DURANDAL
El j'ay la pouldre de canon.
YSANGRIN.
Et moy mon espée enroullye.
Godifek.
J'ay ma hallebarde jolye.
Sariugot.
J'ay mon escrevice polye.
N'en as-tu pas toi ?
YSANGRIN.
Nennyn, non.
Tartarin.
J'ay ma hallebarde jolye.
Durandal.
Et j'ay la pouldre de canon.
Le second Chevalier Alain.
Chargez le tret & les bastons, Jaques, jornades, hoquetons, Pour armer les jeunes soudars.
Le premier Chevalier Alain.
Chargez tantes & pavillons, Chaisnes, cordes à. grésillons, Mortiers, couillars, lances &. dars.
Le premier Satrappe.
Puizqu'il fault que nous assaillons, Eschi elles à gros eschiellons Nous fault avoir de toutes pars.
Le second Satrappe.
Mais j'ay peur que nous n'oblyons Nos vivres <k provisions, Pour passer temps dedans noz parcs.
Rustarin.
Veescy noz picques & noz arcs Pour aller dessus la frontière.
-, 188 — Despiteulx .
Or, ;ilons user de no/ ars, Veescy uoz picques & noa arcs.
Ysaptoiun.
Se je ne gainne des hasars, Copper me puist-on la lestière.
Maulvenu.
Veescy nos picques & jios arcs Pour aller dessus la frontière.
/ci/ fnuli que toutes choses soient prestes et les chevaulcheurs montez et puis Croscus parle.
Croscus.
Chevauchons par bonne manière Puizque nos besongnes sont prestes, Empoignez moy ceste bannière, Et faictes sonner les trompeth .
Lors se prennent à chevaucher en bataille cl les trompettes sonner ung espace. Le second Salrappe } rie la bannière et est il'ploijce. El doivent eslre poreux de toutes choses servant à bataille et à siège. Après que les trompe tics ont sonné, le Fol parle :
Le Fol.
Je vous promeetz que ces sonnettes M'ont toute la teste eslonnée, Ad ce que je voy des aprestes, Je croy qu'il y aura meslée.
Cesluy cy a la teste armée, Sang bieu, corne il est estourdy!
N'esse pas cy Guygnemydi, Qui est plus fier (prune marmotte?
Par la mordieu, c'es Jeanjeudi!
Il pleure quant son cheval trotte.
Dieu! comment ccsluy-ry kubolte!
Je cuyde que le bas le Messe.
Hz s'en vont loger choux leur hostc, N'esse pns grnnt bien pour l'ostesse?
Grancey.
Je croy que je voy la liaultesse Des tourz de Lengres.
Choïseul.
Il est voir.
Vergier.
Je voy la doulceur oc humblesse Du bon Pasteur.
Trichastel.
Âlons le voir.
Lors vont à Didier.
Grancey.
Celluy qui passe tout scavoir Et qui vault plus que nul avoir, Vous doint lyesse & réconfort!
Didier.
De vostre gracieulx debvoir Puissiez bon loyer recepvoir De Dieu tout puissant & tout fort !
Choïseul.
On nouz a fait certain record Que vous avez guerre à discord Encontre mortelz ennemys.
Vergier.
Nous venons pour vostre confort.
Trichastel.
Nous amenons tout noslre effort.
Didier.
Bien soyez venuz, mes amys !
Afin que ne soyons surpris
Des Wandres mauldits & sauvaiges,
Entre nous avons conseil pris
De mander vos haulx personnaiges.
Croscus, plain de cruels outrages, Veult nostre loy mectre au dessoubs, Pour ydoles ou laiz ymages.
Messeigneurs, je m'en plain à vous.
Grancey.
Révérende paternité, Miroir de toute humilité, De doulceur, de dévotion, • Ne soyez point desconforté, Mais priez à la Déité Qu'elle vous soit protection.
Choiseul.
Se les Wandres ont volenté De destruyre chrétienté Pour folle superstition, La divine Bénignité Trouvera l'opportunité De frustrer leur intention.
Vergier.
Vous sçavez que d'antiquité Dieu sçet muer l'adversité En doulce consolation, Si croy que serez conforté Quant sous umbre de charité Luy ferez déprécacion.
Trichastel.
Vous estes & avez esté Plain de vertuz & de bonté,
Sans quelque repréhenciorij Ne mectez donc difficulté Que devers la Divinité N'ayez brefve exaudicion.
Didier.
J'ay assez recordacion Que Moyse eut force & vangeance, Seulement par oracion, Contre Amalech & sa puissance.
Pareillement j'ay espérance De prier Dieu qu'il nous conforte, Taudis que d'escu & de lance Vous commectrez la bataille forte.
Le Gappitaine.
Monseigneur, je voys à la porte Et aux murs pour y mectre garde.
Or, alez, car je m'en rapporte A vostre bonne sauvegarde.
Toutesfoiz, quant bien y regarde,
Il fault faire commandement
Que tout homme son quartier garde,
Sans l'abandonner nullement.
