Qui plus s'aba[i]sse, plus est essauciez

LAIS D AUTEURS CONNUS

Et qant si grant chose empris ai Con de vostre amor chalengier, Toz tens en pardon servirai, Se tout n'en ai altre loiier.

Ma très douce dame honorée,

Je ne vos os nés proier ; Cil est moût fols qui si haut bee

Ou il n'en ose aprochier.

Mais tote voie Très bien revoudroie Vostre amors fust moie Por moi ensengnier ;

Car a grant joie Vit & s'esbanoie Cui Amors maistroie :

Meuz s'en doit pro[i]sier.

Qui bien vuet d' Amors joïr

Si doit soffrir

Et endurer Qnn k'ele Ii vuet meiïr,

Au repentir

Ne doit panser, Coin puet bien, tôt a loisir,

Son boen désir

A point mener.

Endroit de moi criem morir

Meuz que garir

Par bien amer.

Se je n'ai la joie grant

Que mes fins cuers va chaçant,

Deffenir m'estuet briement.

Douce riens por cui je chant, En mon descort vos demant Un ris debonairement :

Moins en avrai de tonnent, S'en vivrai plus Iongement.

Bêle, j'ai si grant envie D'embracier vostre cors gent, S'Amors ne m'en fait aïe, J'en morrai coiteusement.

Amors ne m'en faudrat mie, Car je l'ai trop bien servie, Et ferai tote ma vie, Senz mile fause pansée.

Preuz, de tote gent loee, Plus que mile qui soit née, Se vostre amors m'est donee, Bien iert ma joie doublée.

Mon descort ma dame aport La bonne duchesse, por chanter, De toz biens a li m'acort, 64. K'ele aime déport, rire & juer.

Dame, or vos voil bien mostrer Que je ne sai vostre per De bone vie mener