CHAPITRE PREMIER

Certes, soit en espirituel ou en temporel, il n'est pas bon pasteur ne vray, qui n'ayme le salut et le bien de ses oeilles. Et aussi que Sainct Jehan blasme en ses évangiles les pasteurs qui n'entrent pas es bergeries par l'huys : tout aussi Sainct Matthieu en ses évangiles blasme les pasteurs qui font dommaige à leur fouc, et les appelle faulx prophètes et loups ravissables qui prennent la substance de leurs oeilles et eulx-mesmes les dévorent.

Au temps que Jehan de Brie estoit de l'aage de quatorze ans, il garda deux cens brebis portières à Messy emprès Cloye, par l'espace de deux ans ou plus. Duquel par expérience, qui est la souveraine maistresse des choses, il aprint par grant cure la théorique et la pratique : la science et manière de nourrir, garder et gouverner bestes à laine. Et le droit naturel que nature a aprins et enseigné à toutes bestes, non pas seulement aux raisonnables, mais à toutes aultres bestes qui naissent et sont en

l'air, en la terre et en la mer, et qui font ge'ne'ration : l'a enseigné et monstre audict Jehan, avec l'usage et continuation qui moult y ont aydé et valu. Et après tout, ainsi que l'en doit monter aux honneurs de degré en degré, et aussi comme l'en sceust pourveoir de estât à ceulx qui en sont dignes selon leur science, meurs et discrétion : tout ainsi ledit Jehan de Brie sans symonie fut estably et institué à porter les clefz des vivres, garnisons et choses de Thostel de Messy, appertenans à messire Matthieu de Ponmolain, seigneur lors du Tueil et Tung des conseilliers du roy nostre dict seigneur es enquestes de son parlement à Paris. Lequel office de clavier ledict de Brie fist et exerça par troys ans ou environ continuellement.

Item ledict Jehan, en augmentant son estât selon ce que raison et nature le duisoit et qu'il venoit à ans de discrétion, fut nourricier par ses ans continuelz, en ladicte ville de Messy, des oeilles, bestes à laine, moutons chastrez,