Conté u nombre des parfez.
En cel monstier, c’est chose clere, Fut il depuis abbé et pere, 6o Et pour ceu, a m’antencion
Quant il [en] feisoit mencion
Son propre monstier le nommoit,
De quoy forment le renommoit.
Il fut de si austere vie (OX
Qu'il en prist si grant maladie
Que mout souvent tuyt si afin Cuidoient qu’il fust a sa fin.
J'ay ja, j'en suy aperchevant,
En .I. autre lieu ci devant 70 Sa maladie racontée U Dyalogue et devisee, Et il meesmes en devise, Toute la maniere et la guise.
Une foiz que qu'il escrivoit 75 Et contre sa char estrivoit, .J. angre li vint en l’eglise En tel estat et en tel guise Comme .Ï. homme en mer perillié, Nu et despers et essillié 80 Qui va querant son pain par terre, Et prist saint Gregore a requerre, En plourant, que bien li feïst Et que pas ne l’escondeist.
Gregore, selon sa coustume, 8; En out au cuer telle amertume Qu'il fist tout maintenant par gent Donner li .VI. deniers d’argent.
Quant il les out, il s’en ala, Mès au tiers jour retourna la, 90 Et dist que tout iert esperdu, Et que grant chose avoit perdu Et petit avoit recouvré, « Et, quant Dieu a einsi ouvré Qu'il m'est einsi mal avenu 9$ Que je suy remez pauvre e nu, Donnez moy dont chevir me puisse, Ou je ne scey ou confort truisse. »
Angoisse de cuer debouta Saint Gregore qui l’escouta; 100 Si li refist autant donner Quant einsi l’oy jargonner, Car de sa lamentation Li prist trop grant compassion.
Quant il les tint, il s’en partis 105 Ne scey conme il les departi Ne conment il les aourna, Mès au tiers jour s’en retourna Au saint homme sans detrier, Et prist a brere et a crier [10 A trop grant importunité Qu'il eüst de sa charité.
Cil, qui puis fut pape de Romme, Quant il entendi le povre homme Et il vit que si fort gemi, 11 Le cuer u ventre li fremi; Si ne pout endurer cela.
Son procureour apela;
Si li commanda, s’il peüst,
Que de sa charité eüst. 120 Cil dist que conseil n’i savoit,
Quer que donner ne li avoit
Qui le pendroit par my la goule, Fors l’escuele d’argent soule
Que sa mere, la dame sage, 126 Toute pleine de beuv{e]rage
Li souloit envoier souvent ;
Plus n’avoit en tout le couvent
Que l’en li peüst bien donner.
Le sains hom, sans plussarmonner, 130 Commanda tantost sans demoure Que donnée li fust en l’oure.
A! Dieu, com l’omosne fut haute Qui(!) fut donnée en tel defaute!
Misericorde li aprist. 13$ Le povre volentiers la prist,
Puis s’en ala grant aleüre,
Lié et baut, c’est chose seüre.
Diex, quel tens est il maintenant!
Les riches sont trop plus tenant 140 D’assez qu’il ne souloient estre ;
Poy y a mès ne clercq, ne prestre, Archediacre, ne chanoyne,
Ne abbé, ne priour, ne moyne,
Ne evesques, ne grans seignours, 14$ Ne cels qui sont tous les greignours, Qui ne pense plus d’amasser
Que de mort ne de trespasser.
Les biens de sainte eglise tiennent, De quoy les grans estaz maint[iJenent Plus qu’il n’aferist orendroit, 151 Et si est contenu en droit
Que les biens de l’eglise, voir,
Qui bien veut fere son devoir,
Sont aux povres certeinement, 155 Fors le vivre et le vestement
Qui doit estre sur cela pris,
Sans outrage, einsi l’ey apris,
Et sans nule defaute avoir ;
Quer clercq qui trop assemble avoir Des biens de Peglise a outrage, 161 Il fet que fol et n’est pas sage,
Quer conte rendre en convendra Devant Dieu, quant le jour vendra Que nul ne se pourra deffendre 164 Que conte ne conviegne rendre.
Les estaz meinent et les moues,
Et les boubans et les chipoues,
De quoy les laiz sont engaignié.
Mès qu’avront les gens laiz gaaignié S’elz ront pour leur mauveise vie 171 Mort pardurable deservie?
Nule chose, c’est chose pleine,
Quer ja n’en avront meins de peine.
Saint Gregore le dit sans doute 175 Que celz qui ardront soulz, sans route, N’ardront pas meins que s'ilz eüssent, Plusors qui avec elz ars fussent.
Les laiz heent les clers a mort; Chescun a mesdire en s’amort : 180 Elz dient que les clers honnissent Tout le monde, et s’en esjoïssent ; Dès ce qu’ilz en oïent mal dire,
Tout le cuer lour esmeut a rire;
Et quant joie font d’autrui coupe, 185 L’esjoïssement les encoupe,
Quer chescun doit pleindre la perte De son prochein, c’est chose aperte.
Elz cuident que pour les pechiez
Des clercs soient desentechiez 190 De lour mal. Non sont vraiement, Quer, quant vendra au jugement, Chescun rendra reson de sey,
Si com par l’escripture scey.
S’un mauvès prestre entre mil a, 19$ Qui pour son pechié avila
L’estat que maintenir deüst
Se dedens soy reson eüst,
Les laiz y prennent trop bien garde; Mès aus .IX. cens nul n’i regarde 200 Qui selon Dieu et reson vivent
Et le mal heent et eschivent.
