Saichiés, ma doce amie

Ke s'il s'em part, il partira :

De ce ne dotés mie.

Honis soit ki départira 44. Si doce compaignie !

Ne fait mie a départir ;

Diex nos en deffende !

Ains puisse li miens partir 48. Que li vostres tende,

Doce amie, au resortir.

A m'amor entende !

Faice l'on de moi martir Ançois que ç'atende !

LAIS PROFANES

Amie, entre vos & moi N'ait ne guerre ne descort ; Doce amie, par la foi Ke jo, vostre amis, vos port, Et port & porter vos doi, Ja, par moi ne par mon tort Ne por rien ke je foloi, Ne ferai de vos resort.

Ja ens moi ne péchera Ke j'aie vostre corous : Tuit li bien ke mes cuers a Puissent ancois estre rous !

Les biens ai je tos a ja Et les delis ai je tous Quanques Damediex cria, La desus & cha desous.

Onques a home vivant N'avint mais si bien d'amer, Tant com ventent tuit li vent De la & de ça la mer.

Dame, merci vos en rent, De par cui se puet clamer

Cil ki mais nul mal ne sent, 76. Ne en qui n'a point d'amer.

A nului ne port envie

De rien ki soit en cest mont ;

Ja ne quier plus ens nia vie