Item, soit armé seurement
De treict &. d'armure certaine,
Pour obéyr diligemment
Au mandement du Cappitaine.
Bon Pas, mon messagier loyal, Vous entendez ce que je dis, Pourtant veul qu'à mont & à val, Allez publier ces éditz.
Bon Pas. bom ssaigier.
Très volontiers, nom pas ennys J'acompliray vostre vouloir.
Didier.
Se vous faictes à mon devis Vous n'en pourrez que mieulx valoir.
Lors va eu la place crier à son de trompe le cry qui senmyt. Bon Tas.
Ouyez! On vous fait à sçavoir, De par le grand prélat Didier, Que tout homme face debvoir De prandre garde en son quartier, Porveu de trait bon & entier Ou de harnoys, tel qu'il pourra, Pour combatre, s'il est mestier, Quant le Cappitame vouldra.
Le Cappitaine.
Seigneurs bourgeoys, il vous fauldra De bien garder estre soigneux.
Le premier Bourgeoys.
Nul de nous n'y contredira, Puizque le temps est dangereux.
Le second Bourgeoys.
Nostre Évesque très vertueulx L'a fait cryer & commander.
Le tiers Bourgeoys.
Si nous fault estre curieulx De bien ceste ville garder.
Le quart Bourgeoys.
Quant à moy, je m'en voys armer, Puis monteray sur la muraille.
Le Père Valier.
Puizqu'il fault la guerre entamer, Quant à moy, je m'en voys armer.
Le Bailly.
Affin qu'on ne puist présumer Que je crains rencontre ou bataille, Quant à moy, je m'en voys armer, Puis monteray sur la muraille.
Le Cappitaine.
Il nous fault quelque pinsemaille Pour faire le guet au plus hault.
La Guette.
Sire, vous plait-il que j'y aille?
Le Cappitaine.
Ouy, tu es ce qu'il me fault, Mais il te convient estre cault Et sonner fort si tu voy rien .
La Guette.
Si je voys approcher ribault, Pensez que je tapperay bien.
Les Bouryeoys prennent des basions on armures et s'en vont sur les murs; la Guette monte en une tourelle où il y aura
une cloche.
Croscus.
Mes v ssaulx & mes gens de bien, Vous sçavez que fort chevauchons, Et si ne sçay de voir combien Des murs de Lengres aprochons.
Si est bon que nous envoyons Avant courreurs & avanceurs, Afin telle que nous soyons Tousiours plus munys oc plus seurs.
Le Roy des Alainz.
Envoyez y des chevaucheurs Pour sçavoir si rien trouveront.
Croscus.
Vos chevaliers <k gouverneurs Et mes satelites iront.
Le premier Chevalier Alain.
Nous irons à val & à monl Descouvrir tous les haulx sentiers.
Le second Chevalier Alain, Puis que le Roy nous y semonl, Quant à moy, j'y voys volontiers.
Lors s'en vont vers la Cité espyant.
Godifer.
Alons espyer les quartiers A l'environ &. à l'entour.
Sarragot.
Comme coureurs fiers k entiers, Alons espyer les quartiers.
Tartarin.
Je voy la porte & les portiers, Les crénaulx, le mur à la tour.
Ysangrin.
Alons espyer les quartiers A l'environ & à l'entour.
La Gtiette voit les avant coureurs et dit :
La Guette.
Alarme ! Nous aurons mauljour, Je voy les Wandres à trotter, Il me fault, sans plus de séjour, Ma cloche sonner <k tinter.
Lors sonne alarme.
Le Cappitaine.
Ho! guet, ho! Qu'as-tu à sonner?
Vois-tu ennemys aprocher ?
La Guette.
Ils nous viennent environner Et se liastent de chevaulcher, Puiz vient ung ost grand oc somier Du costé devers Âlemaingne.
Le Cappitaine.
Sont-ils jà prèz?
La Guette.
Le trayn premier Commence à monter la monlaigne.
Le Cappitaine.
// parle aux Bourgeogs el Messagier.
Tost à culx! Que nul ne se faingne!
S'il plaist à Dieu nous les aurons.
Où sont Messeigneurs les Barons ?
Alez les quérir, messagier.
Or suz, trompettes & clairons, Sonnez pour noz gens desloger.
Lors on trompe ung petit el Bon Pas va parler aux Barons. Bon Pas, messagier.
Messeigneurs, je vous viens noncier Que les Wandres tirent avant, Pourtant vous convient avancer S'il vous plail d'aler au devant.
Grancey.
Suz, chascun se face vaillant !
Alons ces payens rencontrer.
Choiseul.
Tantost sentiront mon taillant.
Suz, chascun se face vaillant !
Trichastel.
Puisqu'ils vont le pays pillant, Je leur veul ma force monstrer.
Vergier.
Suz, chascun se face vaillant!
Alons ces payens rencontrer.
Le Bailly.
Il nous fault ung petit haster Car les Wandres approchent fort.
Le Père Valier.
