CHAPITRE PREMIER

portières, aigneaux, et antenoises, qui sont bestes d'anten, c'est à dire de plus d'ung an d'aage. Et leur appareilloit litières es estables, fourrage, et râteliers, et prouvende es mengoires, et aultres vivres et choses nécessaires moult curieusement.

Si doit-on avoir vraye présumption que, en faisant et continuant les offices et fais dessus déclairez et aultres qui sont des de'pendances et appartenances dont cy après sera dit plus plainement : ledit de Brie, comme bon et vray estudiant, fut enseigné, instruit et imbut en la droicte fontaine de ceste science et doctrine du faict de la bergerie. De laquelle fontaine les ruisseaux seront dirivez et déclairez en cest traicté, si plainement et proprement, que ung asne, qui est foie beste et rude, y pourroit mordre et en avoir vraye connoissance.

Mais qu'il sceust aussi bien lire et entendre que feroit ung homme.

De ce mesmes

Nul ne soit si présumptueux que il tiengne ceste doctrine pour fable. Car elle est moult noble et digne de grand louenge pour la haultesse du grand entendement de l'acteur. Et doit-on entendre grant amour et vraye obéissance en ce que ledict de Brie l'a voulu bailler, manifester et déclairer au roy nostre sire, et à nul aultre ne l'eust-il baille'e. Et peult-on vrayement conside'rer que les anciens sages hommes, desquelz nous avons moult de biens, si comme furent Hermès, Platon, Xenocrates, Aristoteles, Pytagoras, Salomon, Possedemus, Asclepiades, Yppocras, Zenon, Eraclitus, Dyogenes, Chritolaus, Auximenes, Hypater, Hermogenes, Cricias, Empedocles, Permenides, Boetos, Xenophantes, Epycurus, Socrates, Clyo, Théophrastus, Epymenon, Byaspenis, Jules César, Boece, Virgile, Omere, Ovide, Caton, Cyceron Tulle, Macrobe, Seneque, Xenophon, Euclides, Peryander, Mellissus,