CHAPITRE PREMIER I

assez plus que n'estoit la garde des oues et des oysons. Sur ce pourroit-on assigner et dire plusieurs bonnes raisons prouvables es escriptures en philosophie naturelle, et es livres des Propriété^ des choses et des testes, desquelles ledit Jehan se passe pour continuer ceste matière.

Après Testât ou office de garder les pourceaulx, ledit de Brie, en accroissant son estât de estre promeu aux honneurs terriens, fut estably et ordonné audit lieu de Nolongne pour mener les chevaulx à la charrue, au devant du bouvier ou charretier, pour haster et exciter les chevaulx, comme Virgile l'enseigne en son livre des Bucoliques, où il traicte de cultiver et labourer les terres. Auquel office à la charrue ledit de Brie ne demoura que par trois mois seulement, pource que l'ung des chevaulx luy passa dessus le pied dextre, et le bleça tellement qu'il en fut malade par Tespace d'ung mois ou plus. Et ne peut continuer ne exercer iceluv office, eau-

lï: bon berger

sant son essoine de maladie. Et quand ledit Jehan fut tourné à garison de son pied, attendu qu'il s'estoit bien porté et qu'il estoit bien digne d'avoir aulcun estât convenable à sa personne, Ton luy bailla la garde de dix vaches à lait de la maison de Nolongne, lesquelles il garda bien par l'espace de deux ans continuellement. Et plus les eust gardées de sa bonne volunté si inconvénient n'y fust entrevenu : mais fortune qui nully ne veult ne laisse demeurer en cest estât, en eut envie, et par importunité d'une des vaches qui estoit desrée et demandoit les toreaulx, ou elle estoit enyvrée de maulvaise herbe ou bruvaige, le heurta de ses cornes moult orguilleusement et impétueusement, et abatit ledit Jehan à terre soudain et le bleça forment, tellement qu'il ne peut plus garder les vaches. Et quand il fut relevé et en convalescence, il vint audit hostel de Nolongne dire que jamais il ne garderoit les vaches. Et nonobstant son empeschement il fut receu honorablement, et lors luy fut baillée la garde de iiii. x. x.