Efforçons nous de les macter Et reboutons tout leur effort.
Grancey parle à Didier.
Cliier Seigneur où prant son confort
Et ressort Toute la (erre lingonicque, Nous alons batailler très fort,
Jusqu'à mort, Contre puissance wandalicque.
Hz tiennent la loy paganicque
Très inicque, Et pourtant veullez requérir A la puissance déificque,
Magnificque, Que puissions victoire acquérir.
Didier.
Celluy qui tous biens fait venir Par divine opéra ci on, Vous veulle conduyre & tenir En sa saincte protection!
Je feray supplicacion Pour tous continuellement, Item, ma bénédiction Je vous donne au département.
Didier leur fuict la hénédielion et Hz s'en vont.
Le Cappitaine.
Seigneurs, partons légièrement, Car les Wandres sont cy auprès.
Ciioiseul.
Dieu nous doint bon commancenient!
Grancey.
Je voys devant, venez après.
Le Cappitaine dit aux Bourgeons.
Sur la muraille vous tenez, Vous & vous à vostre assemblée, De la Cité garde prenez Qu'on ne la surprengne d'amblée.
Lors ijssent de la Ville el Didier se mecl à genoulx. Triciiastel.
J'apperçoy la première armée.
Vergier.
Il leur convient monstrer les dents.
Le Cappitaine.
Pour la foy digne <k bien famée, Au nom de Dieu, frappons dedans.
Lors tirent avant. Cy descendent les Wandres,
Sarragot.
Je voy ung grant nombre de genz Qui font sur nous une saillye.
Ysangrin.
Par noz Dieulx qui sont beaulx <k gents ! Je voy ung grant nombre de genz.
Godifer.
Il nouz fault eslre diligenz De leur remonstrer leur folye.
Tartarin.
Je voy ung grant nombre de genz Qui font sur nous une saillye.
Le premier Chevalier Alain.
Suz, aprochons la compaignye.
Le second Chevalier Alain.
Tresperçons targes <k esculz.
Le premier Chevalier Alain.
Tantost l'auront belle gaingnye.
Le second Chevalier Alain.
A mort ! à mort!
Le premier Chevalier Alain.
Vive Croscus !
Le Cappitaine.
s'avance et le premier Chevalier vient contre lui. Wandres, mal soyez vous venus, Jamais vous n'en retornerez.
// frappe.
Tenez, tenez, ces cops cornuz, Je croy que mon bras sentirez.
Le premier Chevalier Alain.
Mauldit chrétien, vous en aurez, Empoignez moi ce horyon // le refrappe.
Grancey au second Chevalier Alain, Payen, ce cop emporterez.
// frappe.
Le second Chevalier Alain.
Pluto vous doint aflliction!
// refrappe.
Le Bailly à Godifer, Wandres, vuydez la région, Paillard, mécréant, ydolatre.
// frappe.
GODIFEK.
Que la sanglante passion Vous puist crevanter &. abatre !
// refrappe.
Choiseul à Tarlarin.
Vous serez battu plus que plâtre.
// frappe.
Tartarin.
Mais vous mesme, faulx adversaire.
// refrappe.
Vergier à Ysangrin.
Tenez, allez ailleurs combattre, Payen incrédule & faussaire.
Il frappe.
Je croy que noz genz ont affaire, Il les fault aller secourir.
Puis on se retrait.
Le Roy des Alainz.
Pourvoyons tost à cest affaire, Paz ne les fault laisser morir.
Croscus.
Suz, galans, sans plus enquérir, Frappez dedans à toute instance.
Le premier Satrappe.
Au nom des Dieux, j'y voys férir.
Le second Satrappe.
Et je m'en voys rompre la lance.
Lors s'aprochent.
Le Cappitaine.
Ha ! veescy toute la puissance, Messeigneurs, entendez à vous.
— wo —
Triciiastel.
Mectez voz genz en ordonnance, Cappitaine.
Lk Cappitaine.
Si faisons nous.
Vergier.
Veescy Croscus & ses genz tous, Mes amys, soyons genz de fait.
Le Bailly.
Au nom de Dieu piteulx & doulx, Monstrons leur couraige parfait.
Le Cappitaine.
Frappons sur ce premier cornet Et s'il advient qu'ayons du pire, .le feray sonner mon cornet Afin que chascun se retire.
Lors se meslent les deux batailles et se combattent une pièce, \mis le Cappitaine sonne un cor pour la retraite et dit Grancey.
Grancey.
Hetirez-vous, francs combatans, Car vées là le cornet qui sonne.
Le Bailly.
De pluz combatre il n'est pas temps, Chascun soit seur de sa personne.
Le Cappitaine.
Retornez, je le vous ordonne, Et nous qui avons fier courage, Vous garderons par force bonne, En monstrant aux payens visage.
Lors entrent en la Ville par ordonnance cl le Cappitaine et aucuns principaux sont darrière et fout large à leurs (jens. ri quant ils sont tous dans la Ville, ils ferment la parle.
