Archives du Musée Plantin, Brievon, vol. X, fo 20 v
LOS nm SE es. OR LS
dira le vulgaire... Je vous répète que la nécessité m'a toujours contraint et me force encores d’user de tout labeur assidu, d’espargne, et de tous autres moyens qu'il plaist à Dieu me donner pour souslenir nostre honneur, et par conséquent celuy d’entre vous tous et des vostres qui apres nous (mais non devant) devés estre heritiers de nous deux, vieux et caducs, ausquels devés maintenant aider et non pas nuire, à nous acquitter et vivre le reste des jours qu'il plaira à Dieu de nous laisser entre les hommes : ce que commencerés de faire si premierement nous payez ce que dewés, comme il appartient que le faciés plus tost qu’autres, estant certain que toute personne raisonnable tasche plus tost de faire le devoir et payer ses amis et prochains que les estrangers, de qui ils ne pretendent d'estre heritiers; et ainsi l’ay je tousjours practiqué et le praticqueray autant que Dieu m'en fera la grace, aimant beaucoup mieux devoir aux estrangers qu'aux amys !. »
Gilles Beys feint de ne pas comprendre la lecon, se rebiffe el recoil peu de temps apres la nouvelle et rude admonestation que voici :
« Gilles, Pour response aux vostres du 12 janvier, je m’esbahi grandement que ne pouvés comprendre les raisons qui me contraignent, selon Dieu et la nature, de n'obtempérer à vostre requeste autant incivile et non acceptable que seroit celle d’ung jeune homme fort et robuste pour marcher de soy mesmes, qui voudroit persuader à son pere vieil et caduc de luy baiïller pour tousjours le baston dequel il s’apuye pour marcher; car vous donnant mon enseigne, livres et affiches, celuy qui m'en achepte et distribue si grand nombre n'en voudroit plus pour diverses causes trop longues à réciter maintenant, qui suis trop occupé à d'autres affaires et debile; et ainsi demourerois je frustré des moyens et commodités que je recoy de ce costé là, et en danger d’estre ruyné. Quant au faict de continuer l'imprimerie vous mesmes, qu'escrivez de n'avoir moyen de rien payer, non pas la voitture, et qu'avez tant emprunté pour vivre, par quoy vous eussiez mieux fait de m'escrire telle nécessité sans me mander le dernier tonneau que je veux bien que faciés recevoir par mon frere Porret ou par le sygneur Sonnius qui en paiera la voitture et me le gardera; et j’eusse tasché de vous assister à mon povoir, comme je le desire de tout mon cueur et comme vray pere doibt estre affectionné de faire tandis qu'il vit et qu'il peut à son enfant, non selon que l'enfant ignorant et outrecuidé ‘en son audace et fantasie le voudroit bien; car cela leur seroit luy mal faire, ainsi qu'il advient à maints peres trop légers, credules et singes de leurs enfants qu'ils pensent advancer en leurlivrant ce qu'ils demandent, estant encores jeunes escholiers et non experimentés aux