Mès voire est, com j'é devisé,
Que pas ne sont bien avisé
Tous les clers, de quoy c’est damage, Ne les laiz ne resont pas sage 206
Qui du pechié aus clercs ont honte
Et du lour ne tiennent nul conte.
Il sont si fol et si testu
Qu’elz voient .[. petit festu
En l’ieul aus clers apertement, Et dedens lour ieul proprement Ne peuent .I. grant tref voier; Il se deüssent avoier
Et esrachier le tref anchiez 21 Qui dedens leur yeul est lanchiez,
522 A. DE MONTAIGLON
Et puis aprez eulx acoster
De lour procheins pour myex oster
Le festu qui en l’ieul les blesche ;
Qui ainsi son prochein adresche, 220
Sans li poindre de langue et mordre,
Il garde de charité l’ordre.
Des estaz du mont tant en scey
Chascun est bel et bon en sey;
L'un estat doit l’autre secourre 225
Et l’un pour l’autre aidier a courre,
Quer a bien poy est nul mestier
Qui(l) n’ait bien de l’autre mestier;
Mès touz ne font pas lour devoir,
Ce scey je sans doute de voir. 230 Sans faille se ne sont les roys,
Mès en celz n’a il nul desrois,
Quer, si Dieu aiment bien et croient,
De lour despens lors rien n’acroient
Qui(l) ne soit si paié a point, 235
Que de defaute n’i a point :
Elz vivent de lour heritage
Sans faire excez et sans outrage ;
Eulz aiment Dieu et sainte eglise
Et la gardent en sa franchise ;
Elz heent qui ses droiz retaille;
Eulz n’i font ne conte ne tailie;
Eulz n’ont cure de tendre las
Pour acuser clers ne prelas,
Mès les aiment et les soustiennent 245
Et les delivrent quant il viennent ;
Et eulz ont de justice a fere
Pour tost aler en lour affere;
Es prieres de sainte eglise
Ont si lour esperance mise 250
Qu’eulz ne veulent nor ne avoir
Fors que les oreisons avoir,
Et, s’il avient qu’aucuns gloutons
Preignent pour eulz beus ne moutons,
Chevaux, blez, vins, fein et avene, 255
Elz tiennent cele prise a vene,
S’el n’est paie sur le doy.
Autrement croire ne le doy,
Quer qui iroit querre aux viscontes,
Aux baillis, aux mestres des contes 260
Pour sa debte son paiement,
Il despendroit plus grandement
Que le principal ne vaudroit,
Ou par aventure il faudroit.
Et, quant les rois ainsi se portent, 265
Toute sainte eglise confortent, Et sainte eglise les deporte
Et leur euvre des ciex la porte; Quer, quant eïnsi sont ordenez, Lour gens doivent estre senez, Loiaus et atrempez et sages Sans faire forces par outrages; Quer l’en coignoist, et c’est reson, Aux menistres de la maison
Que le seigneur est et veut estre, 275$ Soit roy ou duc, ou clers ou prestre.
Eulz doivent maintenir justice
Et garder, quer c’est leur office, L’eglise et le peuple commun,
Et autressi bien touz comme un, 280 Sans flechir de la ne de cha.
En tel maniere s’adrecha
Le glorieux roy saint Loys;
Ceulz doivent bien estre esjoys
Qui sont descendus de sa ligne 285 Et en doivent estre plus digne;
Quer j’ay tous jours oy retrere
Que qui des bons est souef flere.
Et je repuis dire autelz contes
De chevaliers, de duz, de contes : 290 Ceulx aiment Dieu et son servise
Et les menistres de l’eglise,
Et lour subgez de rien ne grievent, Et sans cause amendes ne lievent, Mès sont de lour rentes contens 295 Sans riotes ne sans contens,
Et font ausmosne et charité
Selon lour possibilité ;
En paradis droit s’en iront
Quant de cest siecle partiront 300 Tout aussi com fist saint Gregore, De qui je treite quant a ore,
Qui fut des cenatours de Romme,
Et si fut si tres parfet homme
Que pour Dieu tout le sien donna 305 Aus povres et abandonna;
Et le povre qui l’out requis,
Qui .III. foiz l’out cerchié et quis Tout aussi com pour truander,
Out quant qu’il hi vout demander. 310 Il. foiz en .l. jour tout de route Vint a tout sa robe derroute
Et emporta XII deniers,
Et, quant il vint aux derreniers,
Le sains hons ne s’en courcha onques.
Que feront les omosniers donques 316
Aus rois, aus contes, aus prelas?
J'en puis por moy bien dire helas!
Quer, s’aucun a defaute grande
Et .Il. foiz le jour lour demande, 320
Eulz le feront fuster et batre
Ou par despit a terre abatre
Sans rien savoir de verité
Comme il a grant necessité.
Mès, se lour mestres les veissent 325
Je croy qu’ilz les en repreïssent,
Quer la maniere est trop rebourse,
Et l’omosne vient de lour bourse :
L’omonier n’i met que la main.
Pour ce a cest propos l’amain, 330
Quer Gregore autrement feisoit,
Dont s’omosne a Dieu plus plesoit,
Quer, sans batre et sans ledengier,
Donnoit aus povres a mengier
Et ne les aloit pas batant. 335
Or lerray cest propos a tant,
Quer bien apert par verité
Qu'il fust plein de grant charité. [me, Quant saint Gregore, le noble hom-
Estoit en s’abbeïe a Romme, 340
.L. jour envoia par la terre