Croscus.
0 faulx satellites, j'enraige Quand vous les laissez esehapper.
Le premier Satrappe.
Ils ont leurs portes d'avantaige, Et si l'ont raige île frapper.
Le Cappitaune.
Mes amis, il convient penser De bien barrer sa fermeté, Puis aux murs se fault amasser Pour garder de chascun costé.
Le premier Bourgeoys.
Nous avons bonne volenté De faire fort guet tout partout.
Le secoiNd Bourgeoys.
En nous n'a point de laschelé, Nous avons bonne volenté.
J'ay jà des pierres à planté Pour très bien deffendre à ce bout.
Le quart Bourgeoys.
Nous avons bonne volenté De faire fort guet tout partout
Le Cappitaine.
Ho! guet?
La Guette.
Par Dieu, le sang me boult!
Le Cappitaine.
De quoy?
La Guette.
De grant crainte & de double.
Je voy ung ost qui contient moût Et comprant la montaigne toute.
Le Cappitaine.
Espye, regarde Sa escoute, Que ne soyons prins en sursault.
La Guette.
S'il est nul qui vers nous se boulle, Que feray-je?
Le Cappitaine.
Sonne à l'assault.
La Guette.
Ho! jamaiz n'en viendra deffault, Puizque vous me le commandez.
Cnoscus.
Noz ennemys sont reboutez Et à nous gaingnié la place, Nous sommes seurs de tous coslez, N'y a Lengrois qui nous mefface.
Chascun de vous son losgis lace, Chascun soit de tente garny, Car je veul que devant leur face Le siège soit cloz Sa mugni.
Le Roy des Alainz.
11 fault faire ung parc tout basty De chayennes & de fort cliarroy, D'artillerie bien sorty, Pour éviter leur désarroy.
Croscus.
// cnje :
Tost à l'œuvre.
Le premier Satrappe., Très noble Roy, Puisque c'est vostre volenté, Tantost aurez, corne je croy, Bon siège Sa bonne fermeté.
Le marchié sera cy plant é Pour losgier les mestiers divers, Puis nous ferons de ce costê Noz entrées à nos boulevers.
Le second Satrappe.
Il failli aprester les marteaulx Pour noz bombardes affuster, Gros bouletz, pierres & carreaulx, Propres à tirer & getter.
Il fault des taudiz charpenter, Faire fosses, trancbiz & myries, Et entre les paliz bouter Courtaulx, couillarz, serpentines.
Le premier Chevalier Alain.
Suz, mectez suz les brigandines, Pour achever ce qui est dit.
Durandal.
Par Jupiter qui fait les signes, Je n'y mectz point de contredict.
Le second Chevalier Alain. Il convient petit à petit, Fermer le parc tout à l'entour.
Rustarin .
Ho ! puisque c'est vostre appétit, Il sera fort comme une tour.
Maulvenu.
Trop avons esté de séjour, Il se convient mectre à l'ouvraige.
Despiteulx.
Soit à la cuisine ou au four Trop avons été de séjour.
Godifer.
Tu dis vray, Dieu te doint mauljour!
Tu en faiz bien ton personnaige.
Sarragot.
Trop avons esté de séjour, Il se convient mectre à l'ouvrait^.
Tartaki.n.
Or, ça, <;à, çà, je ferai rage, Si me veul me monstrer vaillant.
Ysangrin.
Pour assaillir ung mol fromage Tu es hardi comme ung Roland.
Lors font leur parc cl siège cl assient leurs engins.
Pausa pour faire le parc.
Le Cappitaine parle à Didier.
Pasteur bénigne à advenant, A qui ce pays est submis, Nous revenons tout maintenant De festyer nos ennemys.
Dictes vous?
Le Cappitaine.
Ils ont siège mis Au plus près de ceste Cité.
Didier.
Dieu qui conforte ses amys, Nous gard' de leur iniquité!
Se nous avons affliction, Il plaist à la divine Essence, Pourtant en tribulacion Nous fault armer de pacience, Purgeons à toute diligence, Péchez ou vices anormaulx, Car la mauvaise conscience Est souvent cause de tous maulx.
Pays qui voit devant son mur Guerre qui le bat & corrompt, Doit noter : quitquid patimur Ut pciam meruerunt.
Pour ce que les péchez se font Sans crainte de dampnacion, Vient la guerre qui tout confond, Par divine permission.
La Bible qui mecl, en main lieu, Plusieurs exemples au propoz, Dit : Quant le peuple servoit Dieu, Il vivoit en paix & repoz ; Mais sitost qu'il estoit encloz En vice ou en transgression, Tous biens luy estoient forcloz, Et avoit désolacion.
Par péché vint le grant déluge
Qui toute la terre nya,
Quant, pour le seul mondain refuge,
Noël son arche édiffya.
Péché Sodome desnya
Et pervertit de bon régime,
Car Dieu contre eulx si obvya,
Et les fit confondre en abisme.
0 peuple de ceste Cité, Et vous gens de mon Évesché, Souvant vous ay admonnesté De laisser ordure & péché.
