CHAPITRE PREMIER IQ
aigniaulx débonnaires et innocens qui ne heurtoient ne bleçoient. Lequel Jehan, qui dès lors avoit esprouvé, comme dit est, aulcunes des fortunes et tribulations de ce monde auxquelles il avoit re'sisté par sa patience, receut voluntiers la garde desditz aigniaulx, et fut aussi comme leur tuteur et curateur : car ilz estoient soubz aage et mineurs d'ans. Et pource que ledit Jehan n'estoit pas noble et que il ne luy appartenoit pas de lignage, il n'en peut avoir le bail : mais il en eut la garde, gouvernement et administration quant à la nourriture. Et iceulx aigniaulx ledit Jehan traicta et garda moult amyablement et charitablement par l'espace d'ung an et plus. Et soubz son gouvernement, selon la coustume du pays, furent nourris, tondus, empouldrez, oings et saigniez par bonne industrie : et gardoit ledit Jehan son droit compte chascun jour, et les deffendoit des loups et des aultres maies bestes. Et après la garde d'iceux aigniaux, considéré que ledit Jehan croissoit en aage d'adolescence et
en science de bonne doctrine pour garder bestes, et avoit jà unze ans : lors luy fut baillée la garde de vi. xx. moutons, aultrement ditz chastris : lesquelz estoient chastes par de'fault de membres génitaulx et n'avoient aulcune coinquination à femelle. Et les garda continuellement par trois ans ou environ, si bien et deuement qu'il n'en fut aulcune complaincte, et que par ses fais louables et bonnes œuvres la bonne renomme'e de sa science, sens, discre'tion en ceste doctrine, accroissoit de jour en jour au pays de Brie et es lieux environ. Et ne faisoit pas comme mercenaire : car il aymoit le prouffit de son maistre, et ne les changeoit pas comme l'on dit que font aulcuns pasteurs, qui en donnent une oeille grasse pour deux maigres et en prendent le prouffit pour eulx : et ne leur chault que ilz en rendent leur nombre ; et aulcuns autres en y a qui fendent les grasses oeilles par le ventre et en ostent le suif et la gresse, et appliquent à leur prouffit furtivement, et laissent les bestes maigres et langoureuses, et par leur coupe.