Quiconques se sent empesché D'orgueil, d'ingratitude ou d'ire, Face qu'il en soit despesché, Ainçoys que Dieu montre son ire.
Péché nuyt Aux mauvays, Jour & nuyt Péché nuyt.
Il induyt Pesant faiz, Péché nuyt Aux mauvays.
Si te requier, ô Créateur, Soubz qui je me rends & incline, Que tu soye consolateur Du peuple qui tient la doctrine.
Permetz que ta grâce divine Luy soit garde, conduicte <k chief, Et s'il y doit avoir ruyne, Tourne sur moy tout le meschief.
Mes gens doloreux Veullez securir, Et me fay pour eulx Finer <k morir, Je me veul offrir S'il est nécessaire; A tourment souffrir Pour mon populaire.
Maria.
0 Dieu, piteux ô. débonnaire, Qui la machine circulaire Fondas d'ung seul commandement, Je te vien péticion faire Pour le pesant ck dur affaire Que Didier a présentement
Wandres, plains de forcènement, L'ont assiégé cruellement, Voulans la loi adnichieller.
Mon Dieu, je te prye humblement Que d'aucung resioussement Tu veulles son cueur consoler.
Croscus ydolatre, Plain de grant folye, Venlt par force Sa Cité jolye.
Voy la maladie, Dispose du fait, Mais, quoy que je dye, Ton plaisir soit fait.
Deus.
Bien sçay que Didier est parfait Quant aux euvres de charité, Et n'a aussi nul bien forfait Es habitans de sa Cité.
Ceste guerre ou adversité Purgera tout s'il y a rien, Et exaltera la bonté Du bon Prélat que j'ayme bien.
Par éternelle providence L'ay volu porvoir & eslire, Pour l'eslever à l'excellence De la coronne de martire.
Item, je sçay bien qu'il désire Son corps pour moy sacrifier, Si le veul en mon hault empire Par ce moyen glorifier.
Croscus, le payen wanclalicque, Sera cause & occasion D'augmenter sa gloire auclenticque Par glaive & par occision.
Adversité preuve le bon, El donne aux pécheurs médicine, Ne plus ne moins que le charbon, L'ung métal purge & l'aullre affine.
Guerre ou mauvaiz temps
Le bon preuvera,
Et les repentans
Du tout purgera.
L'ung en recepvra
Exaltacion,
Et l'aullre en aura
Sa purgacion.
Quant à Didier, je luy ordonne Double couronne d'excellence, Et au peuple ma gloire donne, S'il meurt pour ma foy & créance.
Je n'auray plus réminiscence D'aucun vice ou transgression, Car je purge la conscience Par feu de tribulacion.
J'ay une imaginacion Qui en la teste me repose, Vous en orrez mon loppyon Tantost, si je le vous propose.
Le diray-jc ? Parbleu je n'ose, Au fort vous y prandrez delict.
Par mon âme ! c'est bien grant chose S'ung cheval couche en ung lict,
Yées là ce coquart qui en rit Comme il feroit d'une folye.
Sçavez-vous point qui me nourrit ?
Ce fait fouyr mélancolye.
Venez ça, Gérarde, ma mye, Enco, enco, se disoit elle.
Elle est gorgiasse n'est mye, Ghascun n'en a pas une telle.
Lucifer.
0 poison pire que mortelle, Me ferez vous crever le cueur ?
0 poison pire que mortelle, Qui me tient en telle tutelle Que je n'ay force ne vigueur.
Envieuse & faulce querelle, Plus putte que n'est maquerelle, Trop me plaint de vostre rigueur.
Où est Satham, mon gouverneur, Qu'il ne vient cy quand je l'appelle ? 0 folle infernalle fureur, Dyables plains de toute cautelle, Me ferez vous crever le cueur?
Satham.
Vous cryez que c'est grant orreur, Je ne sçay quel dyable il vous fault.
Astaroth.
Mauldit prince de toute erreur, Vous cryez que c'est grant orreur.
Bailler vous veul crainte & terreur.
Astaroth.
Fault il pourtant cryer si hault.
Bélyal.
Vous cryez que c'est graiit orreur, Je ne sçay quel dyable il vous fault.
Lucifer.
Je raille icy sur mon cbaffault, Je fiers, je frappe, je tempesle, El si n'est nul qui face ung sault Devant ma merveilleuse teste.
Satiiam.
Ha ! nostre fait est très honneste, Enfer aura beaucoup de biens, Car nous avons esmeu la feste Entre Croscus oc les chrétiens.
ASTAROTH
Alains, Wandres & forts payens Ont devant Lengres siège mis, Pour destruyre ceulx de céans, Comme leurs mortels ennemys.
Bélial.
L'Evesque Didier est assiz Et est porsuyvy si très fort Que pour mil marcs d'or massiz Il n'échapperoit pas de mort.
Léviatiiam.
Il n'y aura jamais accord S'il ne change loy ov créance, Tout sera mis à desconfort Par nostre bonne provéance.
Belphégor.
Combien que Lengres ait puissance De Barons ce de Chevaliers, Si morront ils à desplaisance, Tant les clercs que les séculiers.
Cerbérus.
Vous qui allez sur les sentiers Bcsongnez de bonne manière, J'alumeray en demantiers Le feu dessoubz la grant chauldière,
Lucifer.
Il fault ce Didier mectre en bière Et son peuple pareillement,.
Ceste opéracion première Meclez à fin présentement.
Je vous enjoinctz secondement Quant les Wandres auront fait guerre, Qu'ils soient mis à dampnement, Mutilez & ruez par terre.
Satiiam.
Bien petit gain povons acquerre Sur les Lengroys, je le sçai bien, Si fault-il leur dommage querre Pour Didier qui fait trop de bien.
Astaroth.
S'il augmente le nom chrétien Longuement, par faictz & par dictz, Nostre enfer ne gaignera rien, Car tout ira en paradis.
Bélial.
Ses citoyens, grans & petis, Sont si très bien endoctrinez Que, si nous ne sommes soubtilz, Jamais ilz ne seront dampnez.
Ils ont espoir d'estre saulvez, Moyennant ceste affliction, Car puisqu'ilz sont ung peu grevez, Dieu leur fera remission.
Belphégor.
Bien sçay qu'ils ont intencion De tenir la foy catholicque, Ne pour quelconque oppression, Ne prandront la foy paganicque.
Cerbérus.
Si fault-il que de mort inicque Croscus les face tous flner, Et puis pour ce fait tyrannicque Les Wandres pourrez amener.
Lucifer.
Matins, fault-il tant sermonner, Et toy, Satham, beste endormye, Que ne fais-tu l'assaull donner Contre Lengres nostre ennemye ?
Satham.
Je m'en y voys bon gré, ma vye!
Tantost en verrez l'apparence.
Lucifer.
Vas esmouvoir ire & envye.
Satham.
Je m'en y voys bon gré, ma vye !
Astaroth.
Puizque Lucifer t'y convye, Il t'y fault faire diligence.
Satham.
Je m'en y vois bon gré, ma vye !
Tantost en verrez l'apparence.
Bélial.
Maynne moy pour faire assistance, Ta cause n'en vauldra que mieulx.
Astaroth.
Mais moy qui de toute science Suys plain cv t'arcy jusque aux yeulx.
Satham.
Çà, je vous menray en tous lieux, Puisque de malice estes plains, Ceulx-ci tempteront les plus vieulx Tant des Wandres que des Alains.
Bélial.
Alons m'en, par mons <k par plains, Faire rage de noz deux mains Pour ceste bataille eschauffer.
Lucifer.
Or, allez, de par Lucifer!
ASTAROTH
Nous allons semer zizanie Sur Croscus <x sur sa maignie Pour repeupler tout nostre enfer.
Cerbérus.
Or, allez, de par Lucifer!
Satham.
Pour achever ceste besoingne Congé prenons de votre troingne, A ceste foys nous ferons fer.
Lucifer.
Or, allez, de par Lucifer!
Lors s'en vont Satham et Aslarolh parler à Croscus et Belphégor et Léviatham vont faire les manières aux gens du Roy des Alains et des aullres personnages.
Didier, à genoulx.
Dieu éternel qui tout sçeus ordonner Et gouverner par loy inénarrable, Ton plaisir soit noz vices pardonner, Et nous donner force de répugner
Ou expugner Croscus insaturable.
Sa loy dampnable & secte misérable, Non convenable à bons loyaulx chrétiens, Répudions, nous qui sommes tous tiens.
Mais se ta justice Veult à ce propoz Corriger le vice Des mauvais suppoz, Fay sur moy l'impost D'annuy rigoreux, Et laisse en repoz Mon peuple amoreux.
S'ilz ont aucune foys forfait, Pourtant n'ont pas cueur endurcy, Mais requcrent pardon du fait Et se mectent en ta marcy.
Mon Dieu, efface leur soucy, Garde les de toute insolence, Combien que je remectz cecy A la discrète providence.
Le Cappitaine.
Pasteur plain de bénévolance, Il seroit bon de visiter Voz gens qui font grant diligence De garder <k de résister.
Didier.
Je les veul aller exhorter De vivre & morir en la foy, Et si les vueul reconforter.
Va lier, venez avecque moy.
Lors s'en va vers les murs.
Le Fol.
Je suis plus aise 'que le Roy, Sans soing & sans mélancolye.
Je ne puis parler quant je boy, Cela me vient-il de folye?
Estes-vous là, Margot, ma mye?
Vous faictes fort de la grimace.
Ha! je \ous vois bien chiche lace, Avec le gentil Pirdouy.
J'ay le pulmon tout resjoy Par force de manger moustarde.
Ho ! je cuyde que j'ay ouy Bouter le fer en la bombarde.
Didier.
Cy parle aux Bourgeoys.
Mes enffans, faictes bonne garde, Car le besoing nous presse fort, Et Dieu qui ses amys regarde, S'il luy plait, vous donra confort.
Gardez que pour aucun effort La saincte Foy ne vyolez, Et s'il en fault recevoir mort, En gloire serez consolez.
Le premier Bourgeoys.
Monseigneur, puisque vous le voulez, La muraille bien garderons, Et nostre loy ne delairons Pour estre prins à décolez.
Le second Bourgeoys.
Combien que soyons désolez, Touleffoys nous résisterons.
Monseigneur, puisque le voulez, La muraille bien garderons.
Le tiens Bourgeoys. Se maulditz payenz avolez " Cuydent monter par eschiellons, Nous leur trairons de telz raillons Qu'enfin seront tous affolez.
Le quart Bourgeoys.
Monseigneur, puisque le voulez, La muraille bien garderons, Et nostre loy ne délairons Pour estre prins & décolez.
Didier.
Jhésu Crist, comme vous sçavez, Pour nous a souffert passion, Ainsin, mes amys, vous debvez Pour luy soffrir affliction.
Posé qu'on face occision D'entre vous, jeunes & anciens, Encoir, sans comparacion, A Dieu plus soffert pour les siens.
Le Bailly.
Mous voulons estre bons chrétiens Et en la Foy vivre & morir.
Dieu qui cognoist tous nos maintiens Est puissant pour nous secourir.
Pansa.
Honorius, Empereur de Romme.
Les Wandres sont issuz de leur conlrée Pour usurper régions transalpines, Et ont déjà si grant force montrée Que si bref n'est leur fureur rencontrée, Romme y perdra ses tribulz & propines En leur ostanl tentes & municipes, Car il fait bon obvyer aux principes.
Le hault Marien, Bras de mon empire, Est grant terrien Pour les desconfire.
Je luy veul rescripre, Par briefz & cédules, Que livre à martyre Wandres incrédules.
Le Consul.
Haulte puissance impératoire De circuité mondial, Il est à tout homme notoire Que Marien est très léal, Il est traitable & cordial Vers voz suppotz & bons amys, Il est ouvrier spécial De rebouter les ennemys.
Le Tribun.
Marien a tant de vertus Qu'il n'est homme qui s'en sçeut taire. C'est Quintilius ou Torquatus En discipline militaire.
Il est preu comme un sagittaire, Comme Jurgutte ou Atorbal, Sa grant proesse je compare A Scypion ou Hannibal.
Honorius.
Chascun son entreprise
Prise, Car tout par efficasse
Casse, Par luy est voye esquise
Quise,
Qui bien à sa devise
Vise, Tout homme en brefve espace
Passe, Si veul que voir sa face
Face, En armant gens confines
Fines, De bonnes brigandines
Dignes.
Bien loist que par armes bellicques 11 maintienne en prospérité Toutes les régions gallicques Qui sont de grant nobilité.
Singulièrement la cité De Lengres notable <k haultainne.
Car elle a bonne affinité A nostre nacion romainne.
Et pour ce que j'ay entendu
Que les Wandres y font grant guerre
Dont pourroit estre confondu
Le saint Evesque de la terre.
Il convient qu'on aille grant erre
Ces tirans faire desloger,
Leur ost dépréder &. conquérir,
Pour le sang des chrétiens vanger.
Le Consul.
Si fort les voulons dommager, Sachez, puissant Impérateur, Que debvez ce fait en charger A Marien le sénateur.
Le Tribun.
Il est homme de grant valeur, Il est fort & victorieux Et ne sçaurez trouver meilleur Soubz vostre empire glorieux.
Honorius.
Çà, messagier gent & joyeux.
Vers Marien te fault aller Luy dire qu'il soit curieux De ces Wandres adnichiller.
Puisqu'ils veullent suppéditer Nos sacremens évangélicques, ïl les convient persécuter Comme tirans à héréticques
Va luy présenter ceste lettre, Laquelle je te charge <k baille, Car j'y ay fait escripre à. mectre La chose de ceste bataille.
Lors luy baille ung mandement.
Diligent, messagier.
Puisque commandez que j'y aille, Haultain Prince & bras séculier, Vous n'avez garde que j'y faille, Mais suis pretz comme ung chandelier.
Le Consul.
Pense de ce faict exploicter, Car il touche le bien publicque.
Le Tribun.
Traverse à coup tout le quartier De la région ytalicque.
Diligent.
Où est la personne auctenticque De Marien que je demande ?
Le Consul.
En Arles, la cité anticque, Préside & tient tout en commande.
Honomus.
Ce fait cyje te recommande.
Diligent.
.l'entend le caz, adieu vous dis.
Le Tribun.
Pour ce que la matière est grande.
Ce fait cy je te recommande.
Diligent.
Je luy diray ce qu'on luy mande, S'il plaist à Dieu de Paradis.
Le Consul.
Ce fait cy je te recommande.
Diligent.
.l'entend le caz, adieu vous dis.
Honorius.
Tien là, je te donne bon pris, Va, si besongne à mon plaisir.
L'Empereur luy baille une poignée d'argent. Diligent.
Hault Prince, où tous biens sont comprins, Je vous feray voslre plaisir.
Lors le Messagier s'en va déambuler une espace sur les rendz ' cl puis se retraicl en certain lieu jusqu'après l'inhumacion de Didier qu'il ira parler à Marien en Arles cl perfornira son messaige corne il est escript cy aprèz.
Sathani et ses deux compagnons viennent ici parler au roy Croscus. Satham à Croscus.
Croscus, je te viens advertir
De pervertir Lengres, la très forte cité.
Fav Didier de tout convertir
Et divertir A ta loy & crédulité, Ou sinon soit exécuté Par grant fierté, Luy & toute sa kyrielle, N'y ait chrétien nul excepté
Ne supporté, Tant soit jeune, masle ou femelle.
Astaroth.
Maintien la querelle Des Dieux & Déesses.
Bélyal.
De ta loy moût belle Maintien la querelle.
Astaroth.
N'espargne tournelle, Murs ne forteresses.
Bélyal.
Maintien la querelle Des Dieux & Déesses.
Croscus.
0 mille divines Haultesses Qui gouvernez les élémens, Je remarcie voz humblesses De tous ces advertissemens.
0 Mars, Dieu des tournoyemens, Bacchus, producteur de vendanges, Cérès, Déesse des fromens, Je vous rends cent mil louanges !
Tost, satrappes & millénaires, Esquelz il n'y a que recouldre, Satellites & picquenaires, Qui sçavez ung harnoiz descouldre.
Deffonsez ces tonneaulx de pouldre, AfTustez nostre arlillerye, Si tirez aussi dru que fouldre Pour commancer la batterie.
Le premier Satrappe.
Suz, galanz, suz, à la trairye Ung chascun face bonne myne.
Le second Satrappe.
Qu'il n'y ait homme qui varie Car assez advons pouldre fine.
Tartarin.
J'ay jà chargé ma serpentine Pour gecter gros coups évidens.
Ysangrin.
Et j'ay chargé ma couleuvrine Si voy bouter le feu dedanz.
Lors chascun fait semblant de besogner tant aux basions corne aux traicts à la pouldre et au feu.
La Guette.
Alarme, alarme, bonnes gens, Car les payens que nous doublons S'approchent comme diligens Pour tirer de leurs gros bastons.
Le premier Bourgeoys.
Il fault que nous les reboutons Par bien deffendre et par tirer.
Le second Bourgeoys.
N'espargnons faces ne mentons, Il fault que nous les reboutons.
Le tiers Bourgeoys.
Chargeons le traict & ajustons, Et puiz les faisons retirer.
Le ouart Bourgeoys.
Il fault que nous les reboutons Par bien deflendre ex par tirer. Icy est bon que ceulx de la Ville gcclcnl aucunz coups de basions à feu cl paiz Didier dira :
Didier.
Je croy qu'il serait bon d'aler Aux crenaux dessus la muraille, Pour gracieusement parler A ceulx qui nous livrent bataille.
Valier.
Ainçoys que la Ville on assaille, Remonstrez leur ceste insolence.
Didier.
S'il est monicion qui vaille, J'en feray toute diligence.
Lors monte sur la muraille el parle haultemenl aux Wandres. Croscus, donnez moy audience Et escoutez deux motz ou trois, Nous tenons la foy & crédence De Jhcsu Crist, le Roy des Roys, Ne nous faictes plus de desroys, Craindez la divine Puissance, Car celluy qui morut en croix Pourra de vous prendre vengence.
Le second Satrappe.
Tirez, tirez à toute instance, En despit de son hault quaquet.
Tartarin.
Veull-il faire sa remonstrance ?
Ysangrin.
Il y trouvera peu d'aquest.
Adone tirent aucunes serpentines ou couleuvrines et ceulx de Lengres gectent pierres el aultres traits.
Le premier Bourgeoys.
Je feray cueillir le muguet A ce Wandre qui si fort tire.
La Guette. Gectez, gectez, je fay hou guet.
Soit gecté ung cop de chascun costé et puix dicl; Le second Bourgeoys.
Déà ! on nous respond tire a tire.
Godifer.
Je vous feray soffrir martyre, Chrétiens infâmes & mauldits.
Le Bailly.
Ne vous chaille, laissez le dire, C'est peu de chose que ses dictz.
Le second Bourgeoys.
Tirons danguiz gros & petiz.
Le tiers Bourgeoys.
Pour Dieu ! laissons les reculer.
Le quart Bourgeoys.
Nous ne sommes pas apprentiz De tirer genz & aflbller.
Soit (jcclé ung cop de la Ville.
Sar ragot.
Chrestiens, je vous feray baler.
Voulez vous maintenant hoingner?
Le Cappitaine.
Ne vous chaille de leur parlée.
Le Père Valier.
Peu parler à bien besongner.
